الحوار المتمدن - موبايل
الموقع الرئيسي


الكهرباء ام العرق

سرمد علي الجراح

2010 / 6 / 27
كتابات ساخرة


اكلمه بين الحين والأخر وفي بعض الأحيان بناءا على (مس كول) منه, هذه المره صادف ان شاهدته -او هكذا تخيلت- صديقي (علوان زهره)* في التلفزيون بين صفوف المتظاهرين على الكهرباء فقلت في نفسي, معقوله ؟ هذا ما يسويه لو يحضر الريل. انتظرت اعادة اللقطه واكاد اقسم كأنه هوْ–على كولة بلقيس ملكة سبأ- عجيب!! هذا والمظاهرات شنو؟ ركضت الى التلفون وخابرت, واذا بصوته اللي يشبه صوت بولبرن مسحوك يجاوبني: الو وياكم علوان قائد انتفاضة الكهرباء!!
(هاه !!ولك علوان يعني هذا انته طلعت بالتلفزيون؟ )
علوان: ها أخويه سرمد شلونك, وصلتكم الأخبار شفت اخوك شلون قاد المظاهره وخليت الوزير يستقيل.
(علوان اول؟ تالي؟ تطلع مظاهره, عمرك كله ملتهي تسكر وما الك شغله بالكون كله؟)
علوان: سرمد مو العله هنا, العرگ بعد ماينلگي بالشافعات من وره هل قشامر. يعني هم موت حر وهم عرگ ماكو؟ الله ما يقبل, منو يتحمل هيج عيشه؟
(قصدك الجماعه ورطو نفسهم)
علوان: ما أريد افشر واني اتصل بأوربا خاف يگولون العراقيين مو مؤدبين. بس وداعتك ما بيهم خيّر تره مربيهم على ايدي واحد واحد
(معلينه بأوربا هسه, گلي بداعت زهره شلون قنعت تطلع مظاهره؟)
علوان: اخويه سرمد تذكرتك بالمظاهره من كنت تقرالنه شعر الجواهري مال, تقحم لعنت أزيز الرصاص**. الطلقات والرمي مشتغل والناس ولا هامهه. الناس جزعانه من عيشتهه.
(ولك علوان لا تطلع روحي احجيلي الزبده)
علوان: أحجيلك الصدك اني ما عندي بالبيت حتى بنكه!!
(وشنو تخبلت لعد شكو طلعت؟)
علوان: من قرروا منع العرگ قبل فتره, ردت واحد شريف يطلع ويايه احتجاج مالگيت احد, ما وافق غير سامي ابو بار سرگون سابقا, تعرفه صاحبنه, استخطيته گتله يمعود انته مسيحي وصاحب جهال هسه يكولون عليك كافر ويعلسوك. يوم المظاهره كنت سكران ونايم صدفه!! اجاني جارنه و گلي گوم يمعود الدنيه مگلوبه اكو مظاهره على العرگ, تعجبت وماصدكته بس حلفلي براس سيد قدوري شده. گمت ركض, من طلعت ويه الناس اشو همه يصيحون نريد الكهرباء واني اصيح نريد العرگ!!
( زين ما انعلست)
علوان: يا انعلس, الناس سكارى وما هم بسكارى من الحر, كلهه عبالهه اقصد العرگ, يعني من تعرگ من الحر!! فبالنتيجه كلهم صاحوا نريد العرگ!!
( اشوفك صاير بليغ , وتالي شلون صارت الامور)
علوان: الحمد لله هسه مطاليبي الشخصيه تحققت وخصوصا مراسلين الصحف والاذاعات الاجنبيه لازمين سره حتى انطيهم حديث. وكل حديث ببطل ويسكي سرمهر ابو الديج.
(ليش مالگو غيرك يحجون وياه)
علوان: خليهه سنطه سرمد ما بقه بالبلد احد عليه العين, على الاقل اني احمل شهاده من صدك, ولو خلّصت الكليه بعشر سنين بس خلصتهه.
(زين والكهرباء شلون؟؟)
علوان: ياكهرباء الله يخليك سرمد. همه هذوله يقودون دوله؟ گلي من اجوْ لحد الان اي مشكله حلّوْ حتى يحلون هاي. وداعتك هذوله تالي من تطگ الطگه يتبخرون ويخلونه للذيابة مال ايران والبعثيه.
تتذكر بيت الشعر اللي كنا نضحك عليه:
وان زمانا انتم زعمائه لأحرى بأن يخ... عليه ويظر....
(لا تحجي عليهم علوان هذوله اصحاب مبادئ)
(لم اكمل الجمله حتى وصل الى سمعي زيج معدل!! لينقطع بعدها الاتصال)
*لقب بزهره على اسم معشوقته
**قصيدة الجواهري أخي جعفر





التعليق والتصويت على الموضوع في الموقع الرئيسي


التعليقات

1 - خلي الرجال دايخ
الكاشف ( 2010 / 6 / 27 - 17:51 )
لان اذا صحا راح يتفاجأ وبعدين شيصير اقلها مطالب علوان حققوها الصحفيين بس مطالب 26 مليون من يحققها من طي...وزير الزراعة واحد بدل العرك بالويسكي الكهرباء بيمن يبدلوها بالصواعق وانت ياسرمد تسال الرجال عن حلول لمشاكل الشعب اذا يكدرون يحلون مشاكل الشعب لعد من راح ايحل جياسة الدولارات علمود يشفطه.بس اكولك يمكن راح يقترحون على الشعب يربطون وايرات بالغيوم بلكي الله يدزلهم كهرباء عن طريق الصواعق والرعود بس لازم يزيدون الدعاء شوية. بروح جدك كلي همة نصبو الشهرستاني علمود يوفر الكرباء شهريا لو سنويا هذا سؤال امحيرني.

2 - فرق بسيط
محمد الرديني ( 2010 / 6 / 27 - 20:49 )
خليتني ابحث بالقواميس العربية والاعجمية لاصل الى الفرق بين العرق والعرك واخيرا وبعد طول بحث وتقصي وصلت الى الآتي:
العرك هو المادة اللزجة التي يفرزها الجسم ويجعل الجلد املسا لاتقبن عليه اي مواد قطنية او عضوية وهذا ما حددث لامامنا وزير الزراعة حين بانت مؤخرته وهو يستلم جائزة النزاهة لاحسن وزارة في العام المقبل
اما العرق فهو انواع وكل نوع له تقاليده الشرقية والغربية ولايمكن الاحتفاظ به في البيوت السكنية خوفا من الاعتقال في اي لحظة ومن هنا تمنى الكثيرين من الشباب الذين شاركوا في المظاهرات الاخيرةمن الله عز وجل ان يخلق لهم سناما كسنام الجمل ليحتفظوا بحاجتهم من هذا السائل الرقراق كما يحتفظ الجمل بالماء في مسيرته الصحراوية ، ولكن هذا الدعاء او الامنية جوبه باحتجاج كبير بعد ان تنبه مسوؤلي التعذيب في هيئة الاسلاموفوبيا العامة الى هذا الامر وبدأوا بتفتيش المؤخرات والظهور العارية في الاسواق العامة خوفا من تخزين هذه المواد الممنوعة شرعا، ولم يجد رجال النظام اي مخالفات تذكر سوى بعض السابلة الذين وضعوا الهبهب في قناني مكتوب عليها شراب قم _ خاص للتصدير - خال من الكحول ومفيد للكحة فقط
سلام

اخر الافلام

.. حكايتي على العربية | ألمانية تعزف العود وتغني لأم كلثوم وفير

.. نشرة الرابعة | ترقب لتشكيل الحكومة في الكويت.. وفنان العرب ي



.. عوام في بحر الكلام - الشاعر جمال بخيب: أول قصيدة غنتها أم كل

.. عوام في بحر الكلام - الشاعر جمال بخيت: أول من أطلق إسم سوما




.. عوام في بحر الكلام - الشاعر جمال بخيت: أغنية ياليلة العيد ال