الحوار المتمدن - موبايل
الموقع الرئيسي


روض

حامد كعيد الجبوري

2010 / 2 / 18
الادب والفن


جمعتنا القلوب وفرقتنا الأديان ،
سلام لقلوب السلام
ضيعتهم ...
ضيعت ...
وآنه الضعت
السمه ملعب للنجوم
نجمه جوبيه تدور
ونجمه تلعب شوشليه
ونجمه طشت ويهليه ...
هلبت إيرد الحبيب
الليل بالوحشه طويل
والسمه ...
السمه أبيوت النجوم
أتنث على الدنيه ضوه
كبل جية الفجر تغفه...
ونجمة الغبشه صحت
النجم من يتعب ينام ...
وللصبح نجمه ضوت
روض ...
روض يانسمة شمالي
يظفر السنبل حرير
إيركص الكذله دلال
على أعيون البحر تسبح
والصدر ...
وثبة فرس
إبهيده يتعنه المراسي
والزمن مرود غوه
وكلبي عشج ....
وغير عشج ما هوه
روض ...
يافزة كطايه
أبفي نبعها ...
إتلملمت كرصة نده
إيسولف البستان بيها
ويفتحلها الجوري ثوبه ...
وتزهر أغصان الورد
وكطره كطره ...
كطره كطره
أتفيض روحه ...
يكبر وينزل برد
إتضحك إشفاف السواجي
وتترس الجوه خضار
روض تتثاوب إحديثه
والوكت طرة نهار
روض ...
روض من تكبل أعذيبي
عنبر وريحة سعد
إتحزم الجمار إلها
ويفرش النرجس إثيابه
ورد يتلكه الورد
إبروح أبوك إمنين فاتت
عكد يسأل من عكد
روض ...
روض ضيعت المحطه
لا قطار الصاعد أمحمل إبشاره
ولا قطار النازل إيشيل الخساره
والمحطات إشكثر ...
نزعتني إثياب صبري ...
ولبستني أهدوم غازلها الصبر
حبيبه صارت روحي موكد
جمر ... وأحلامي جمر
حبيبه ... كلبي
كلبي تارسلج سوالف
تنكتب أترف قصيده
ويقره شيطان الشعر
حبيبه روحي ...
روحي طوك أصياغه صبي وينشتل
ليلو والركبه ضريح ...
للصحائف رتّل أبوحي الخدود
نذر يشتم النهود ...
وينصلب
عالصدر خشبة مسيح
حبيبه ...
حبيبه أشبع موت ...
بيج وأستريح ...
موت وأستريح
***


الجامعه المستنصريه
1973 *

* : رفعت مفردات وأضيفت أخرى عام 2009





التعليق والتصويت على الموضوع في الموقع الرئيسي


التعليقات

1 - دائما تبقى مغردا
محمد علي محيي الدين ( 2010 / 2 / 18 - 07:45 )
رغم الشعر الأبيض الذي يغطيك الا أن قلبك يبقى غارقا في بحار الحب يبحث بين شطانها عن صدق ومحار ولا زلت تناجي أطياف الأحبة وكانك أبن العشرين

اخر الافلام

.. فيلم الممر مميز ليه وعمل طفرة في صناعة السينما؟.. المؤرخ ال

.. بكاء الشاعر جمال بخيت وهو يروي حكاية ملهمة تجمع بين العسكرية



.. شوف الناقدة الفنية ماجدة موريس قالت إيه عن فيلم حكايات الغري

.. الشاعر محمد العسيري: -عدى النهار- كانت أكتر أغنية منتشرة بعد



.. تفاصيل هتعرفها لأول مرة عن أغنية -أنا على الربابة بغني- مع ا