الحوار المتمدن - موبايل
الموقع الرئيسي


اللاجئون العراقيون والعوده للخرابه

سرمد علي الجراح

2010 / 6 / 13
كتابات ساخرة


معقوله اخوان, اللاجئيين العراقيين بانكلتره والسويد وباقي الدول الاوربيه مايريدون يرجعون للعراق !! عجيبه والله, الواحد يدوخ من يسمع ان لاجئين عراقيين تم اجبارهم وشحنهم بطائره خاصه الى مهد الحضارات. ليش؟ هوه اكو احله من وطن (ما بين طياح الحظين), شنو ما تشوفون تلفزيون ولا تقرون جرائد وانترنت. عمي تره العراق صار احسن من هوايه دول, مثل الصومال وجيبوتي وداردور. يعني الا يصير سويسرا ياله حضرت جنابكم ترجعون؟ اصلا المسؤولين المساكين واحدهم صار طرشي (بالبستوگه الخضراء) وما يرضه يطلع!! مو من الخوف مثل ما تتصورون, خطيه مگطعين نفسهم من الشغل على مودكم فماكو وقت للطلعه!! والحاله الاقتصاديه وصلت من الرفاه انو بعد مابقه بالعراق احد بلا عمل, وحتى اذا مالقيت عمل بيه خير, شيل مسدس وفوت على اي صايغ او ابو عرك او بنك واكرف الدخل واطلع, والحكومه ما الهه اي علاقه بيك!!. اصلا اذا اتفقت ويه الشرطه همه يرتبولك درب الدخول والخروج بلا ما تغث روحك. اما اذا ما كان عندك سكن فهم مو مشكله انته بس روح صير ويه فد مليشيا مكبسله وهمه يلكولك بيت ومره وبعير, او جاموسه (حسب انتمائك المذهبي)!!
واذا كان عندك طموح سياسي فبوطنك اسهل, حتى وان كنت بدون كفاءه او علم او شهاده. اما اذا اردت ان تصبح ذو شأن في هذا المجتمع الفحطان, فما عليك الا ان تقرء الكتاب الذي سأصدره قريبا وبعنوان (كيف تتحول من فطير الى وزير) وهو يتكفل بارشادك الى احدث الطرق في تسلق سلم المجد والشهره ثم المشنقه اذا صادوك اخوانك العراقيين اخر الفلم!!. كثير من الاخوه العراقيين يظنون ان الحكومه العراقيه هي التي عقدت الصفقه مع الاوربيين لارجاعهم. الحقيقه الحكومه حقهه لان هيه دائما ترفع شعار الدوله في خدمة الشعب. بس الشعب ما يستحي ويريد كله يگلب لاوربا, فألمن تخدم الحكومه اذا الشعب كله طفر؟ فالمسؤولين مضطرين يجيبوكم حتى يخدموكم بالقوه!!.
بعد كل اللي كتبته اعلاه, اذا شفتوا نفسكم ما قنعتوا بالرجوع الى احضان الوطن, ما بقالي غير اوجه نصيحه لوجه الله لكلمن يريدون يرجعوه بالقوه, وهي يلزمله بريطاني او سويدي ويعلسه, لان السجن عدهم احسن من المنطقه الخضراء عدنه.





التعليق والتصويت على الموضوع في الموقع الرئيسي


التعليقات

1 - hahaha
lidia ( 2010 / 6 / 13 - 21:16 )
bra du har sagt sanningen

2 - في الصميم
يونس حنون ( 2010 / 6 / 13 - 21:51 )
عيني ياسرمد صدك قنعتني ارجع
بس العايشين بالسويد والمانيا شلون؟
غير توعدهم بفد شي يسوة يعوفون ذيج الدول على مودة؟
مثل زيادة نص كيلو تمن بالحصة التموينية؟

3 - صدك انت بلوة
علاوي الدهوكي ( 2010 / 6 / 14 - 00:13 )
عزيزي سرمد والله انت كاتب ساخر 100% وكتاباتك ماكو منها صارلي فترة اتابع كتاباتك مثل ماكال المبدع الاخر يونس حنون كلها في الصميم.. بس لاتنسى تكللهم يجون على دهوك ترى الكهرباء كلش زينة، حوالي 15 ساعة في اليوم وماكو انتخابات،، لعد اذا اكو انتخابات اكيد راح تصير 25 ساعة باليوم..
صدك لو عند المسؤلين شوية غيرة جان استحو بس لو شافو مقال واحد من مقالاتك الساخرة بس المن تحجي ياسرمد ومنو اليسمع شكوتك لازم الشعب بإيده يعالج حالته. على كولة الشاعر عزيز الرسام مع شوية تحوير..

4 - عجبتني( كتابك كيف تتحول من فطير الى وزير
عراقية الجاف ( 2010 / 6 / 14 - 03:02 )
والله اخي انت بكلامك تقنع حتى العراقيين الي بداخل الوطن هم يطلعون لان هذا الي كتبته واقع حال العراق وما خفي كان اعظم وانت بمقالتك كدرت تلخص الموقف الي تمر بيه العراق ولو اكو امور لا الصحافة ولا اي قلم بالعالم اتحداه يكدر يكتبه لان بايام النظام السابق الظلم الي صار 30 سنة صار العراقي من يوم الاحتلال ولحد هسة يشوف كل يوم 30 سنة اكيد راح يحتار اي انسان يحسبه وحتى يجوز الحاسبة تفشل لان الظلم فوق كل الحسابات ونصيحة لله لكل عراقي يريد يرجع خلي يشوف قناة البغدادية كل يوم يطلعون برنامج يسعد صباحك يا عراق ويشوف الشعب العراقي الي جان الضحك ميفاركه اشلون الجوع ذله وخلاه ينازل عن كل شيء في سبيل لقمة العيش يا اخوان راح صدام اجى الف سقط تمثال صار الف راح حزب اجى احزاب وراح حرامي اجى علي بابا ولاربعين الف حرامي وين ترجعون ويا حياة تنتظركم ومثل ما كلت اخي السجن باوربا ارحم من بلدنا الي صار اكبر سجن وتحياتي لكل مغترب وربي يحرسكم

5 - عجيب
Aghsan ( 2010 / 6 / 14 - 05:26 )
أحبائي بالحوار هل من الممكن معرفة حجب التعليق!!؟؟؟

التعليق الذي حجب:
والله ياسرمد لو اني بدال الحكومه ازعل منك واترك مكاني وادخل بيتي وأسد بابه وماافتحه الى ان اموت.........بس اخخخخخخخخخخخخخخخخ لو ماالشعب مالي محتاجني ومخليني الزك هاللزكه !!!
والله اموت من قهري على الناس الي ماالها ذنب ومطالبه غير بس تعيش بأمان وماكو رحمه من احد!!!! اووف اووف ماعندي غير بس هالأغنيه اقدمها تضامنا مع احبتي اللاجئيين عسى ربي يفرج همهم بجاه عبد القادر!!! يارب
http://www.youtube.com/watch?v=-oSCF8Bl-ys&feature=related

تحياتي

اخر الافلام

.. نابر سعودية وخليجية وعربية كرمت الأمير الشاعر بدر بن عبد الم

.. الكويت.. فيلم -شهر زي العسل- يتسبب بجدل واسع • فرانس 24




.. رحيل الممثل البريطاني برنارد هيل عن عمر 79 عاماً


.. فيلم السرب يتخطى 8 ملايين جنيه في شباك التذاكر خلال 4 أيام ع



.. الفنان محمد عبده يكشف عبر برنامج -تفاعلكم- أنه يتلقى الكيماو