الحوار المتمدن - موبايل
الموقع الرئيسي


أبوذيّات

محمد حمزة العذاري

2010 / 5 / 3
الادب والفن


ردت منك تدلينـــــــي بدرباك
بشوفك تبتهج عيني بدرباك
حياتي صارت ابدونك بدرباك
عليل او تشفج الوادم عليه
*******************
أمرربك هدانــــــــــــي لك وحباك
أعشكك احلف اباسمك وحباك
تمنيت آنه اشم وجنــك وحباك
وضم راسك عله صدري بديه
*****************
يصاحب فاركت روحي شذاهه
لون بس لو تحن وشتم شذاهه
شذى لو تعلم ابروحي شذاهه
وصلت ياصاحبي الحد المنيه
********************
تعجب شاف نص الليـــل نجمه
وانه وكت الضحه لاكيت نجمه
جمال اوطيب والمسعود نجمه
عرفها او ما اظنه ايلوم بيه
*******************
هجرني اوصابني ابفركاه عله
نزل تجمي او نجمه فوك عله
عساه ايعود وفرح بيه عله
يرجع ذيد الايام الزهيه
*********************
ينجمي الما عله من يوم نصه
وعلي جور الوكت مكتوب نصه
خلص عمري يصاح او راح نصه
ابواجي اوضيم هجرانك عليه
********************
الدهر شن حربه بسيوفه وسنهه
وحرم من عيني لذتهه ابوسنهه
اشيصبرني ابمصايبها وسنهه
حياتي وصار معناها الأذيه
*******************
تكولين الخزر مكصود وحساب
وبد ماحسبيتي أءصول وحساب
تره الدنيه وراهه كتاب وحساب
ورمي العالم قذف باجر خطيه
**********************
ثلث امتار شخصك جان ودنه
وتمنيت آنه أشم الطيب ودنه
تظل وسط الكلب وياك ودنه
ابد ماينكطع حد المنيه
*********************************************************





التعليق والتصويت على الموضوع في الموقع الرئيسي


اخر الافلام

.. لمواجهة عائق اللغة.. تعليمات من خبير السفر إبراهيم توتونجي ق

.. نور خالد النبوي يساند والده في العرض الخاص لفيلم ا?هل الكهف




.. خالد النبوي وصبري فواز وهاجر أحمد وأبطال فيلم أهل الكهف يحتف

.. بالقمامة والموسيقى.. حرب نفسية تشتعل بين الكوريتين!| #منصات




.. رئاسة شؤون الحرمين: ترجمة خطبة عرفة إلى 20 لغة لاستهداف الوص