الحوار المتمدن - موبايل
الموقع الرئيسي


مطر..

سامي عبد المنعم

2009 / 1 / 27
الادب والفن


مر بيه بستانك ..

مثل طيف الحلم

واختلط عطرك ويه القداح

وابهيده مشه ابدمي قصيده

مثل زخات المطر ..

سالت ابروحي.. ابهيده هيده

وچلچلت تينه عليه ..

وداخ بيه النهد..

من گطرت بشفافك عشگ

انه ودي انطير بجناحين.. بس

خاف الدفو ياخذنه غفله ونحترگ

وخاف اتيه ابلون خدک

وخاف تسحرني الرموش.. واعتلگ

ردت اجيسك...

جست حبات النده..

الذايب ويه النعناع..

وبهيده ذبت

مثل فراشه..

طرت من بين اديه.. وفرفرت

وچن گمر بلور..فز بيه وشبگته

وبالضوه النعسان بستانك سبح

ودارت ابروحي الحديقة الوان ..

وافتريت وي قوس القزح

وتالي ...

تالي شفت النوم بعيونك حزين

والتهينه ..

وردت اصيحك ...

خفت شجرة لوز تتصنط حچينه..

ويجفل ابروحي الحنين

ابگلبي قيثارة عشگ ..

تعزف مطر طول السنين

وسچه.. لا ريل اليمرها .. ولا سفر

بللتني ابلا رعيده.. ولا مطر

ونمت بعيوني محطات وسهر

راح اصليلك.. وارد اردود

بلكي اتخضر ابعمري نهر

+++++++++++++++
المانيا
--------------------------------------------------------------------------------
http://m1.ankido.net/news.php?action=view&id=1021





التعليق والتصويت على الموضوع في الموقع الرئيسي


التعليقات

1 - رمان يا قلعاوي
رحيم الغالبي ( 2009 / 1 / 26 - 19:56 )
حلو ابن قلعة سكر (ذي قار ) .. رائع
مطر
مطر

اخر الافلام

.. الكويت.. فيلم -شهر زي العسل- يتسبب بجدل واسع • فرانس 24


.. رحيل الممثل البريطاني برنارد هيل عن عمر 79 عاماً




.. فيلم السرب يتخطى 8 ملايين جنيه في شباك التذاكر خلال 4 أيام ع

.. الفنان محمد عبده يكشف عبر برنامج -تفاعلكم- أنه يتلقى الكيماو



.. حوار من المسافة صفر | الفنان نداء ابو مراد | 2024-05-05