الحوار المتمدن - موبايل
الموقع الرئيسي


نعم أحرقت ألعلم ألعراقي

كاظم محمد رحيمة الساعدي

2010 / 3 / 17
مواضيع وابحاث سياسية



يتجاسر الجميع لقراءة ألموضوع الحمقى والعقلاء.. البسطاء والخونة ..ألمسالمين ومن تخضبت يديه بدماء
الابرياء والمغيبين قسرياً ..ابواق نظام بائد وابواق نظام يستبد...من أحرق ألرمزألذي تضعه راقصة زبانية يُقادون ولا يقودون على خصرها ألمدمج بالخطاياوعندما يثمل الجميع تدوسه ذات ذات الاقدام..وربما سيتكاتف رجال القضاء ضد من قام بحرق العلم متناسين الاف الجرائم البعثية وجرائم الايام الدامية والآف السرقات القديمة والحديثة والآف الآف الاعدامات التي لم يصدر بها امر قضائي...ربما سيتحد الشعراء والفناين ضده وتناسوا قصائدهم ورقصهم امام مجرم العصر بطل الحفرة الجرذالكبير...هل من الممكن ان يتحالف الفرقاء والاحزاب لتشكيل جبهة موحدة ضد من قام بحرق العلم ويتناسوا جرائمهم ضد الالاف من الابرياء....ربما سيصدر مجلس النواب مذكرة بحقه ولكن الاجدر بهم ان يذهبوا طوعاً الى السجن لأنهم هم اللصوص الحقيقيين لتشريع سرقة اموال الشعب العراقي...ومن الممكن ان يقوم بالمتابعة اما برلماني رياضي او ممثلة سابقة ربما سيعود عدنان الدليمي يصرخ انقذوا العلم ....الاكيد ان المعارضين الجدد من يتمترس بخنادق جرذية في دول الجوار المصدرة للموت هي من ستطالب باعدامه...ربماالرئاسةو الوزراء والخارجية وكلاهما هي من ستتكفل بالموضوع وتتناسى الآف الوظائف اللامستحقة للاقرباء والبعثيين السابقين بصفة مدير عام وسلك دبلوماسي ووو


ويلك يانيسان
نبؤتك كفر
رداؤك عهر
ماؤك سراب
مواسمك تعلن الخراب


نعم هذا ماكان في الحلفاية -العمارة..من رجل سبعيني يحرق العلم العراقي علم وطنه ...أنها ليست رواية تهكمية بل حقيقة يرويها المهندس احمد عزيز صديقي ابن المدينة نفسها قالها بصمت مملوء بالخوف والأسى...رجل من مدينة هي الاغنى على وجه البسيطه ومحافظة هى الترتيب الثاني عالمياً بالاحتياط النفطي مدينة تحمل آباراً مجنونة وبمليارات البراميل النفطيه وابنها الرجل السبعيني ابو هادي يحرق كل علم عراقي يقع بين يديه
-هل لي من وقتك ايها الرجل الطيب-
-ماذا تريد؟؟
-أريد ان اسالك سؤالآ مباشراً ولكن ليس هنا بل في بيتك-
-أهلاوسهلآ-
بضعة امتار يسيرها بتثاقل وانا أدفع عربتة ألخشبية تآكلت أطاراتها وهو يحمل ألميزان
اجل بائع سمك .
..الدار عبارة عن صريفة لاتستر الا بقدربسيط

-حجي يسموك ابو هادي ليش مايجي وياك يساعدك-
-ابني قلنا ندرس ولدنا ونتعب عليهم يساعدونا بكبرتنا-
هادي طالب هندسة وجبار كمل كلية التربية رياضيات واشتغل مدرس ثانوية
-الله يخليهم الك-
--ابني اتركنا من الولد شنو سؤالك
-حجي صدق انت تحرق العلم العراقي-
-منو قلك-
-حجي والله والله اريد بس اعرف ليش وانا مالي علاقة بس اريد افتهم ليش لان غريب عراقي يحرق علم العراق
-لا ابني انا مو عراقي انا انسان نكرة-
-حشاك حجي-
-وليدي سالتني عن اولادي- ...
الاول حزب البعث اتهمه بانه من حزب الدعوة وانعدم والثاني جبار انعدم بالواحد وتسعين اتهموا بالانتفاضة وبقيت انا وهاي الي تشوفها ام هادي
-وهم ولدك شاركوا بالدعوة والانتفاضة-
-ابني انت مثقف ومن اقولك اتهموهم اقصد كلاب البعث الحزبيين الرفاق اتهموهم-
واحنة صرنا مثل الي بينا جرب الناس صارت متتقرب النا خايفة بالليل يمرونا والبعث الي بالمنطقة كل شهر شهرين صاحولي واستجواب سموني ياابني... ابو الخونة
وصرت كل مااروح للشعبة والفرقة اتشاهد الف مرة
وقمت من اشوف العلم اتذكر ولدي وحالتي الي صرت بيها
صرت كل مايطيح بيدي علم عراقي اجيبة للبيت احرقة بلا محد يدري
-ليش حجي
-ابني الدول تحط علم تعز شعبها احنا حاطين العلم مو بس يذلونا لا يذبحونا لان احنا ناس موعراقيين نكرة-
-حجي الامور اتغيرت وهسة الوقت زين وصار تقدر تتكلم وتطالب بحقوق اولادك لان انت انظلمت من ابن صبيحة وكلابه البعثيين
-رحت مرة وحدة لبغداد وشفت واحد كان اسمه رفيق شلاش الكلاش ابن الكلاش مسؤول عن موضوع-لشهداءدرت وجهي ورجعت ...ابني هسة زمن الرشوة والواسطة وناس تستلم رواتب باسماء مزيفة ويتقاسموها مع الموضفين
ابني كلمن يقلك اكو شريف ببرلمانك ودولتك والي هسة يريدون يرجعون البعث لاتصدق
-حجي خلي ايمانك بالله كبير ومحافظتك راح اتصير جنة لان النفط الي بيها راح يصلح احوالكم-
-النفط يانفط طول عمرها العمارة عايشة مثل العصر الحجري نحرق الاشجار وماعدنا حتى صوبات-
الملكية خلانةبيد الاقطاع حتى يدمر الفلاح والجمهورية جابت البعث ......ابني النفط للحرامية والمجرمين والاحزاب ..وكلهم بيدهم سلاح والفلاحين والناس عزل...نفط احنة مثل البعير يحمل تمر وياكل شوك
العمارة روح امشي بيها شبيها غير مثل مدينة ضاربها زلزال ابني المايخاف الله خاف منه بس انتظر تاليته مثل ابن صبيحة حتى موتت ولده الله شوفنا بيهم يوم وانتظر وليدي هذولة الحرامية والمجرمين والمتدينيين مو لله وحتى الاحزاب الي تقلك شيعية سنية علمانية ودعتك هذولة بعث ثاني عبالهم الله غافل ونايم حاشى لله يضيع حق انسان مظلوم والعراقيين انظلموا وتيتموا ....خليهم عبالهم فلوسهم تنفعهم وداعتك ابني لاراح يظل عدهم لاشرف ولا غيرة والانسان بلا هذني حيوان ابن حيوان
-حجي شلون تحرق العلم وبيه لفظ الجلالة-
-لا ابني حاشا لله اصير مثل البعثيين الناقصيين ولا الاحزاب الي تتكلم باسم الدين والله ورسولة براء براء-براءمنهم الي تلوثت ايديهم بدم الناس ودخللهم الحرام بالسرقة والقتل ابني انا اقص لفظ الجلالة واحرق العلم
-حجي دير بالك-
-ابني عبالك انا الوحيد الي يحرق العلم لا هواية-
تناول ابو هادي علماً بعد ان قام بقص اسم الله اكبر وبحث عن نارمعادة اهل العمارة محافظة النفط بيوتها مابيها لانفط ولاماء نظيف ولا جامعة ولا مستشفيات متخصصة ولا وسائل نقل ولا طرق للبشر ولا مجاري ولا معاهد بيها خير والمدارس قسم منها صرايف والباقي آيلة للسقوط ولا حتى شخاط شخاط ولاحتى زناد لم يجدبالبيت شئ فناولته قداحة وو
احرق العلم العراقي
الحاج ابو هادي لازال يبيع السمك في كراج العمارة في عربانته
ولازال كما قال ينتظر الانتخابات ليحرق اكبر قدر ممكن من الاعلام العراقية
تركني المهندس احمد عزيز وانا في تساؤل
هل من حق ابو هادي ان يحرق علم العراق
وللحديث بقية





التعليق والتصويت على الموضوع في الموقع الرئيسي


التعليقات

1 - العنوان صادم والحقيقة واضحة
الدكتوراحمد الحسني ( 2010 / 3 / 18 - 05:31 )
انا من متابعي كتاباتك وهذه المقالة تجسد حقائق مظلومية العراقيين وحقيقة الصاعدين على اكتاف الابرياء نعم صوتك عالي

2 - انا معك سيدي الكاتب
لينا فرهاد ( 2010 / 3 / 18 - 05:59 )
نعم ان اهل المحافظات الجنوبية اكثر الناس اذاهم صدام وجلاوزته والان يعانو نعم صدقت ان اغنى المناطق في العالم هي جنوب العراق ولكن انا قمت بزيترة مرة للناصرية والله اهلها ماكلهم الفقر والعوز والفاقة وكذلك العمارة والسماوة وتصور ان البصرة هي اهم ميناء نفطي ومنطقة زراعية ولكن خلي الدولة الي قالو حررنا العراق يروحوا يشوفو الزبالة الي عايشه بيها الناس معك

3 - نعم يادكتوراننا مصدومين
المهندس كاظم الساعدي ( 2010 / 3 / 18 - 06:02 )
واما العم ابو هادي مثله مثل العديد من العراقيين ينقموا على الوضع الحالي المحررين الجدد هم هم لصوص الامس
نعم انهم عبارة عن مافيا تتقاسم الجريمة ضد الابرياء مثلهم الاعلى هدام الجرذ الاكبر

اخر الافلام

.. روسيا تعلن أسقاط 4 صواريخ -أتاكمس- فوق أراضي القرم


.. تجاذبات سياسية في إسرائيل حول الموقف من صفقة التهدئة واجتياح



.. مصادر دبلوماسية تكشف التوصيات الختامية لقمة دول منظمة التعاو

.. قائد سابق للاستخبارات العسكرية الإسرائيلية: النصر في إعادة ا



.. مصطفى البرغوثي: أمريكا تعلم أن إسرائيل فشلت في تحقيق أهدف حر