الحوار المتمدن - موبايل
الموقع الرئيسي


جلجل علي اليل

جبار عودة الخطاط

2009 / 1 / 22
الادب والفن



جلجل علي الليل
واجدامي
اكلهه الدرب
بعد
وحنين
وسفر
جلجل علي الوكت
والدنية نثت جمر
وعيوني يا غربتي
يحرث جفنهه السهر
محتام حتى الحلم
لملم طيوفه وهجر
والدرب ما ينتهي
والليل ما بيه كمر
جلجل علي الليل
واجدامي صارت خشب
تنزف حنين وتعب
مدوّر اضنه الدرب
لو جنه تاه الكلب
لو اضن ماكو فجر
واجدامي اكلهه الدرب
بعد وحنين وسفر
جلجل عليه الليل
والسمه تمطر جسب
وعل راسي
تمطر حصو
لميت كضبه حصو
من دولباني السغب
وبحلكي الوج الحصو

ضنيت حصوي رطب
لاحلكي باس الرطب
ولا اوراق شعري غدت
شمسيه بيهه احتمي
من المطر والحصو
من لعب بيه لعب
وظليت انود
وعلى ظلي انتجي
ويا دربي اشكد صعب
برجليه
يمشي الرمل
وعل كلبي وغف غضب
جلجل علي الليل
وهمي هد الحيل
لا حمد يمي ونس
والدرب ما بيه ريل
ذب راسي
منه الجتف
ما بيه حيل ايشيل
جلجل علي الليل
يارويحتي عودي
نكضني ليل الصبح
وعبرتني احدودي
فرشيت ظلي ابرمل
واتوسد اخدودي
حافي اطر الوكت
والدرب ورّم نكر
مسافر انه ووجهتي مابيهه
كاع وبحر

مسافر انه وجنطتي
ما بيهه غير الشعر
واجدامي اكلهه الدرب
بعد ..
وحنين ..
وسفر





التعليق والتصويت على الموضوع في الموقع الرئيسي


التعليقات

1 - تعيش
مازن البلداوي ( 2009 / 1 / 22 - 02:41 )
سلمت يداك، وسلم فوك

بديع ماكتبته

شكرا

2 - الى اخي الرائع
بان ضياء حبيب الخيالي ( 2009 / 1 / 22 - 09:31 )
كلماتك الرائعة اخي الفاضل مضمخة بحنين اهلنة....بحليب امهاتنا الطاهر بومضات الالم التي حبانا بها الله حينما غرسنا في ارض تشبعت بالالم والرفض..... دمت اخا رائعا مبدعا كل العمر

3 - تحية وتقدير
جابر السوداني ( 2009 / 1 / 22 - 12:09 )
عزيزي الخطاط الماذا كل هذا الحزن انا فقط كنت اود ان تكون مقبلا على الحياة لاكنك كنت مصرا على المغادرة ورغم هذا كانت القصيدة رائعة جدا
ارجو قبول سلامي مع الود

اخر الافلام

.. لما تعزم الكراش على سينما الصبح ??


.. موسيقى وأجواء بهجة في أول أيام العام الدراسى بجامعة القاهرة



.. بتكلفة 22 مليون جنيه.. قصر ثقافة الزعيم جمال عبد الناصر يخلد

.. الكلب رامبو بقى نجم سينمائي بس عايز ينام ?? في استوديو #معكم



.. الحب بين أبطال فيلم السيد رامبو -الصحاب- ?