الحوار المتمدن - موبايل
الموقع الرئيسي


غروب الجميل ابو شبع

جواد القابجي

2009 / 3 / 8
الادب والفن


للشاعر جميل أبو شبع

طوينه اسنينّه او صفّينه الايام
اوليل اللي يمر مو ليل خمره
بعد لا كاس عدنه او لحن انغام
***************** ولا نكَعد نسامر ضوه الكَمره
طوينه العمر وسنينه الطويله
وجزه ذاك السمر وملاطف العود
اشما طالت ليالينه الجميله
بعد هيهات ترجع زاهيه اردود
وسهرات المنى النفس العليله
وبالكاسات أيادي المكرمه اتجود
لطيفه اهواي ياكَعدات الاكرام
أبد ما ينِّسه محضر العشره
تسري انغامنه اشماتسري الانسام
***************** اوجميل الصوت يتحف أشجه نبره
جزينه اوجزت كل ذيج الليالي
اوجزه اوياها ركب اطيب الاحباب
آه يالذّة ايام الخوالي
اوياذاكَ هوانه الحلو الجذاب
ياكاساتنه اتشع او تلالي
وياجلمة هله اونغمة الترحاب
صرت مثل اللي متعلم اومعتام
والدنيه على المامش تجبره
اليعيش ابتالي عمره على الاوهام
***************** مينفعه الونين او جَذب حسره
صوت الناي ذاك الجان يسحر
بعد مابي نغم نشوان يطرب
او لحن ذيج المواويل المؤثر
راحت ويَّ نغمات التعتّب
اشما ارتب احروفي اشما اسطّر
ميكفِّي الشعر ماردت اكتب
الدنيه شاهده مو خطّة اقلام
القلم ينِّسِخ والايام شفره
آنه ابيقضتي يولا بالاحلام
**************** كَبل شو دنيتي ورديه حمره
كَضيت اسنين مابين اليحبون
حب اهل الهوه لهل الملاحه
احضنت ذيج الربع حضنة المفتون
احضنت شعر اللسان ابكل فصاحه
من انفوسها الطيب ويعنون
يبدلون الظلام بضي صباحه
اوجوه اتكَول كل واحد بدر تام
شباب اخدودها قدّاح سمره
شعرها تكَول هذا ريش نعّام
**************** وشفاف البنات البيه حُمره
خطينه على اعتابج يخمسين
وإجه وكت المشيب اوكَرّب الدور
اوصارت ذكرياتي ذيج السنين
والكَاع الزهيّه مملِحه او بور
ادري بيج يا دنيه اشتعزفين
لحنات الحزن تتعب الصنطور
اعزفي لحن للمتعوب مادام
صار اليستمعلج تالي عمره
مثل اللي سكنله قصر من جام
**************** حجر طايش يجي القصره اويكسره
رف كَلبي عليه ارفيف ملهوف
على كل الاحباب الجانت اوياي
جنت وياها روح ابروح مديوف
مثل الكَاع ويَّه دهلة الماي
هيَّ احساسي هيَّ السمع والشوف
ويشاهد صحبتي الراح والجاي
بالحب والمودّه رافعه اعلام
وصال اوشرف علجبهات تقره
تشوفك من بعد تبسم لكَدّام
*************** تره الدنيه بعدهم حيل مُرّه
(*) جميل ابوشبع : ابو نبيل ابن الشاعر الكبير المرحوم ( الشيخ إبراهيم ابو شبع )
وأخ الشاعر الشهيد شهيد ابوشبع وإبن عم الشهيد الشاعر ( الشيخ عبد الحسين ابوشبع ) الذي دُس له السم بواسطة مدير أمن النجف - جاسم الخلف - في عهد البعثفاشست المجرمين .





التعليق والتصويت على الموضوع في الموقع الرئيسي


التعليقات

1 - احسنت يا ابونبيل
ليث الدعمي ( 2012 / 4 / 22 - 20:23 )
احسنت على ذوقك بختيار الكلمات فانتم عائله شعريه بحت فلا ننسا لن ننسا شعركم بكل المحافل الحسينيه من ابيات رثاء ال البيت عليهم السلام فانا من اللرواديد الذين اخذو منكم الشعر من نبيل ولدكم تحياتي لكم ولكل خدمت سيدا شباب ال الجنه عليهم السلام

اخر الافلام

.. غادة عبد الرازق: ليس لي منافس على الساحة الفنية ولا يوجد من


.. غادة عبد الرازق: الساحة الفنية المصرية لم تعد بنفس قوة الماض



.. الفنان درويش صيرفي.. ضيف صباح العربية


.. -بحب الاستعراض من صغري-.. غادة عبد الرازق تتحدث عن تجربتها ف



.. أمسيات شعرية - الشاعرة سنية مدوري- مع السيد التوي والشاذلي ف