الحوار المتمدن - موبايل
الموقع الرئيسي


من قصائد الراحل عبد الاخوة التميمي قصيدة (فرحة وكت)

نزار عبد الاخوة التميمي

2008 / 10 / 22
الادب والفن

فرحة وكت 3/10/1973

خلونة نفرح لوچذب نار الوكت چوتنه
ونسولف اعلى اخر دهر ونطش فرح لمّتنه
خلونه نگعد للصبح مامش امان الباچر
خلونه نشبع من بعض نشرب نخب گعدتنه
الناس بيهه النايمه او بيهه النذل ومسافر
خلونه نتوزر امل ونخلّص من الحسرة
الدنية بيهه الصايحة ومهلهله والغيرة
والناس مليانه فرح بين الطرب والخمرة
واحنه انحسد حتى البدو چي عايشين بگمرة
واحدنه بس ادغدغه غرگانه بيه العبره
وشما كبر بيه العمر وتگبع بكل صبره
ساعة وتشوفه من القهر حسراته ميته بصدره
او بالماي من يشرب يغص والظهُر يتيه دربه
مرات عدنه اشمرّه
او كل ونريد الفرح
ونريد نسهر للصبح
ونريد نلگي ارواحنا الخضره الطرية اويه المرح
ونشوف هذا العالم المليان بي خير وفرح
نتأمل او نتأمل وشنگول؟؟
كلما يشح الخير يبنادم ايزود
مثل البحر لو هاج ما سدته احدود
نزار عبد الاخوة التميمي

---

---

---

التعليق والتصويت على الموضوع في الموقع الرئيسي

---

.. سيلين ديون تتحدث عن معاناتها مع مرض نادر وتعد بالعودة إلى ال


.. الفنان الليبي الطارقي أماكا جاجي يحدثنا عن ثقافة وموسيقى الط




.. فيلم ولاد رزق 3 يتخطى 12.5 مليون جنيه خلال يومي عرض بالسينما


.. نجم الغناء الأمريكي كريس براون يعلق في الهواء على مسرح أثناء




.. طرد كوميدي شهير وصف نتنياهو بـ-النازي- في فرنسا.. ما القصة؟