الحوار المتمدن - موبايل
الموقع الرئيسي


صوت الشعب

محمد علي محيي الدين
كاتب وباحث

2009 / 11 / 14
الادب والفن


ألغيرك فلا صوتت لن أنت صوت الشعب
وبسمك أشكد غردت كل شعري ليك أنكتب
وأدريك أنته الأمل وحدك عراقي النسب
داعيت وانته الوفي الوحدة أكراد وعرب
وكلت اتحاد العرب طوعي وفدرالي
والبعثي عكرب نكس ينداس بنعالي
ولسه اتحاد الشعب مضمومة حدر الضلع
وحبك يعز الوطن دولار ما هو طبع
يمشي ويا مجره النفس للروح صاير طبع
لو تفك كلبي تره سطرين طبعوا طبع
مكتوبه وبلا قلم عنهن فلا جانب
كل سطر منهن أخذ من الكلب جانب
حب الوطن والشعب مكتوبه في جانب
وحزب الشيوعي يظل مطبوع حبه طبع
****
لبيك صاح الشعب يمنادي ألف حياك
ذوله أحنه زلمك زلم تلكانه عد عيناك
نرفع بيارغ حرب نعادي الذي عاداك

ونفرك أخشوم العدو بكل موزمه وياك
ونصيح حيهم يحي حزب الشيوعي البطل
وحي اتحاد الشعب حي على خير العمل
وراية شعبنة زهت من بين كل الدول
لن رايتك رفرفت فوك الوطن عالي
هم دمقراطي الفكر وجماله فدرالي
ما يوم خنت الوطن لو أجنبي توالي
عزك ورث من فهد تاريخ الك مشهود
وجذرك بكاع الوطن سباح أله ممدود
صامد أبد ما لنت جنك صخر جلمود
يا حي رفاق الدرب حياك أبو داوود
صغت النه تاج الفخر تاج الرياسة ألك
فنه الذي زامطك لو بالفهم عادلك
محبوب من الشعب وبألف ما بدلك
***
حياك يوم الكلت هذي اتحاد الشعب
بيها يساري الفكر وبيها الكرد والعرب
شاعر رياضي وتضم خيرة رجال الأدب
وبيها شيوعي الأصل مزكه وصحيح النسب
ما مره خان الوطن لا يوم باك ونهب
بميزان أهل العدل زاد على وزن الذهب





التعليق والتصويت على الموضوع في الموقع الرئيسي


التعليقات

1 - سلمت يداك
Karem ( 2009 / 11 / 14 - 15:11 )
تعيش اجازتك المحبه الشيوعيه خير جزاء لاجف قلمك وسلمت يداك ولمثل هذا ننتظر فعلينا أستنهاض الهمم من أجل أيصال أكبر عد من الممثلين الديمقراطين الى مجلس الشعب الوضع الان يحتاج الى عمل واسع على جبهتين الأولى وهي فضح جبهة الحيتان الكبار وطريقة استحواذهم على اصوات منافسيهم والثانيه هي ان نبين للناس اذا تقاعسوا ولم ينتخبوا الديمقراطين بشكل كبير فسوف لايحصلوا على اصوات تكفي لتجاوزهم العتبه او القاسم الأنتخابي وتذهب الأصوات الى الجانب الذي لايرغبون

2 - رائع
رحيم الغالبي ( 2009 / 11 / 14 - 16:53 )
نشرت الان عنها صتوا لاتحاد الشعب
تجدها قرب قصيدتك في مجلة انكيدو
وارسلتها ااحوار المتمدن

3 - رد
محمد علي محيي الدين ( 2009 / 11 / 15 - 07:42 )
الأخ كريم
مودتي والف شكر لتضامنك الرائع مع الصوت العراقي الشريف صوت البروليتاريا العراقية وقائدها لأنقاذ البلاد وعسى أن يكون الوعي الشعبي قادر على التمييز وأختيار الأفضل
الرفيق رحيم الغالبي
سلمت وسلمت يداك والى أمام من أجل أعلاء راية وطن حر وشعب سعيد

اخر الافلام

.. كاظم الساهر: العاصمة الإدارية الجديدة مبهرة ويسعدنى إقامة حف

.. صعوبات واجهت الفنان أيمن عبد السلام في تجسيد أدواره




.. الفنان أيمن عبد السلام يتحدث لصباح العربية عن فن الدوبلاج


.. الفنان أيمن عبد السلام يتحدث عن أسباب نجاح شخصية دانيال في ل



.. فيلم ولاد رزق 3 بطولة أحمد عز يقفز لـ 193 مليون جنيه منذ طرح