الحوار المتمدن - موبايل
الموقع الرئيسي


(( إي للسلم .. لا للمدفع ))

جواد القابجي

2009 / 1 / 14
الادب والفن

شوف الدنيه اشلون اتدور
مرّه ابظلمه او مرّه ابنور

***********

سطَّرنه ابكل صفحه احروف
اوخلينه الميشوف ايشوف
لكن من الخفِّه اتطوف
بعض الوادم جنهه اكَشور
شوف الدنيه اشلون اتدور

ابلا لب تلكَاهه او لا نكهه
مثل المعدن إلّه اتحكهه
الوادم بالشدّه انجرِّبهه
اونعرف من يحميه للســـــــــور
شوف الدنيه اشلون اتدور

شدّينه الساعد علساعد
وعرفنه اليعمل والكَاعد
وتفاجئنه ابسيف الحاقد
او كَمنه انخاف امن الناطور
شوف الدنيه اشــــــلون اتدور

كَلنه الهَم راح اوما يرجع
إي للسلم او لا للمدفع
هاجت اصوات الما تنفع
اوسال الدم أنهر وبحور
شوف الدنيه اشــــــــــــلون اتدور

عيش الوطن اوشوف الصاير
اوشوف ابعينك لتظل حاير
والحق صاير ويَّ الغادر
او يتعذَّر صار المغدور
شوف الدنيه اشـــــــــلون اتدور

اعراقيين احنه او فد لمَّه
ابوحدتنه انصير احنه الأُمه
اومرفوضه اللي تهدر دمنه
هُم غربان او احنه انســــور
شوف الدنيه اشــــــــــــــلون اتدور

للناضل ضد الطاغوت
جانوْ يتصوروك اتموت
اوصوتك مَيخرسه التابوت
تبقه انتَ العالي او منصور

شوف الدنيه اشلون اتدور
مرّه ابظلمه او مرّه ابنور

---

---

---

التعليق والتصويت على الموضوع في الموقع الرئيسي

---

.. غادة عبد الرازق: ليس لي منافس على الساحة الفنية ولا يوجد من


.. غادة عبد الرازق: الساحة الفنية المصرية لم تعد بنفس قوة الماض




.. الفنان درويش صيرفي.. ضيف صباح العربية


.. -بحب الاستعراض من صغري-.. غادة عبد الرازق تتحدث عن تجربتها ف




.. أمسيات شعرية - الشاعرة سنية مدوري- مع السيد التوي والشاذلي ف