الحوار المتمدن - موبايل
الموقع الرئيسي


خريطستان في أزمه

سرمد علي الجراح

2010 / 7 / 20
كتابات ساخرة


الكل مشغول ومترقب ومتخوف من تأخير تشكيل الحكومه, ما عدا الخريطستانيون!!! فهم غير مبالين بالمره لما ستؤول له الامور على الصعيد السياسي. ولهذه اللامبالاة مايبررها, فهم ادركوا ان الوجوه الموجوده على الساحه السياسيه ليست جديره بالقياده ولا يوجد بينهم من هو افضل من الاخرين فالكل كسرة وجه, وماكو واحد بيهم تأمنه على صخلتين يسرح بيهن. فاليجي مثل اليروح والحاضر مثل الغايب. كل واحد من رؤساء الكتل يجر وراه سبعين نعجه وحايل, وشيكول يسمع: نعم سيدي, مثل زمن شقاوة العوجه, بس هذوله يكولون نعم مو من الخوف, لكن طمعا في حصه من الذبيحه اللي راح تتقسم. الناس اصبحت تدرك انه ماكو تغيير بالبلد اذا اتفقوا او لم يتفقوا, وهذا كله من طيحان حظنه لأن ندور استقلال ونريد نحكم نفسنه بنفسنه واحنه لا بينه شريف ولا وطني ولا حتى صاحب غيره.
انسجاما مع هذه المصيبه المسماة تواضعا بالازمه, قامت جمعية المكبسلين والحشاشه باجتماع لأختيار مرشح تسويه اسهاما منها في حل الازمه.

المدير: اريد شويه تنتبهون وتصحون لأن الموضوع جدا خطير ومتأزم
عضو رقم واحد: متحزم على وحده ونص.
عضو رقم اثنين: استاذ خير شكو شراح يصير بعد اكثر, ماشاء الله يوميه تفجيرات وقتل وارهاب وماكو دوله ولا خدامات روسيات ولا حتى فلبينيات.
المدير: شمدريني شو همه خابصين نفسهم يردون توصيه على تشكيل... شنو والله نسيت, اي يمكن تشكيل فريق كرة قدم, لالا كأس العالم وخلص. لا اكيد تشكيل فريق محيبس لأن رمضان جاي.
العضو رقم ثلاثه: لا استاذ انته قلت يريدون حلحلة الوضع ويجيبون مرشح تخ...يه!! هيه بالراء لو بالصاد؟
المدير: ها إي هسه تذكرت تشكيل الحكومه وبلكي نشوف مرشح تفليه.
عضو رقم اثنين: استاذ هسه همه واحد مثل الثاني تكول زوج مدس, وشغلة نفس القندرجي, وياهو اللي يصير ماراح يفرق عن اخوه.
رقم 3: لا تخربط بكيفك اكو فرق بين مدس قم وقنادر ايكو.
رقم 2: ايكو.. ن عساها ابخت اللي باعلي حشيش محشوش.
المدير: من حشنا ليش منا!!
عضو4 )توه صحه(: وين اني, حيل بعدني بالبرلمان, هاي شكد كبرتوا, عفتكم زعاطيط.
عضو 1: ولك هذا غير صاروخ معدل, اشتعلوا اهلك حميد صالنصه على هل تعميره.
المدير: وجدتها وجدتها مثل ماقال حشاش الحمامات اخميّس ابن رازقيه الحوله, احسن مرشح تعزيه هو حميد صالنصه. بيه كل المواصفات المطلوبه
عضو1: شبيه حميد صالنصه مواصفات, حتى يكعد بخته هيج كعده. اني اعرفه من جان يلف مزبن
المدير: اول شئ ايام المزبن كضن, وصار حميد من وجهاء القوم وعنده اتصالات بكبار الحشاشه العرب من امثال علي قات والعقيد كوكايين, وامير البقرالمتين, وعنده اصدقاء في العالم الغربي والشرقي ومره سمعته يحجي بالصيني ويه قائممقام الصين من استقلت عن طويريج, يكله: جم جاي عليكم وجم بوش يمكم
رقم4: هجم كوخه يعرف حتى بوش, لا عمي هذا واصل
رقم2: خلص نرفع تعزيه قصدي توصيه بتشريح مشرحنا حميد صالنصه لمنصب صول جعاب.





التعليق والتصويت على الموضوع في الموقع الرئيسي


التعليقات

1 - لماذا نسيت هؤلاء ياسرمد
محمد الرديني ( 2010 / 7 / 20 - 09:08 )
اعتقد ايها الفكه اللذيذ انك نسيت العديد من الاسماء التي تندرج تحت كلمة شاب
فهناك الزعيم الشاب
البطل المغوار الشاب صاحب عربانة امانة العاصمة
الناطق الرسمي الشاب باسم كتلة الانفراط والتصدي
وزير النفط الشاب الذي يتمتع بالقيلولة اثناء الدوام الرسمي
وكيل السيستاني الشاب في العمارة
الوكيل الشاب لمرجعية كربلاء في كربلاء الذي يبيع الدجاج بفتوى صادرة من -القلق- وتحت اسم دجاج الوكيل
رئيس الحرس الثوري - فرع العراق - الشاب قاسمي
تريد بعد من اسماء الحشاشة الشباب ولا خلاص؟؟
خلاص احسن
سلمت يداك فقد حركت يدي على الكيبورد

2 - عزيزي الرديني
سرمد الجراح ( 2010 / 7 / 20 - 10:26 )
بعد ان قامت قوى الاستكبار العالمي باختراع الحبه الزرقاء (عظم الله أجورهم واجوركم واجورهن ) لارجاع الشيخ الى صباه لم يبق لدينا شايب يحتمي بشيبته من النار.

3 - عزيزي سرمد
يونس حنون ( 2010 / 7 / 20 - 13:21 )

مقالة مضحكة باسلوبها مبكية بمغزاها ورائعة باستنتاجاتها
وهل البلد حقيقة يدار بطريقة اخرى غير التي وصفتها لنا
مضت اكثر من 4 اشهر على الانتخابات ومازال البعير على التل ومازال الشعب في حفرة المجاري ولا بصيص امل ولا شعرة تحسن تحسن ونسمع يوميا الاف التصريحات عن كون هذا الاجراء غير دستوري وذاك القرار غير قانوني
اي قانون واي دستور يا من تتصدرون الساحة السياسية
العراق تحول الى ماخور ليس فيها الا مومس واحدة وهي الاخلاق
وليتنا نحصل على تعميرة لننسى قليلا

4 - دكتورنا العزيز
سرمد الجراح ( 2010 / 7 / 20 - 15:15 )
عندما يسقط المنطق وتضيع الموازين مثلما يحدث في بلدنا, بحيث لاتعرف بأي مقياس تقاس الامور, تحس انك تفقد حواسك لانك غير قادر على الفهم او التفاعل او التواصل مع هؤلاء القوم. يبقى الحل الامثل ان ننسطل مثلهم علنا نرى مايرون ونعي ما يعون.

اخر الافلام

.. كلمة أخيرة - ياسمين علي بتغني من سن 8 سنين.. وباباها كان بيس

.. كلمة أخيرة - المهرجانات مش غناء وكده بنشتم الغناء.. رأي صاد



.. كلمة أخيرة - -على باب الله-.. ياسمين علي ترد بشكل كوميدي عل

.. كلمة أخيرة - شركة معروفة طلبت مني ماتجوزش.. ياسمين علي تكشف



.. كلمة أخيرة - صدقي صخر بدأ بالغناء قبل التمثيل.. يا ترى بيحب