الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
شعر شعبي - ياليل الهجر ياليل
ابراهيم الخزعلي
(Ibrahim Al khazaly)
2009 / 2 / 20
الادب والفن
ما ردناك ياليل الهجر
لا والله ماردناك
لكن أجبرونا اعليك
وصرنا احنه رفاكَه وياك
تِشَرّدْنا بظلام الليل
وظل اعراكَنه بنص العذاب هناك
وسدّوا بابك علينه
والله ياوطن
والناطور من اعداك
خاف نعود يحبيب
الك ونكَلّك احنا وياك
ومن ضلوعنه نصنعلك سيوف
وحنه النقتحم
ونشتت اعداك
وحكَ عيناك يحبيب
انت اعراكَنه الطيب
ابد والله ما ننساك
تدري الّي ابعدونا عنّك الباعوك ؟
لا احنه اشترينه
ولا احنه بعناك
وتركنه احبابنا
سهرانه العيون
تعد انجوم ليليه
تتامّل فجر بسماك
وهاي كَلوبنا
مثل العصافير
ساعه اهنا
وساعه اهناك
ثلاث اعقود نتلوّع
من يوم الّي فاركَناك
ياليل الهجر ياليل
هم عندك ضمير ايحرك اعضاك؟
مو كافي قساوه اتعذّب العشّاكَ
كل ظنّك تذله
وتجي وتنخاك؟
تموت ابعزها
دوم الأحرار
والورده تعيش ابوسط الأشواك
يا ليل الهجر ياليل
نبقى احرار احنه
مهما ضوكَتنا المُر
مرّه بيسْرِتَك
ومرّه ابيمْناك
مرّه بيسْرِتَك
ومرّه ابيمْناك
الدكتور ابراهيم الخزعلي
6/2/2009
[email protected]
|
|
التعليق والتصويت على الموضوع في الموقع الرئيسي
التعليقات
1 - داخل الخزعلي !!
جبار عودة الخطاط
(
2009 / 2 / 20 - 13:52
)
ها خويه دكتور ابراهيم
جنك لازم سبحة داخل حسن وتغني على ضيمنا 00ضيم العراق وهو يوزع شجونه على منافي الداخل والخارج
بعد اخوك اتهون
بس الحجي بيناتنه طلعت دكتور شاعر شعبي وضام علينه
كل الحب والتقدير
.. مقابلة فنية | المخرجة ليليان بستاني: دور جيد قد ينقلني إلى أ
.. صانع المحتوى التقني أحمد النشيط يتحدث عن الجزء الجديد من فيل
.. بدعم من هيئة الترفية وموسم الرياض.. قريبا فيلم سعودي كبير
.. المخرج السعودي محمد الملا يتحدث لصباح العربية عن الفيلم الجد
.. الناقد الفني أسامة ألفا: من يعيش علاقة سعيدة بشكل حقيقي لن ي
