الحوار المتمدن - موبايل
الموقع الرئيسي


دقة على بابي

فوزي ناصر

2009 / 3 / 22
الادب والفن

الدنيا الصبح بكير
دقة على بابي
ما كنت مستني حدا
ما كنت موعود بحدا
يمكن هوا
يمكن هوى
يمكن حلم
يمكن علم
يمكن نوى
***
طليت
داعبني الندى
ناديت
جاوبني الصدى

رديت بابي منيح
خوفي ما تيجي الريح
بتزمر وبتصيح
تخبو
تخبو منيح
جايي اله العاصفة
جايي اله الريح

***
ما هديت
والدقة على بابي
يمكن
شي حزمة نور
تتحدى العتم
جايي ومعاها سرور
فل وحبق وزهور
ويمكن
هوى
بدق عا بابي
يمكن
أجو حبابي
جابن حنينن لزمن ماض
وتذكروا بوابي

***
ويمكن
أنا غلطان
يمكن خيالي دق عا بابي
ويمكن
ألف يمكن……
وزاد دق الباب عا قلبي
وزاد دق القلب عا بابي !

*********************
فوزي ناصر- شاعر وكاتب ومرشد سياحي في معالم فلسطين
[email protected]

---

---

---

التعليق والتصويت على الموضوع في الموقع الرئيسي

---

.. المخرج كريم السبكي- جمعتني كمياء بالمو?لف وسام صبري في فيلم


.. صباح العربية | بمشاركة نجوم عالميين.. زرقاء اليمامة: أول أوب




.. -صباح العربية- يلتقي فنانة الأوبرا السعودية سوسن البهيتي


.. الممثل الأميركي مارك هامل يروي موقفا طريفا أثناء زيارته لمكت




.. أمسيات شعرية- الشاعر فتحي النصري