الحوار المتمدن - موبايل
الموقع الرئيسي


حمَد

حامد كعيد الجبوري

2010 / 4 / 2
الادب والفن


مهداة للحزب الشيوعي العراقي



حمد ...
يبن الليالي السود
الطلكَن ، جابن الغبشه
حمد بيه ريحة النرجس ...
من طيب الوطن رشَه
بصفوف الوطن أول
وهويته جانت الفلاح....
يزرع رازقي وقداح
ويّباري بالكلب هرشه
أبيمينه...
يمينه هيبة العمال
يدك التخت للعريس...
وللظالم ...نجر نعشه
حمد ، مينام ليل الظيم
ويكرم للوطن فرشه
حمد...
لادنك ولاذل ...
ولاكال الدرب وحشه
يحب الناس وتحبه...
وبكلوب الشعب عرشَه
بيه سايه حَمد ....
والسايه ظلت بيه
أشما يكبر حمد....
بيه تُكبر اللولـَه
حُب الطيب ....
حب الخير..
حب الناس...
وحُب الوطن بيه سوله
حمد جرحه جبير...
أجبير ...
على طول الوطن طوله
من تغفه الشمس (حمدان)
يحط أبكلبه مكواره
(عين الذيب عيب أتنام) 1
يظل أيناطر الجاره
عينه عالسلـف ، لوجاع

يوكـِّل زنده خطاره ..
حمد محله السوالف ...
تضحك أبحلكه
لا سده المضيفه ولاطفت ناره
حمد ثارات أله أشكابين
ويسامِح ماطلب ثاره

ديوانه بخيت ويحشِم الزاره
حمد حب الوطن ...
حَد العَظُم عشكَه
وكلبَه للوطن شده
أشكد حب الوطن...
حَبه
وسلّملَه الوطن رايه
وبيده شايل الورده
طش الورد فوك الراس...
وعلك رايته أبخده
*****





التعليق والتصويت على الموضوع في الموقع الرئيسي


اخر الافلام

.. فنان إيطالي يرسم برج إيفل في حقل زراعي احتفالا بدورة الألعاب

.. الكينج وكاظم الساهر وتامر حسني نجوم حفلات مهرجان العلمين فى




.. عوام في بحر الكلام - الشاعر جمال بخيت يتحدث عن كلمات أغنية ع

.. عوام في بحر الكلام - الشاعرة كوثر مصطفى تتحدث عن أعمالها مع




.. عوام في بحر الكلام | الشاعر جمال بخيت - الإثنين 8 يوليو 2024