الحوار المتمدن - موبايل
الموقع الرئيسي


على مُنحنى السواء

محمد علي ثابت

2009 / 3 / 5
الادب والفن


أو: إطلالة على مشارف العدم

***

صعود أو هبوط، مفيش فرق جامد
أمل زي يأس، بشوف كله واحد
يلوح حلم واعد
يقرَّب، يباعد
أستسلم، أعاند
وأوقات بسيب نفسي وبلقاني غيري

...

أسير في الشوارع وأدوَّر وأشوف
أسير وهم طاغي، حبيس سجن خوف
ما أشوف غير وشوش ناحتها القلق
وسجَّان بيحرس عمر اتسرق
ونور اختفى من نهاية النفق
وشوية معاني راسمها السكوت
طيبة، قساوة، وحيطان بيوت
فراشة جميلة حابَّة تموت
ورؤيا بتئنس وحدتي في النوم
وأحيانا كابوس، غرق بعد عوم
ومُنقِذ بيهتف وعابر يلوم
وغيري بيرسي في مواني مصيري

...

وبكرة اللي جاي يزحف من بعيد
وشايل في إيده وعود، أو وعيد
حبة فرح، وقلب انشرح
وأرض البوار في ترابها سرح
وعتمة ونور
ودايرة تدور
وزحمة، ووحدة في وسط الجموع
وألم في الضلوع
أو أمل في الرجوع
في نسمة تنشِّف كل الدموع
وصبر انتظار
وحسن اختيار
بين جنة ونار
مع إن الفرق بينهم مش جذري بوضوح
وما في ولوج فيهم إلا بطلوع روح
وبوصلة تخليكي يا مراكبي تسيري
...





التعليق والتصويت على الموضوع في الموقع الرئيسي


اخر الافلام

.. أحمد حلمى من مهرجان روتردام للفيلم العربي: سعيد جدا بتكريمي


.. مقابلة فنية | الممثل والمخرج عصام بوخالد: غزة ستقلب العالم |



.. احمد حلمي على العجلة في شوارع روتردام بهولندا قبل تكريمه بمه

.. مراسل الجزيرة هاني الشاعر يرصد التطورات الميدانية في قطاع غز



.. -أنا مع تعدد الزوجات... والقصة مش قصة شرع-... هذا ما قاله ال