الحوار المتمدن - موبايل
الموقع الرئيسي


بيدَكْ شمس الولاياتْ

عبدالكريم هداد
(Abdulkarim Hadad)

2004 / 3 / 13
الادب والفن



في ذكرى انتفاضة آذار المجيدة
(1)
عراقيينْ...لون وجوهُمْ لونَكْ
عراقيينْ... من تِعْطَشْ يِرَوونَكْ
ودمهم يِرتِخِصْ هيل لْ دِواوينَكْ
إنتَ الأصل رَفْعَةْ راسْ ، ولْدونَكْ...
لَمَّتْ نخل مِتحَزْمينْ...
يا مَحْلَى اليِحِبونَكْ...
عراقيينْ .
(2)
يِغِبشولَكْ حِلِمْ حاصودْ
مهرَة بْوَجِه عاتي الريحْ
ويِحِضْنونَكْ عِشِ?ْ تَسْبيحْ
جروح سيوفْ... بْهيبَه تْصيحْ
وأشوفَكْ جاي بِالهوساتْ ...
صِهيلْ خيولْ ... مَشاعِلْ ضاوْيَه وراياتْ
هلاهِل فَزْعَةْ أمْ حْجولْ .
مْسابِ?ْ نجمَةْ الغبشَه ، وللنايِِمْ تِحَشْمَه ?ومْ...!
يَاسْمَرْ ?ومْ...
ليشْ بْدِنْيِتَكْ مَهمومْ...
ليشْ حجايْتَكْ مَكتومْ...
?ومْ...!
وْزِفْ العيدْ ما مَحْزونْ
كافي لِلوَكِتْ بَسْ لومْ...
خَلَصْ صَبَرْ الصبَرتَه...
?ومْ...!
أرضَكْ تِـنْـتِخي المفْطومْ
حبيبَه وتِنْتِظِرْ نيشانْ...
شِدْ حيلَََـكْ... شِدْ حْزامْ
وعزيز النفسْ ما يِِنْهانْ...
واروي زهرة البستانْ وانْفِضْهِنْ نَفِضْ ?يلاتْ...
عيبْ الحرْ بذِلَه يْنامْ..
خورسْ كل ح?ي مَدسوسْ...
وسَكِتْ كل ح?ي مَخْروسْ...
حَ?كْ ما تِثَمْنَه فلوسْ...
بِايدَكْ تِفْتَحْ الفَردوسْ
إغْضَبْ ياشَعَبْ ...إغْضَبْ...
وانتَ اللعِبْ والمَلعَبْ...!
(3)
يَا بو خبزْ اليِشَبعْ الضيفْ
وينْ اللي يِزورونَكْ ...؟
تاكِلْ جوعَكْ من الجوعْ وبردْ يْراجِفْ سنونَكْ
طِفْلَكْ يب?ي بيهْ العيدْ
وآه الدمعْ بِعيونَكْ
تِفِزْ بشيمَةْ العا?ولْ وثايَةْ ?َمْرتي عينَكْ
وانتَ الشاطي والسَفانْ...
من ذي? الصرايِفْ تِلتِهِبْ نيرانْ
يا مَل?َه المَراجِلْ وشْحِلو المَل?َه ...
بحر من غيضْ ...
شِدْ بلَحظَةْ الشِدَّه
موتْ احمر يِناحِرْ موتْ...
وجرح الزنِدْ بِشْماغَك ...
شِدَّه
وخَلّي الرادْهَا عَ الضيمْ...
يِشوفْ الضيمْ...
ياسَدْ لو طِفَحْ رَدَّه ...؟
موج اعصار
الوِكاحَه رجال مَحْمَلْهَا
ورِياحْ السودْ من تْهِبْ...
ما تِذْري الشَبِثْ سِباحْ ... مَحْزَمْهَا
وراخي الشجر بْساعَه يْطيحْ ...
بْأولْ ماتمرْ هَزَّه
يا هَبْ ريحْ ...
يا هَبْ ريحْ...
وَصي هوستَك مهوال...
وخلي يصيح:
الدم يْطيحْ.. .
وشمس الدنيَا اتْبَوسْ بيه
لا ما طاح الثايِرْ عايِشْ .
(4)
يابنْ البيت...
وحدَكْ تِنْتِفِضْ هَبيتْ
ليل أعراسْ...
تِزيحْ الذِلَه عن الراسْ
وكِلْمَنْ بايَعْ وْخَناسْ..
وبيه العيبْ من الساسْ
وعليهْ هبيتْ حيلْ رداسْ
تِزيحْ همومَك التاذيكْ...
وتْحَديتْ ليل شباطْ ...بردْ شباط...
صوتَكْ مَزّ?ْ السَكتَه..
غيضَكْ ?لي شيسكتَه...
تِجادح جرحك أنت وشاطْ
صوتَكْ عِبَرْ بينَا أشواطْ....
عَلَى البصرة الجميلَة من صاحَتْ الصوتْ...
وعَلى بردي العمارة والناصْريَة الغَنَّتْ الصوتْ...
وعَلَى أربيلْ وجبال العلالي الرَدّنْ الصوتْ...
وعلى منايِر كربلا ونخل السماوة الضَدَنْ الموتْ...
هذا صوتَكْ ياعِراقْ...
نَشْمي مَرْعَدْهَا الليالي
وبْوَجِهْ سجانَه عاطْ :
نذل كِلْمَنْ يِمِدْ إيدَه لنَذِلْ
ويْعاشِرْ الجلادْ
وبثيابْ هذا الحكم نِسْتورِحْ الشِعْواطْ .
(5)
زيدْ النار يَمْكاونْ بَحَر شرطة
ولا مَديتْ ايدَكْ تِنْتِخي الدولار
ولا نفط المَشايِِخْ
ولا حتَى مكاتِبْ تِدعي ثوار
هَلا بْهايْ المَ?اصِد ونِرتِجي مِنَكْ
تِلْعَبْ باللعِبْ طوفانْ ...
اللعبْ وحدَكْ ... إلَكْ وحدَكْ
بايدَكْ شمس الولاياتْ ...
عروسَه وتِنطِر الزَفَه
مَنايِر تْهامِسْ النجماتْ ...
قصيدة جرح مايِطفَه
نِطْ وصيحْ بْعالي الصوتْ
وشوبِشْ ?وبي للمل?ه...
ولكِل طيبب وعزيز الذاتْ
ولا باعْ بْرِخِصْ جرحَه
نعرفَكْ يا وِفَه الطيبينْ...
عراقي بطيبته مغننين
وفاكْ البحر بيه امتَدْ...
وفاكْ البحر بيه امتَدْ...
وفاكْ بيه امتَدْ...
امْتَدْ...

السويد
18-4-1991





التعليق والتصويت على الموضوع في الموقع الرئيسي


اخر الافلام

.. لقطات من عرض أزياء ديور الرجالي.. ولقاء خاص مع جميلة جميلات

.. أقوى المراجعات النهائية لمادة اللغة الفرنسية لطلاب الثانوية




.. أخبار الصباح | بالموسيقى.. المطرب والملحن أحمد أبو عمشة يحاو

.. في اليوم الأولمبي بباريس.. تمثال جديد صنعته فنانة أميركية




.. زوجة إمام عاشور للنيابة: تعرضت لمعاكسة داخل السينما وأمن الم