الحوار المتمدن - موبايل
الموقع الرئيسي


صنم حسنى مبارك

سليمان الزهيري

2010 / 6 / 5
الادب والفن



فى عز ما الليل مخاوي الجن والعفاريت
وف عز ماكانت الدنيا ف الضلام والبؤس
كانت البنيه بهيه هى سقف البيت
وهى عيش المشنه وهى قرص الشمس
وبعد طول الزمان ومعافرة الحواديت
وضعف عين البصيرة والحواس الخمس
بقت الحدايات النهارده بتحدف الكتاكيت
وبقوا الأبالسه أئمه والأئمه خُرس
..........
ضاقت البلاد ف عينين الأولاد
وللغريب شِرحه وبِرحه
وأدي الفساد وادي الأوغاد
وأدي نتاج كفر مصيلحة
أبو العلاء حسني مبارك
........
بيقول كرامة المصريين
طول ما أنا عايش متصانه
ويبعتروها شمال ويمين
وف كل مطرح متهانه
ودا كله خير حسني مبارك
........
ما بقاش وطن ... بقى مسقط نور
وعفش دار هو بايعها
وكلنا بنموت بالدور
والدولة مشلولة دراعها
عشان يتبسط حسني مبارك
........
سكنوا الغلابة فى القرافات
وعلى الرصيف ملايين ناموا
وإخترعوا للمساكين إتاوات
أدي السلام وأدي حمامه
كله حمام حسني مبارك
.......
باع المصانع والشركات
اللي جمال كان أممها
ورجعوا من تاني البشوات
والأرض خدها وسلمها
لأصحاب جمال حسني مبارك
........
ف خيره ربى قروش وحيتان
ما بيختشوش ولا بيخافوا
وبقوا الغلابة ف كل مكان
زي الهاموش ولا يتشافوا
علشان يعيش حسني مبارك
.......
وَقف صفوف المصريين
فى وضع ما هوش تشريحي
وعاص وشوشنا بزفت وطين
وبقينا مُسلم ومسيحي
ودى مِلته حسني مبارك
........

مصر اللي كانت درة تاج
ولا عمرها تشبه غيرها
دلوقتى عايزة قرار وعلاج
من ضفرها لغيت مناخيرها
وياريت يشوف حسني مبارك
.........
بيموت على أكتاف المخاليق
بِعقدْ عُرفي ماهوش شرعي
وعايزننا نسقيله العُليق
وإيدنا ف إيديك يا برادعي
نكسر صنم حسني مبارك
نكسر صنم حسني مبارك
سليمان الزهيري





التعليق والتصويت على الموضوع في الموقع الرئيسي


التعليقات

1 - لا تستغرب يا سليمان
حميد أبو عيسى ( 2010 / 6 / 5 - 18:14 )
لا تقلق يا أخ سليمان فحكام الدول العربية لا يختلفون عن قبحي مذموم ( الأسم المطابق لأفعال وأخلاق حسني مبارك ) إلا بالأسماء والأسماء كثيرة يتقدمها المقبور هدام العراق ويليه المدمر القذافي ( معمر القذافي ) ، ثم سافل عبد الشيطان طالح ( علي عبد الله صالح )وإبن آوى المتأسد ( بشار الأسد ) وبقية الرؤساء - الملوك الذين ورثوا الخلافة عن آبائهم الرؤساء الذين كانت تنتخبهم شعوبهم بنسبة 99.99% كل 4 أو 6 سنوات ، وأرجو أن يطول عمرك لترى أبناء الرؤساء الحاليين يرثون الحكم عن آبائهم مستقبلا ً أحق ّ واسهل من الأمراء أولاد الملوك

اخر الافلام

.. الشباب الإيراني يطالب بمعالجة القضايا الاقتصادية والثقافية و

.. كاظم الساهر يفتتح حفله الغنائي بالقاهرة الجديدة بأغنية عيد ا



.. حفل خطوبة هايا كتكت بنت الفنانة أمل رزق علي أدم العربي في ف

.. فرحة الفنانة أمل رزق بخطوبة ابنتها هايا كتكت وأدم العربي داخ



.. أون سيت - الأسطى حسن .. نقطة التحول في حياة الفنان فريد شوقي