الحوار المتمدن - موبايل
الموقع الرئيسي


(( نوروز العراق ))

جواد القابجي

2009 / 3 / 17
مواضيع وابحاث سياسية

أدريبك بحرْ ابلا كَيش
لكن لازم أسبح بيك
ودري الحاسد عينه اعليك
بس عين الحب اترابيك
لو تبعد بطراف الدنيه
لازم تاليهه اوصل ليك
انته النور اليضوي اسمانه
والظلمه اشحدهه اتلاويك
يمناره إلكل السفّانه
مامونه او تتمسَّك بيك
انتَ الصدر الرحب الغالي
الواسع والطيبه اتباريك
ياشاهق ياغالي او عالي
سالم بكَلوب امحبِّيك
شُعله اوماتطفي اشمحلاهه
تتوهَّج من سر البيك
سر حبّك مزروع ابكَلبي
او روض الحب يتنومس بيك
ياطيب انتَ ابكل صحره
واحه او ماظن اعطش بيك
لو رادوا مابيني اوبينك
رادوا توكَع .. ماخَلِّيك
اولو رادوا بجروحي اتجرِّح
ماكَول آخ ابجرحي احميك
وتوجَّه اعله الرمح ابجرحي
وتبسَّم لازم أرضيك
اوخليتك مابين اضلوعي
امودَّع هوّه اللي يحميك
إنته ونته ينته ونته
إشما كَول آنه امقصِّر بيك
ياحب لو افتحلك كَلبي
خاف اتشوفه اوخاف ابليك

أدري الوادم كلهه اتحبّك
والحب هوّه الأجمل بيك
ياهيه .. مجنونين ابحبّك
( مو منَّه .. الما يؤمن بيك )

---

---

---

التعليق والتصويت على الموضوع في الموقع الرئيسي

---

.. الانتخابات التشريعية بفرنسا.. ما مصير التحالف الرئاسي؟


.. بسبب عنف العصابات في بلادهم.. الهايتيون في ميامي الأمريكية ف




.. إدمان المخدرات.. لماذا تنتشر هذه الظاهرة بين الشباب، وكيف ال


.. أسباب غير متوقعة لفقدان الذاكرة والخرف والشيخوخة| #برنامج_ال




.. لإنقاذه من -الورطة-.. أسرة بايدن تحمل مستشاري الرئيس مسؤولية