الحوار المتمدن
- موبايل
الموقع
الرئيسي
هموم وحلم جذاب
حامد كعيد الجبوري
2010 / 9 / 18الادب والفن
![](https://ahewar.net/Upload/user/images/7785cc01-3672-425b-93ad-30d8bef81228.jpg)
مهداة للفقراء
وتذكير لمن أوعد وأخلف
أشمالك يا بخت ما ألجت فد يوم *** ولا مره أخجلت ما جنـَصت سيد
كلها أمحزمه وتركض ركض معتام *** ويرجع ليوره بس حامد كعيد
على باب الفُكر علكت سبع أعيون *** أنخاف أمن الغنايه أعيونهم تحسد !
جزع مني (الفلق) من كثر ما أقراه *** و (شر غاسق وقب) و (النافثه) تعكد
شهر رمضان يفرض بالسنه ع الناس *** ورمضاني سنه وما نلحك أنسدد
اليتيم أبن اللطم يا عيد يفرح بيه *** شايفلك يتامى أبضيمها أتعيد
جدر فوك الهظيمه وجدر للشوغات *** وجدر يطفح دمع وبملحته نثرد
عفتها ع التدرج هاي تدفع ذيج *** سمايّ أمغيمه وبلا مطر ترعد
خابرت المنيه ورمشت للموت *** وتابوت النفاهه أبدارنه أيمدد
كضت بين الحرز ونذور وبدعيات *** ما يسوه العمر من يخلص أتركد
*********
غفيت أعله النواعي وأصحه ع البستات *** وكاروكي جمُر والوَحََّده أيعدد
ناصب للفرح هلبت شبجنـَه أيصيد *** فرحه ومن تصل حلك الشبج تشرد
الفقير أعله البعير وجلب ينهش بيه *** ويهز ذيله أبمذله وللدثو يسجد
ولد متعه أنحسبنه وأمنه بت السوء *** وهو أبن الحراير طاهر المولد
أزرعت دونم فرح حد ما وصل ينحاش *** النايم للظهاري أبمنجلي يحصد
غلط مره الفرح مجبور دك الباب *** تأسف وأعتذر عن غايته ينشد
نويت أعله البخت خيره أفتحت قرآن *** طلع (تبه ولهب) لحبالها أتقيد
زاعلت الفرح والكيف طلكناه *** وميثاق الشرف ويّه الحزن أعقد
لا ماشي الفرح ما ريده يحجي أوياي *** ولذة دنيتي أبمسجد صبر أعبد
إبن شداد صاحوا حزموني أحزام *** وصعدت غيرتي وثوب الحزن أسرد
ومن صارت مغانم قسمة الأسياد *** نسبوني (الزبيبه) وحصتك منعد
*********
كالولي القناعه أكنوز لا تفنى *** وجربت القناعه وبوبها أتسدد
طرزت الفرح بكلوب المحبين *** أشعاري أبقفص محبوسه وتغرد
على كثر الغسل غير هدمنه اللون *** ملحه ومن بياض أوجوهنه أتورد
شفت البير عمدا يرمي بيه أحجار *** الزنيم وخنجره أبجبد البشر يغمد
آنه إبعازة أبو أبيمناه يكص يسراه *** عرف نيتها سوده وخافها أتفرهد
آنه أبعازة علي أبكلبه اليتامه أتبات *** ويحضنها أبرحمته وراسها أيمسد
آنه أبعازة علي خلكه أبوساعة كون *** ولا أبمال الحرام أبهدمته أيجدد
آنه أبعازة علي مو للصلا والصوم *** قرآنه ضميره وقبلته الموعد
********
|
التعليق والتصويت على الموضوع في الموقع الرئيسي
.. فيلم ولاد رزق 3 يحقق أعلى إيرادات في تاريخ السينما المصرية
![](https://i4.ytimg.com/vi/AuHFjKJeAwI/default.jpg)
.. مصدر مطلع لإكسترا نيوز: محمد جبران وزيرا للعمل وأحمد هنو وزي
![](https://i4.ytimg.com/vi/Q73R6ottPgU/default.jpg)
.. حمزة نمرة: أعشق الموسيقى الأمازيغية ومتشوق للمشاركة بمهرجان
![](https://i4.ytimg.com/vi/aBijvYU0ayo/default.jpg)
.. بعد حفل راغب علامة، الرئيس التونسي ينتقد مستوى المهرجانات ال
![](https://i4.ytimg.com/vi/2xsXnc3f7s0/default.jpg)
.. الفنانة ميريام فارس تدخل عالم اللعبة الالكترونية الاشهر PUBG
![](https://i4.ytimg.com/vi/BvTcP6zZQgU/default.jpg)