الحوار المتمدن - موبايل
الموقع الرئيسي


هيا بنا ننتخب !

جمال محمد تقي

2009 / 10 / 10
كتابات ساخرة


وين رايح وين ؟
هية لعبة ، هيا بنا نلعب مو ؟
ماكو انتخابات بدون مرجعية او مراجع ، شنو هية هيونطة !
انت انت شنو مرجعيتك ؟
مو اني سمعت انو يعني كل واحد عراقي لازم ينتخب !
اي يعني انت تعرف تنتخب منو ؟
انتخب اللي اريدة غير ، انت شعليك !
اشلون شعلينة ، غير لازم نضبط الانتخابات حتى لا اتشيشنة ، احنة اللي سوينة الانتخابات واحنة لازم اندوزنهة !!
يابة انتخب حسنة ملص هة !
شنو هاي من المرشحات لو من المراجع لو من الائتلافات ؟
اخوية اشمدريني ، هية اجت ابالي ، او انة كتيتهة ، جا هية غير حرية والمواطن حر !
شنو حر او بر ماكو هيج حجي ، يعني ما كو هيج بطة تلعب شناو !
لا لا لا لازم تعرف الجهة لو الحزب اللي اتريد تنتخبة !
حزب الديج هو احسن حزب ، بس ياكل وينام و يضرك بس !
شنو اتحيونت الرموز الانتخابية عدنة ، اوصارت ديج او دجاجة وانة ما ادري ؟
جا لعد امريكا احسن من عدنة شنو مو حزب بوش عندة ماركة الفيل او حزب اوباما حشاك ماركتة الحمار ؟
ها اي اي ، اي والله صدك ، بس احنة بعدنة ما وصلنة الهاي السالفة !
زين شعار القائمة مالتك شنو ؟
ها اي اي ، الشعار ايكول حسنة ملص ذبحت ديج او عزمت كل شيالة البريج !
ولك امنين جبت هالشعار هاذة !
عمي انت مو عندك مرجعية او هية تاج على راسك ، ها او شدكلك ، انت مثل الحمار تمشي وراها اي احنة مرجعيتنة من راسنة ، انباوع عليك او نضحك او نوبات نبجي ، او بعدين انكوم انصنف عليك لانك تركض والعشة خباز ، اشمالك اثوك ؟
شنو يعني انة مضحكة مال الخلفوك ؟ مو هاي احنة دناخذ بطانيات ، او سبح او محابس او ناخذ كمبيالات مال الحج لو العمرة اي شنو بعد ؟ او اهم من كلشي احنة وية اهل البيت بعد شكو ؟
بلابوش اللي يضربك حتى لا اتكول ليش ، او صخرية ماو ابعرج الاذن على هيج سمعة كشرة ، ولك اسمع اسمع ، اهل البيت سكنوا يم دار حقهم ، بس احنة وينة سكنة ها ؟ ولك هذولة ايقشمرون على الوادم ، ولك هذولة من لحم ثورنة ايطعمونة ، همة ايبوكون بفلوس النفط واحنة ماكلنة الهبري ، او فوك . . حبة ماش ، ياخذون الخموس من هل فقرة ، ولك هذولة ما يلطمون على الحسين بس علة الهريسة ، كلبهة ابراسك اشوية راح تفتهم كل واحد من الناس هو نفسة من اهل البيت او ـ بيتنة و نلعب بيه او شلهة غرض بينة الناس ـ احنة مامحتاجين واسطة عد الله هو شايفنة لو لا ، هو مايشوف ها احجي ؟ هو شايفنة زين او شايف السيبندية جماعة المرجعية ، روح روح شوف حتى الكشوانية صاروا من اصحاب الملايين والعقارات والشركات وانت احسب بعد ، امنين ها امنين ؟ اشو الناس ميتة جوع ، او همة او عوايلهم ايعيشون ابنعيم ، وتريدني انتخبهم ، لا لا لا والله ما انتخبهم حتى لو ادخل النار ، بس لازم تعرف هذولة جماعتك همة النار اللي تحرك اليابس والاخضر واللي كال عنهم القرآن المنافقين !
حجيك ايدوخ بس هسة خلي ناخذ او بعدين يجي الليل او نسمع حس العياط !
بس اسمع لا تحجي حجيك هاذة الياهو جان ترة هذولة حالفين لازم ايفوزون او همة امعرتين بالحكم او لازمينهة بيديهم وسنونهم !
الله ايكسر اسنونهم انشا الله ، عمي انة لا راح انتخب ولا اقشمر نفسي !





التعليق والتصويت على الموضوع في الموقع الرئيسي


التعليقات

1 - لنا امل كبير في التيار العلماني
عزيز الملا ( 2009 / 10 / 10 - 20:01 )
الاستاذ جمال /تحيه طيبه
الشعوب التي حصلت على حريتها وسيادتها وحكمها الديمقراطي لم تحصل على ذلك الا بعد مرور عشرات السنين والا بعدما قدمت التضحيات الجسام ولم تتقن تلك الشعوب لحد الان تلك العمليات الانتخابيه والديمقراطيه فكيف بنا ونحن الشعب الوحيد في المنطقه الذي يخوض هذه التجربه الرائعه والفريده رغم سلبياتها الا ان الامل كبير في التغيير والسير بالاتجاه الصحيح الذي يغيض جدا الحكومات المحيطه اقليميا بنا وهم متيقنون بان الديمقراطيه ستجتاحهم لامحال وستنهار احكامهم الدكتاتوريه والاستبداديه بلا رجعه وبلا اسف وفي مقدمتهم القومانيون المزيفون الذين رفضتهم الشعوب وسوف لاتقوم لهم قائمه خصوصا بعد تجربتهم المخزيه في العراق طوال 35 سنه مضت من حكم البعث البغيض
ان حكومات المنطقه لم تدعنا نخوض تجاربنا فهي تدمر كل شيئ والذي ذكرته هو نتاج تخريبي وطبيعي من قبيل صناعتهم ودعمهم لتلك التيارات الرجعيه التي بات الفرد العراقي يميز ذلك ويدركه تماما وماهي الا فترات ومجالات سيكون مكانهم القمامه والجحور
ولو لم يكن هناك خلل في العمليه ولم يكن دعم هائل لكان التيار الديمقراطي واليسار العراقي هو المنتصر
ومع ذلك فنحن في بداية المشوار وعذرا للاطاله
تحياتي

2 - انتخب
ابو عيسى ( 2009 / 10 / 11 - 11:40 )
سأنتخب كتلة التيار الكهربائي جناح التيار المتناوب
وحتى لا انتل سأعطي صوتي للأقدر والكفوء والسريع في تفريغ خرج الدولة الديمقراطية على أن يكون من ذوي الايادي المو بيضة أي لون تحمل المهم مو بيضة
وأن سألني احد لماذا هذا الاختيار سيكون جوابي اننا نعيش عصر ما بعد الحداثة وانا تجريدي الاسلوب وسريالي النزعة وانشطاحي واستبدادي وكل ما ينتهي ب-اي
دمت ايها الصديق

3 - نعم هم راحلون
البراق ( 2009 / 10 / 11 - 17:48 )
الاخ جمال ارجوك انظر الى ايران ومنزلة الخامئني الان ماذا ترى ؟الجماهير تهتف بالشوارع بسقوط الدكتاتور ان المرجعية في تراجع وان احزاب الاسلام السياسي في العراق في تراجع وهذا التيار في كل مكان متراجع الان والموقف يعتمد على قوى اليسار وجميع العلمانيين واللبراليين الديمقراطيين ومدى تمكنها من توحيد صفوفهم واعلان قائمتهم الموحدة وستلاحظ حصة جماعة المرجعية

اخر الافلام

.. إصابة الفنانة سمية الألفى بحالة اختناق فى حريق شقتها بالجيزة

.. تفاصيل إصابة الفنانة سمية الألفى بحالة اختناق فى حريق شقتها




.. الممثلة ستورمي دانييلز تدعو إلى تحويل ترمب لـ-كيس ملاكمة-


.. عاجل.. تفاصيل إصابة الفنانة سمية الألفى بحالة اختناق فى حريق



.. لطلاب الثانوية العامة.. المراجعة النهائية لمادة اللغة الإسبا