الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
صداقات
كامل الركابي
(Kamel Alrikaby)
2010 / 6 / 19
الادب والفن
الصديق الاول
الراحل
توّلع فجأه
بالفن
مداخن
شبّت ابراسه
تمرض بالسحايه
وجن !
صديق
اﻴﮔول انت اشبيك ناسيني
انه وياك ﭽنه اصحاب بالسبعين
ﮔتله اشبيك انت اشلون انساك
وﭽذب ناسي !
طول اﻠﮔﻌده اسمع صوته
واتهجه االملامح واعصر بمخي
اريد اذكر ولو صوره
طفوله , مدرسه , ﮔﻬوه
سمر بار
وﮔبل ماتخلص السهره
واروح البيت
تبيّن هو شاف الحرج بعيوني
همس باذني:
نسيت الجامع البارد
انه وياك من الحر
نصلّي الظهر
ﭽذابين بالجامع
حتى انّام
حدر المروحه ونغفه
ﮔلت :هسه تذكرتك
صديق الصيف
لأن هو الوحيد
الما خطر عل بال !
صديق
ساكن من اسنين
خط الجنه والنار
ﮔتلة اشلون عايش
ﮔﺎل بالتهريب
ﭽﺎن ايودي
خمر الجنه للنار
ولاهل الجنه
ياخذ صور
فنانات مشهورات
لأن ملوّا سنين
امعاشرالغلمان !
صديق
ايبيع
حصران وحمامات
حمامه
امذهّبه ابمي الذهب
وبريش فسفوري
ﮔلت ارد اشتريها
وبيش ماتغلى
ﮔلي ابنص سعر
بس للأسف تخسر
هاي ارخص حمامه
انبيعها اعله الناس
لأن ترجع !
صديق
ابن 11 مرات
ﭽان ايبيع ﭽكليت
طلع للسوﮒ
فد يوم
وبعد
ماعاد للبيت!
|
|
التعليق والتصويت على الموضوع في الموقع الرئيسي
.. الجزائر.. -سوق أزمان- في تلمسان رحلة عبر التاريخ والفن والأد
.. المخرجة والكاتبة دوروثي مريم كيلو تروي رحلة بحثها عن جذورها
.. هاجر أحمد: بوعد الجمهور إنه هيحب شخصيتى في فيلم أهل الكهف
.. حاول اقتحام المسرح حاملاً علم إسرائيل فسقط بشكل مريع
.. لماذا غنت كارلا شمعون باللهجة الجزائرية؟.. الفنانة اللبنانية
