الحوار المتمدن - موبايل
الموقع الرئيسي


صفحة المقادير

عمر عبد العزيز

2010 / 9 / 17
الادب والفن


مِسكت أخيراً الفرشة و قلت خلاص
أكيد هقدر ألوِّن مصر
بَدأت بخط في الصحرا عملتُه طريق
و سفلِتُّه من البؤس اللي باين فوق وشوش الناس
مليت كل الدروب بالنخل
هنا نهر و هناك بركة
مسحت من العيون الحزن
رسمت ع الشفاه ضحكة
لمست بفرشتي الجاهل و خليته يبان أذكى
و الغلبان .. يبان أغنى
و نفَّضت التُراب يصبح نجوم بتشع في سمانا
بتتلألأ في ضوء الشمس و ترسم ع البشر ضِلة
يبان الطفل مِتعافي خدود وردي بلا عِلَّة
نضافة و بهجة مرسومة في عالم كله ألوان طيف
و بسمة ع الوشوش صادقة ما تعرف غش أو تزييف
و بعد شوية ... أنا حسيت بإني تِعبت
دخلت و نمت نمت و قمت
لقيت كله و من تاني رجع كما كنت
و هِربت م الحياة الألوان
ركنت الفرشة و اتنهِدت
و جبت كتاب .. بيتكلم في فن الرسم و التعبير
قلبت لصفحة المقادير
و فيها قريت
عشان ما تغيّر الدنيا ... بألوان ثابتة حقيقية ... ما تخلطشي المحبة بوهم
ضروري الفرشة تِتغَّرق ... بحب في خلطة سحرية... مزيجها من العرق و الدم



شعر/ عمر عبد العزيز
23/6/2010





التعليق والتصويت على الموضوع في الموقع الرئيسي


اخر الافلام

.. شارك فى فيلم عن الفروسية فى مصر حكايات الفارس أحمد السقا 1


.. ملتقى دولي في الجزاي?ر حول الموسيقى الكلاسيكية بعد تراجع مكا



.. فنانون مهاجرون يشيّدون جسورا للتواصل مع ثقافاتهم الا?صلية


.. ظافر العابدين يحتفل بعرض فيلمه ا?نف وثلاث عيون في مهرجان مال



.. بيبه عمي حماده بيبه بيبه?? فرقة فلكلوريتا مع منى الشاذلي