الحوار المتمدن - موبايل
الموقع الرئيسي


أحنا الخونة

شريف حافظ

2010 / 1 / 5
الادب والفن


شبعنا تخوين والخاين معروف
السب فينا من زمان
مألوف!
القضية بأكملها أتنست
وإتجمعت لجدار وحيد
الصفوف
وليه الجدار؟
التعليل، للرافض
كثير من علته محذوف
وبقيت أنا وإسرائيل واحد
لكن العمالة تهمة جاهزة
للي بلا حجة، وع الهزيمة
ملهوف
بدل ما يمسكوا بكل الأيدين
لبُنى تضامنا،
الجاروف
جايبين كلام ماسخ
من فوق عبق الرفوف
ونسيوا تقاتل الأشقاء
وكل الظروف
ونسيوا الدم اللي سال
وبيدقوا في وش مصر
الدفوف
وهي من طيبتها
مش عايزاهم
خروف
يذبح!
وما يتاخدش منه
إلا صوف

إزاي أقولهم
إن السياسة
قدر ملفوف
وأن مصر .. هي مصر
ما يقروا بقى
ولا حيعيشوا عزوف؟
مش شايف يعني منهم
حد كده مكفوف
ولا القراية
فرض منسي؟
والدماغ مخطوف؟

الحلو أن الإنسانية
نأحت أوي
على الغزاوية
وأبني ضنايا
اللي بيشقى
سايبه أنا
عمال يطوف
وجدار فقره
مش تبع
دي الإنسانية
لأنها شئ نسبي
حسب الظروف

والظرف بيحدده
عقل العكوف
اللي بالسبحة قاعدين
يحللوا ويحرموا
حسب ضرب الكفوف
تصقيفة للعبد
ينفذ بفتوى
مرة لونها بمبي
ومرة لونها موف

سينا ماسيناش
جمعوا أسامي شهداء مصر
جمعوا منها الحروف
أكيد بغض النظر
أقل من الملايين والألوف
اللي حماس بتلعب بيها
من طهران
للي في جنوب لبنان
بأمر المُلة يطوف

وصح! أحنا اللي خونة
أحنا اللي خُنا المصريين
بدخول خسيس في قضايا
الحق فيها بالليل
يصبح مشطوف
أحنا اللي خُنا الأهرامات
ورحنا نبني
في مكان بعيد
أبراج وصقوف
والعشش عندنا ياما
وكنا بنقول أننا منكم ياما
لمرجوع الزعامة والتنمية
حنشوف

بس يا خسارة
دمنا راح
والإنسانية
بقت مش لينا
وأصبحنا أحنا
الداء موصوف
والدوا تعريض أمننا
للخطر
من أبو جبة صوف

شبعنا تخوين والخاين معروف
السب فينا من زمان
مألوف!





التعليق والتصويت على الموضوع في الموقع الرئيسي


اخر الافلام

.. بشار مراد يكسر التابوهات بالغناء • فرانس 24 / FRANCE 24


.. عوام في بحر الكلام-الشاعر جمال بخيت يحكي موقف للملك فاروق مع



.. عوام في بحر الكلام - د. أحمد رامي حفيد الشاعر أحمد راي يتحدث

.. عوام في بحر الكلام - الشاعر جمال بخيت يوضح محطة أم كلثوم وأح



.. عوام في بحر الكلام - إلهام أحمد رامي: أم كلثوم غنت في فرح با