الحوار المتمدن
- موبايل
الموقع
الرئيسي
(( رجعنه وين يحمود ))
جواد القابجي
2010 / 8 / 19الادب والفن
رجعنه ليوره الحكمك يعبّود
الحراميه چثيره اوصرنه فرهود
****************
بلا مستحه وماتخجل هلوغاد
إيديهم ابدمنه او لابسه احداد
نسوْ هم الوكت فد يوم ينعاد
والصيّاد هم نلگاه مصــــــــيود
************
صار ايمانهم والدين .. دولار
وبهاي الطريقه انهجمت الدار
او مدّوا إيدهم بعدين للجار
او بذلوا بالعماله أعلى مجــــــــهود
*****************
على أجدادهم ردَّوا على الساس
عراقي المثل گال العرق دسّاس
عمامه ازغيره وكلاوات ومداس
وحب الوطن تشكم ما إله اوجود
************
ميهم الفقير .. إلهم عقارات
حدايق .. حور .. ولدان او بحيرات
إلهم كلشي .. وبن البلد آهات
وتخدير الشعب بَوهام .. وَوْعود
******************
نسوْ قائد الفلته اوصحبته الفار
ظل يهمل ادموع .. او غسّله العار
غبيّ الماعرف هالزمن .. دوّار
يوگع لون چاين .. صخر جلمود
*************************
|
التعليق والتصويت على الموضوع في الموقع الرئيسي
.. فاق من الغيبوية.. تطورات الحالة الصحية للفنان جلال الزكي
.. شاهد: دار شوبارد تنظم حفل عشاء لنجوم مهرجان كان السينمائي
.. ربنا سترها.. إصابة المخرج ماندو العدل بـ-جلطة فى القلب-
.. فعاليات المهرجان الدولي للموسيقى السيمفونية في الجزاي?ر
.. سامر أبو طالب: خايف من تجربة الغناء حاليا.. ولحنت لعمرو دياب