الحوار المتمدن - موبايل
الموقع الرئيسي


شباچ...

سامي عبد المنعم

2009 / 4 / 20
الادب والفن



جيت اهزك ..
ياحزن شباچ بيتي
الفارگيته اسنين يابو اسنين
بس ما فارگاني
جيت اهزك .. واگعد انه وياك
بس الدمع وازاني وخنگني
وابخجل دگيت باب البيت وارجف
چني مو انه اليدگ الباب هوه اللي يدگني
واستحيت اكثر بعد ..
لمن سمعت الصوت ما بي ريحة امي
ابتعدت ..
مدري متر مترين ..
بس اشويه غاد
ودارت ابراسي السنين ابلحضه وحده
جيت انشد عن حمامات السطح
وچف الحبيبه اليدگ شباچي ابتوالي الليل
وانشد ..
انشد .. انشد
كبر جرحي ولا اضن بعد ينشد
ولا واحد ابوكت الضيج ينشد
مثل طير ابقفص محبوس ينشد
يونس الناس وابروحه الاذيه
دنگ الباب ابخشوع ...
وگال هسه اتذكريتك
هذا بيتك
هسه توني اتذكريتك
وسالت الرزه دمع شذري على العتبه
وبچه السرگي..
فتح روحه وطلع يتلگاني بره الباب
انه والسرگي تشابگنه لقاء احباب
واشتكالي ..
گال صار اسنين اتاني
حته هاي الرزه طاحت صفح من سولة حزنها
ورفضت اتعاشر وراكم قفل ثاني
وهسه گتله .. انه هسه ابلايه رزه ولا قفل
ياهو اليرجعني المكاني

----------------
المانبا -قلعة سكر





التعليق والتصويت على الموضوع في الموقع الرئيسي


التعليقات

1 - جميل
ع.د.؛ ( 2009 / 4 / 19 - 23:36 )
عاش حلكَك
وكأنني أقرأ لمظفر في جودة الصورة، فهنالك عبارات مظفرية
جيت أهزك - جيت أهزك يا عَمَدْ بيتي
من مفردات مظفر هناك في بيت واحد ثلاث: الرزة - شذري - العتبة
انها ملك الجميع لكنها تتكرر لديه في صوره فصارت جزءا منه
هناك أخرى طبعا فالوزن في حمامات السطح يذكـّر بحمامات السجن،أي حنة إلي وحنة إلك واللي يعجبه خل يحن، أنت تدري ما أعني
لدي ملاحظات أخرى
الصورة في الأسطر الأخيرة رائعة، مستقلة عن مظفر، وهي من سمات شعرك أنت، خاصة بك وحدك رغم أنها هي الأخرى تذكرني بـ
يا مفتاح فضة وما رهم غيرك عليْ مفتاح
بيت الأبوذية في الوسط يدلل على قدرتك في هذا الجانرا، أي النوع الأدبي، لكني أرى وضعه في مكان آخر، أي حذفه من هنا
في السطر الحادي عشر كلمة ابتعدت تكون موزونة إذا تم إلحاقها بالبيت السابق مباشرة، لا أن تكون وحدها
بدون مؤاخذة إذا لـُحنت ستكون أغنية ناجحة، لأن حزنها أصيل
أرجو الاستمرار
عبدالله الداخل

اخر الافلام

.. الأردن يتراجع 6 مراتب في اختبار إتقان اللغة الإنكليزية للعام

.. نابر سعودية وخليجية وعربية كرمت الأمير الشاعر بدر بن عبد الم



.. الكويت.. فيلم -شهر زي العسل- يتسبب بجدل واسع • فرانس 24


.. رحيل الممثل البريطاني برنارد هيل عن عمر 79 عاماً




.. فيلم السرب يتخطى 8 ملايين جنيه في شباك التذاكر خلال 4 أيام ع