الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
أبو ذيات
حامد كعيد الجبوري
2010 / 5 / 9الادب والفن
حبيبي لا مثل كلبك وهم بيك
تمنيت اللذي بيه وهم بيك
مثل يوسف تهم بيه وهم بيك
شبكته وما نزل برهان بيه
******
آنه الخابُطك بيدي وصفاك
وحرت شنطيك من ميزه وصفاك
حبيبي شوصف أعيونك شصف فاك
جنه ونار جامعهن سويه
*****
أفوج أبين ذرعانك والنهود
وشمك مية ألف شمه ولا أنهود
أهد الدنيه لوصالك ولا أنهود
أبحبل مجتوف والعكده خفيه
******
سليت أبنار هجرانك ولا لام
ولاني طيب أصوابي ولا لام
لا مليت من شوكك ولا لام
دخيلك خشن أكليبي عليه
********
كضيت العمر وياك جدي
أحشم الروح كلما أتهيد جدي
توكفلي أبصلافه أتكول جدي
عُكب ما شيبت تتمزهَد عليه
*******
وحك اللي بعث للناس مرسال
نبع صافي زلال الروح مُر سال
ما تفكد عليلك ليش مر سال
رميت وتنظر أتصيب الرميه
******
تصد ويا شرع أفتت قبلتك
حلال أتمرعد أبروحي قبلتك
مدري أبيا سنه أبطيفي قبلتك
طعمها أبشفتي حد للمنيه
*******
|
|
التعليق والتصويت على الموضوع في الموقع الرئيسي
التعليقات
1 - عراقي انت
عُلا النوري
(
2010 / 5 / 9 - 20:56
)
سلمت يداك سيدي الفاضل أجمل مافي لهجتنا العراقية هي الأبوذيات والدارميات ولولا أنها تعبر فعلاً عن معاناة الشاعر وتمس قلبه وتحس بأذاه لما سميت أبوذية (أي (أبو الأذية
.. شاهدوا الإطلالة الأولى للمطرب پيو على المسرح ??
.. أون سيت - فيلم -إكس مراتي- تم الانتهاء من تصوير آخر مشاهده
.. أون سيت - فيلم عصابة الماكس يحقق 18 مليون جنيه | لقاء مع نجو
.. أون سيت - أول عرض | فيلم النمر والأنثى مع إنجي يحيى
.. أون سيت - محمد ثروت بيحكي عن الجزء الثاني من فيلم بنك الحظ
