الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
كاشيرات و مضاهرات
سرمد علي الجراح
2010 / 8 / 26كتابات ساخرة
تتقافز الاخبار من كل حدب وصوب وتختلط ببعضها نتيجة سرعة الاتصالات حتى انك تسأل نفسك لتناقضها هل نعيش كلنا على نفس الكوكب ؟ وهل هناك اناس يملكون ادمغه في رؤوسهم ومخلوقات اخرى خلقها الله وهي تحمل ادمغتها ليس في رأسها وانما بين الفخذين. مثال على ذلك الفتوى التي صدرت يوم امس من احد مشايخ السعوديه (اكيد من البدو قابل من ناسا) فتوى تعتبر شغل المرأه ككاشيره في السوبرماركت حرام لما فيه من فسق وفجور وكفر وزندقه تلوث بيضة الاسلام.
هاي كلهن يصيرن لأن راح تقول للزبون حسابك خروف واربع دجاجات فينطيها خروفين فترجعله ارنبين واربع بيضات.
زين هاي لو تسأل الزبون الساعه بيش, شراح يصير؟ يمكن يرجموها.
لذلك وبما اني احد انصار محكمة العدل الدوليه ونادي البستوكه الخضراء (لا علاقة لها بالمنطقه الخضراء) انصح بالاتي لحل هذه الازمه المستعصيه, تقوم الكاشيره بسؤال الزبون اولا عن مذهبه, فاذا كان ناصبيا تقوم بأرضاعه فتنكشف الغمه عن هذه الامه الفحطانه.
اما اذا كان رافضيا والعياذ بالله فيتزوجها متعه لمده دقيقه وسبعه وثلاثون ثانيه (متوسط مدة وقوف الزبون للدفع) ويستحسن ان تضع ادارة السوق بجانب كل كاشيره (سيد) لأجراء العقد!! هيج سوبرماركت راح يوصل بيه السره للمريخ. بس اكو بعض الخبثاء لمن راح يسألوه سني لو شيعي راح يجاوب شني حتى هم رضع وهم زواج!!
وبذلك ستكون في نهاية الدوام قد ارضعت مالايقل عن مائتي ناصبي وتزوجت مائه وخمسين رافضي لتدخل كتاب جنيس للارقام القياسيه وتحصل على جوائز مجلة بلاي بوي للحوار بين البعران والعربان.
الخبر الثاني لابد وان يكون من بلد المصائب المعتقه والخرائب المعلقه!! وهو ان منظمات المجتمع المدني قلقه (شدعوه غاثين روحكم) لأن الحكومه تمنع الاحتجاجات والمضاهرات وتخرق الدستور!! يا دستور, هذوله هم نايمين, والله لو تسموها دولة اهل الكهف احسن. والسؤال المهم ياحكومه؟ اما السؤال الاهم فعلى ماذا تحتجون ايها الشعب المشاغب؟ هيه كم سنه ماكو كهرباء خوما كفرت الحكومه. كفيلكم العباس بس تصير حكومه جديده (بالمشمش والعنجاص والتكي) راح توزع عليكم بالحصه التموينيه مهفات سيمنز وفيليبس, عيب عليكم يوميه هوسه والمسؤولين نايمين الظهريه جوه البطانيات, متكولولنه منين اكو حر؟ ولازم شويه تصيرون متحضرين وتطلبون اذن وخشم من وزارة الداخليه وهي بدورها سترسل بطاقة دعوه الى زعيم دولة العراق الاسلاميه ابو جراده الاجرب لحضور المضاهره او يرسل مندوبيه او من ينوب عنه, وبحضورهم يتم الفرح والسرور.
|
|
التعليق والتصويت على الموضوع في الموقع الرئيسي
التعليقات
1 - اهل الفتاوي
ندى الرشود
(
2010 / 8 / 26 - 21:47
)
الاستاذ سرمد علي الجراح المحترم
بينما اتصفح المقالات في موقع الحوار المتمدن دفعني الفضول لمعرفة الفتوى المهمة التي تفتقت عنها قريحة هولاء المشايخ المتخلفين , فموضوع ارضاع الكبير يجلب الغثيان والتقزز لمجرد قراءته وان من يؤمن بها سواء رجل او امرأة ويتقبلها فهو ليس من جنس البشر وعديم الاخلاق.نحن النساء ممن يرفضن كل الفتاوي نترك هولاء المشايخ لكي يضحكوا على انفسهم ونقول لهم لماذا خلق الله لنا اذنان؟لكي ندخل من واحدة ونخرج مما سمعنا من الاخرى.
2 - خوش مركه وخوش ديج
علي مهدي الشمري
(
2010 / 8 / 26 - 22:40
)
الاخ الكاتب سرمد الجراح المحترم
هناك مثل شعبي عراقي يقول.(أذا كانت هاي مثل ذيج ,خوش مركه وخوش ديج)فتاوي شيوخ المملكة من عمالقة الفكر الانساني,ومن أجل أذابة الحواجز والفواصل بين المرأة والرجل (لانهم يؤمنون بالمساواة التامةبين الجنسين)أصدروا فتاوي رضاعة الكبير وشرب بول البعير,
اما بخصوص حكومتك الديمقراطية للكشر,فأخيرا أستيقظت من كابوس الحرية والديمقراطية ,وأوعزت الى سلطات الناصرية باطلاق سراح جميع من اودع السجن بسبب مشاركته بالتظاهرة’,والسبب تعرفه جيدا لان الارهاب هذه الايام يستهدف مراكز الشرطة وحفاظا على ارواح النزلاء قرر اطلاق سراحهم,والبحث عن مقرات بديلة للشرطةحفاظا على رتبهم ورواتبهم ,والسبب الاخر لاطلاق سراحهم هو من اجل الحفاظ على الدستور وعدم ثلمه وفي نفس الوقت (جرة أذن) لباقي المحافظات بعدم الاحتجاج والتظاهر ضد قادته الاسلاميين ,واما باقي المواطنين فهناك دستورمخترق قد كتب لهم من قبل قادة العراق هو من يحميهم(والحافظ الله).
تقبل تحياتي
3 - والعباس انا شني
ايار العراقي
(
2010 / 8 / 27 - 00:36
)
اقسم بكل مقدس اني ومنذ سنوات اسمع بفتوى ارضاع الكبير دون ان افهم معناها بالله المتعة افتهمناها من قناة المستقلة ايام جان ريسفرسي عاطل وميجيب بس قنوات معدودة اثقفها المستقلة(تصوروا شلون ريسيفر طايح حظ)وبعد ثلاثين عركة اقصد ثلاثين حلقة بين شيوخ الصوبين كدرت افهم مكونات هذا القانون السماوي بس المشكلة اني لحد الان لاشايف جبير رضعوه ولاشايف واحد متزوج متعة
شكرا استاذ سرمد بس للعلم اني شني مضبوط واذا ممكن عنوان السوبر ماركت ع الايميل رجاء لان جكايري خلصت
4 - نسيت اهم فقرة
محمد الرديني
(
2010 / 8 / 27 - 02:34
)
لعلك لم تكن موجودا حين دار هذا الحوار بين الكاشيرة والمشتري
يكمن تدققين في الفاتورة فهناك خطأ على ما اعتقد
يمكن بس هسة مو وكتها لاني مشغولة
كيف
ماتشوف الناس اللي لازمين سرة على البيض
مو مشكلتي
طيب روح للغرفة رقم 12 واسأل عن محمد الحلو
منو هذا
شيبة عنده خزنة وبالخزنة ملفات وبالملفات اوراق وبالاوراق كلام والكلام مقسوم الى فصول والفصول مقسمة الى ابواب وفي الباب السابع راح تشوف حسابك
5 - دواء وآثاره الجانبية
Aghsan Mostafa
(
2010 / 8 / 27 - 04:42
)
والله ياسرمد انت دواء انتيبيوتك وبيه سايد ايفيكت فأنت تحارب وتقاوم المرض بشده وانا متأكده اذا يعرفون اكو موقع اسمه الحوار المتمدن (واكيد ميعرفون شيوصلهم للتمدن) ويقرون الك نتيجة دواك ينغثون ويرجفون وانشاءالله يصير بيهم جلطه وينشلون!!! اما السايد ايفيكت فأعراضه تبين علينا لأنك تخلينا نضحك بهستيريا والي يشوفنا يكول علينا مخابيل!!! شكرا سرمد خليتني اضحك هوايه اليوم ونردلكياها بالأفراح........ روح بفالك اخي وهم عليهم لأنه مايفيد غير السخريه منهم
تحياتي
6 - الاخت ندى
سرمد الجراح
(
2010 / 8 / 27 - 07:50
)
هذه المخلوقات لايزال لها من التأثير بما لايستهان به على عقول شباب محبط نتيجة الانغلاق والفقر ودكتاتورية المجتمع والدوله والدين. فيجدون الملاذ في قهر انفسهم واخوانهم علهم يحصلون بعد الموت مالم يحصلوا عليه في الحياة
7 - السيد علي الشمري
سرمد الجراح
(
2010 / 8 / 27 - 07:55
)
هؤلاء الحكام سيصحون على يوم يجدون فيه ان شرطتهم ستقف مع المتضاهرين وخصوصا انهم هدف للارهاب نتيجة عقم الحكومه وفشلها
شكرا لمرورك
8 - السيد ايار
سرمد الجراح
(
2010 / 8 / 27 - 07:59
)
لكي تعرف مامعنى ارضاع الكبير عليكم بالرجوع الى كتاب الرضاع في كل الاوضاع للعلامه نيدو حليب سباع
مع تقديري
9 - هل امهاتهم خبيثات
سمير فريد
(
2010 / 8 / 27 - 08:01
)
الاخ سرمد علي الجراح الاخت حاقده والدليل انها لا تعرف الحكمة من ارضاع الكبير بالمناسبة هل الامر يشملني علما ان عمري 69 سنة وجم شهر وهذا من صالحي فاذا كانت ال69 كثيرة فان الجم شهر تشفع اشوا هل الايام هواية حجي عن بيضة الاسلام شنو هلكد هي جبيرة وهية وحدة لو بيضتين مثل بقية الوادم وبعدين انت شعليك من العلماء متعرف ان لحمهم مسموم لو عندك مناعة وجاي تتحارش بيهم ابكيفك تره عدهم الاف الاقوال خدمة البشرية مثل اثبات سطحية الارض على وزن كروية الارض اثبات انشقاق القمر وتاثيره على تخمر الاعناب والارطاب وما ينتج منهما وتحريم قيادة السيارة للنساء ويسمح لهم بقيادة الجمال تشبه بالسلف الصالح والفصل بين الجنسين الخبيثين لا ادري هل امهاتهم خبيثات ايضا ام ان الخبث يشمل ولد الخايبة فقط عمي سرمد روح ابفالك تره كلنا وياك للوحة
10 - الرديني العزيز
سرمد الجراح
(
2010 / 8 / 27 - 08:08
)
الخطأ مرجوع للطرفين بس لازم يرجع بالسره لأن اكو ناس واكفه صارلهه من كان عمر بن العاص والي على طويريج
11 - اغصان العزيزه
سرمد الجراح
(
2010 / 8 / 27 - 08:19
)
انشاء الله دوم فرحانه وتضحكين. اني اقول هذوله هم بيهم فائده يخلونه نضحك ونعرف ان العقل زينه. هذوله بالنتيجه ينرادلهم مبيد حشرات لأنهم يمصون دم الناس وطاقاتهم بالجهل والخرافه
12 - الاخ سمير
سرمد الجراح
(
2010 / 8 / 27 - 08:31
)
دير بالك خويه تره رقم 69 يسوي حساسيه عند بني عبد المعزى,
حسب ما اعرف ان بيضة الاسلام صارت تفقيس مكاين وانطكت بالدهن
شكرا لمروركم
.. حكايتي على العربية | ألمانية تعزف العود وتغني لأم كلثوم وفير
.. نشرة الرابعة | ترقب لتشكيل الحكومة في الكويت.. وفنان العرب ي
.. عوام في بحر الكلام - الشاعر جمال بخيب: أول قصيدة غنتها أم كل
.. عوام في بحر الكلام - الشاعر جمال بخيت: أول من أطلق إسم سوما
.. عوام في بحر الكلام - الشاعر جمال بخيت: أغنية ياليلة العيد ال
