الحوار المتمدن - موبايل
الموقع الرئيسي


(( خريف البرلمان وسقوط الأوراق ))

جواد القابجي

2010 / 8 / 4
الادب والفن


الراح رايح .. بس علينه بالجديد
ثور ثورة غاضب او طگ الحديد
*********
اصحه كافي اتقودنه هاي الجرود
من تذب فرواتها تصبح قرود
والله عيب اعبيدنه اعلينه تسود
علّي صوتك يبو تاريخ المجيد
********
گوم وكتب چلمتك من الصميم
گوم واجه سارق او واجه لئيم
يانزيه ابنهضتك إنتَ الكريم
طهِّر اعراق المودّه اولا تهيــد
********
مانريد الدجل يو حاقد لعين
ولانريد اللي تستَّر بسم دين
ذول ابد لعراقنه مو حافظين
گوم وبني اعراقنه حُر او سعيد
**************
عادوا اهل الغدر من ذاك الزمن
على عادتها تهدّم بالوطن
سيوف ذاك اشباطهم ما ينِّسَن
والألم لَسّاع ما خف او يزيد
**********
سنين راحت وحنه نوم ابلاصحه
اتحاصصوا بجسادنه اعللمشرحه
يدّعون اسلام وبلا مستحه
اوبوگ أموال الشعب نصرٌ أكيد
**********
ثور لا تسكت لجل حب العراق
اتبعثرت وتكَشّفت كل الأوراق
ولبست اعمايم بعض ذيج الرفاق
وحيل طاحت بينه للماضي تريد
*********
لا ألف لا ماترد هاي الأقذار
ظلمه ماكو اوليلنه اصبح نهار
اعرفنه ياهو ايبوگنه او كل الاسرار
اولازم اعراق الوفه المجده نعيد
*****
ثور ثورة غاضب او طگ الحديـــــــــــد
***************
[email protected]





التعليق والتصويت على الموضوع في الموقع الرئيسي


اخر الافلام

.. فاق من الغيبوية.. تطورات الحالة الصحية للفنان جلال الزكي


.. شاهد: دار شوبارد تنظم حفل عشاء لنجوم مهرجان كان السينمائي




.. ربنا سترها.. إصابة المخرج ماندو العدل بـ-جلطة فى القلب-


.. فعاليات المهرجان الدولي للموسيقى السيمفونية في الجزاي?ر




.. سامر أبو طالب: خايف من تجربة الغناء حاليا.. ولحنت لعمرو دياب