الحوار المتمدن - موبايل
الموقع الرئيسي


مسخرة ياردلي

جورج المصري

2009 / 7 / 2
كتابات ساخرة


كان فيه في يوم من الأيام إعلان عن كحل إفرنجي اسمه مسكره ياردلي ، و الإعلان ده كان دايما بينرفزني ويضحكني .
بينرفزني لانه كان بيتكلم عن أفضل أنواع الكحل الإفرنجي المصنوع من شركة ياردلي . وكان وسيلة التدليل علي انه صنف ممتاز انه ما بيدوبش من الدموع وانتم عارفين الستات.

المسخرة اليومين دول من صناعة لابسي العمم ولابسي المنطلون في بلد اسمها إيران. ايوه الله اسمها إيران. قال إيه أعادوا عد الأصوات واكتشفوا أن الراجل مظلوم مش بس كسب الانتخابات لا العيل الغلبان اخذ أصوات زيادة.

بطلوا ده واسمعوا ده الغراب جوزه أحلي يمامة ؟ تيجي ازاي بس ممكن يعني حد يفهم أهلنا علشان أحنا بهايم ، شعب ثائر في الشوارع وبيموت من أجل أن تصل كلمته للعالم وبيقول الانتخابات مزورة ؟ نقوم نعد وبكل بجاحه نقول ان الراجل الديكتاتور او الدمية في يد الديكتاتور الأعظم كسب كمان وكمان؟

سرقوا الصندوق يا محمد لكن مفتاحه معايا!! الصناديق مع مين ومين اللي بيلعب فيهم ؟ لعبة مكشوفة من زمان في كل الدول الديكتاتورية وبيتعلموا من بعض أساليب التزوير و بسم الله ما شاء الله صناعة تزوير الانتخابات من اكبر وأتقن صناعات إيران وسوريا ومصر والكويت و اليمن و الصومال و الباقي مفيهوش انتخابات من الأساس و الصراحة الشعوب دي كلها لازم تشد السيفون علي حكامها بأسرع ما يمكن ريحتهم العفنة أزكمت انوف العالم.
ويحضرني نكته مصرية عن بسم الله ماشاء الله حرفية وزراء التزوير اقصد وزراء الداخلية الافاضل في دول انتاج التزوير.
جورج بوش الابن كلم الريس مبارك وقال له انا محتاسفي انتخابات الاعادة متعرفش وصفة سهلة ؟
قال لا يا ريس بوش انا أبعت لك وزير الداخلية بتاعنا الجهبذ حبيب العادلي
فقال له حلو أبعته او اشحنه في أول طيارة ...
بعد أسبوع بوش كلم مبارك وقال الله يخرب بيتك علي شورتك المهببة ؟؟
مبارك سال ايه اللي حصل انت خسرت الانتخابات يا بوش ؟
بوش قال له لا أنت يا مبارك اللي كسبت انتخابات أمريكا.

النظام في إيران يضرب الناس في الشوارع بالرصاص وبيموت فيهم علشان الشعب يخرس ويقبل الديكتاتورية الدينية وعاوزين يقنعونا أن عندهم ضمير قوي وعدد الأصوات زاد لأحمد أفندي.
و الله مسخرة إيراني مصنوعة من شحم الخنزير، أفضل أساس لصناعة مستحضرات تجميل النسوان. والله الشعب الايراني شعب جدع ويستحق الاحترام مش شعب نعاج زي شعب أنا ناسي اسمه بس أول حرف من الاسم الشعب المصري .





التعليق والتصويت على الموضوع في الموقع الرئيسي


اخر الافلام

.. أدونيس: الابداع يوحد البشر والقدماء كانوا أكثر حداثة • فرانس

.. صباح العربية | بينها اللغة العربية.. رواتب خيالية لمتقني هذه



.. أغاني اليوم بموسيقى الزمن الجميل.. -صباح العربية- يلتقي فرقة

.. مت فى 10 أيام.. قصة زواج الفنان أحمد عبد الوهاب من ابنة صبحى



.. الفنانة ميار الببلاوي تنهار خلال بث مباشر بعد اتهامات داعية