الحوار المتمدن - موبايل
الموقع الرئيسي


تعشبقي فوقي

زاهد عزت حرش
(Zahed Ezzt Harash)

2009 / 11 / 1
الادب والفن



عم تبعتي بوسة من شفافك على خدودي
وبتسرحي بِحالكْ
طلَبتْ مِنِكْ..ِ وكرمال عَينيكِ
لا تتعلقي فييّ
ولا يِنْشِغلْ بَالك
شو بتَعرفي عَني ..
وانا مضَّيّع شمالي من شمالكْ
بخَافْ اني جِنّ ..
ويصير بيناتنا شي ..
مَا كان عَ بَالِكْ
لا تنَكوشي فيّي ..
وتتنَغوَّجي .. بيتقطعوا حبالِكْ
انا مَجْنُونْ .. قِلتِلِك .. لا توَرطيني
وتتورطي
عَم بِحكِي كِرمَالكْ!

لو تِسمحيلي بِنبُش بشَعرِكْ
وبفَرّفِكْ خيالِكْ
وبفُوتْ جِوّاتِك انبُشْ صناديقكْ
كَّسِر مفاتيحِكْ
وانكُتْ الغَبرا عَن سِحرْ مَوّالِكْ
تّرِكِيني غِّل فِيكي
ضَّيّع شَرايني بشَّرَاينِكْ
اسبِح على خَصرِكْ
واتْسَحسَل على جبَالِكْ
هَونِيكْ بِوَادي المِسْكْ
نَّقوِدْ عَسَلْ تِيِّنكْ ورِمَانِكْ
وغِّب حتى دُوخْ من عِطِر شَّيَاليكْ
ومن عِنقْ كِرسي الخَّد
حَّيّك زرَار يَاسمِنِكْ
والفل عَم يِكْرُجْ عَ سِلّسَالِكْ
مَا عَادْ فيّي رُوق
لا تِتعَبي..
تْشَّربَكوا حْبالِي مع حْبَالِكْ

تّعَبَطي فيّي
أُعصْرِيّني
تّشَقبَعِي فَوّقِي
مَا أنا خَلقَان كِرمَالِكْ
31.09.10





التعليق والتصويت على الموضوع في الموقع الرئيسي


اخر الافلام

.. -أنا مع تعدد الزوجات... والقصة مش قصة شرع-... هذا ما قاله ال

.. محمود رشاد: سكربت «ا?م الدنيا 2» كان مكتوب باللغة القبطية وا



.. جائزة العين الذهبية بمهرجان -كان- تذهب لأول مرة لفيلم مصري ?

.. بالطبل والزغاريد??.. الاستوديو اتملى بهجة وفرحة لأبطال فيلم




.. الفنان #علي_جاسم ضيف حلقة الليلة من #المجهول مع الاعلامي #رو