الحوار المتمدن - موبايل
الموقع الرئيسي


مقترحات كادحه لحل ازمة تشكيل الحكومه

سرمد علي الجراح

2010 / 6 / 11
كتابات ساخرة


تم اجراء استطلاع لآراء مجموعه من المواطنين عن الازمه السياسيه المعقده في بلاد (مابين الرجلين) وما هي سبل حلها ومقترحاتهم بشأنها
ابوعلاء الكهربائي يقول: موّتونه من الحر وكهرباء ماكو, احسن حل, نشدهم على عمود الظهريه بالحر وماننطيهم ماي. ونشوف منو اللي يتنازل اول عن الحكم.
(خوش حل بس هذوله واحدهم يموت وماينطق بالشهاده هدوره يتنازل عن الحكم, كان سواهه اللي قبلهم.)
المواطنه شكريه الحفّافه (الملقبه ب شاكيره شيره) تقول: والله ياعيني احسن حل, بنت هذا ياخذهه ابن هذاك وتصير مرگتنه على زياگنه. والحْفافه والحمام على حسابي.
المواطن ابو يعرب يقول: عجل اسمع ياولّ, ما اضم عليك, اني بعثي وبيه بواسير!! وهذوله كلهم خونه وعملاء ومابيهم شريف من نعلت الله على هالشوارب, فأحسن شئ نجمعهم ونذبهم بحوض تيزاب وهمه ينحلّون وحدهم.
(دخيل شواربك خلي افلت احسن)
المواطن فلاح تسلل (لاعب طوبه): يقترح بمناسبة كأس العالم ان يلعبون بنرتيات.
المواطنه امواج (كاوليه): حياتي اني عندي حل سهل, نسوّي مسابقه رقص ومنو يرقص احسن هوه يصير رئيس!!
(حل يخبّل ولو بيدي انقل المسابقه على ستار اكاديمي, حتى تشوف البشريه بحيرة البجع على اصولهه. بس تعال تحمل ولا تضحك, تخيلوا من تشوفون الجماعه وهمه لابسين ملابس الباليه. لو يأدون رقصة البرتقاله همه وبقية الشله!!)
حسون كبسله: اخي شبيك الحل گدامهم وسهل, يصير هذا المدحدح مطهرجي, والثاني ابو مناظر يتعين قابله مأذونه ونخلص!!
(بالله هذا عنده شهاده طب ويگدر يصير مطهرجي, بس ذاك شلون يصير قابله مأذونه؟)
طالب جامعي: قبل من كان اثنين يختلفون, يحددون مكان وزمان يتبارزون بيه. ويحددون نوع السلاح ايضا, بهاي الحاله لو يستعملون منتجات باتا كسلاح حتى گلبنه يرتاح.
المواطنه صبريه (معنسه من قبل الميلاد): تقول احسن حل اتزوجهم ثنينهم وياهو اليفْحط قبل, يخسر.
يمعوده يا ياهو, يا هوت ميل, انتي تفَحْطين جنوب شرق اسيا واحد واحد
داوود سطل (يشرب العرك بالسطل فلقّب به): يقترح يگعدون گعده اخويه ويلطّون عرك زحلاوي واليفْلتهه ويسكر اول, يخسر.
(خطيه داوود عباله اهل الاحزاب الدينيه ماعدهم خبره بالمشروب. يمعود هذوله يلطّوه بالمداس وداعتك.)
ام سجاد (فتّاحة فال) تقول: الحل بأن آخذلهم خيره واقرالهم الفال واليطْلع گصته فگر عالشعب مايصير رئيس!!
(هذاابدا مو خوش حل لأن ما أعتقد اكو سياسي من حامورابي لحد الان مو فگر ابن فگر.)





التعليق والتصويت على الموضوع في الموقع الرئيسي


التعليقات

1 - وهذا حل اخر
يونس حنون ( 2010 / 6 / 11 - 13:08 )
اني عندي حل احسن
يتم الاشتراط ان من يصبح في اي منصب سيادي ان يكون راتبه كراتب اصغر موظف في الدولة ويمنع ان يمشي مع اية حماية باعتباره منتخب من الشعب فما موجب الحمايات ، وان يمنع من استلام اية هدية او تقديم اية هدية يتجاوز سعرها 5 دولارات كما في القانون الامريكي
وخللي نشوف اذا بقى احد منهم عنده واهس بالمنصب

2 - استاذ سرمد تاليها وياك؟
Aghsan ( 2010 / 6 / 12 - 01:55 )
بس تره اني عندي الحل الأفضل وهو اني يحكمنا دكتور يونس خاصة انه مناصر للمرأه باعتبار اني اليوم حسبت نفسي على النسوان!!! بالله متكولي عنوان شاكيرا شيره شنو؟ ااااااااااااخ بطني كامت توجعني من الضحك اوووووووووووووف ربي والله مدا اكدر اكتب تعليق من كثر الضحك!!!
الله يسامحك سرمد

3 - شكرا اخواني
Sarmad ( 2010 / 6 / 12 - 09:31 )
شفت دكتور بس حطيت الحلول مالتك اجت اغصان تكلك انته صير !! يعني تريد تورطك. دكتور انته جاي تكلهم اشتغلوا مجاديه مو وزراء. همه ليش كاتلين رواحهم وحاطين البلد على كف عفريت غير على مود الدخل, اخيرا سلامي وتقديري

اخر الافلام

.. نابر سعودية وخليجية وعربية كرمت الأمير الشاعر بدر بن عبد الم

.. الكويت.. فيلم -شهر زي العسل- يتسبب بجدل واسع • فرانس 24




.. رحيل الممثل البريطاني برنارد هيل عن عمر 79 عاماً


.. فيلم السرب يتخطى 8 ملايين جنيه في شباك التذاكر خلال 4 أيام ع



.. الفنان محمد عبده يكشف عبر برنامج -تفاعلكم- أنه يتلقى الكيماو