الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
هدني مروتك
حليم كريم السماوي
2010 / 10 / 21الادب والفن
تمحچل حلم برموشي وحرمني النوم
ونطرت الفجر واتحرَگ
گلت مزنة وكت تعبر وازيح الهم
نسيت انا شكثر تعبان
ونسيت من السهر ثگلانه جفنيني
ويتمرجح على رموشي الحزن
وانَا الحسبالي چنت احلم
ولك ما يزي بس هدني
سَرَتْ كل ناسي ذاك الصوب
وانا مچور اتلعثم
دهدني مروتك ضاگت عَليّْ دنياي
واخذ مني التعب حيلي
وكبرت وياك بالشوغات
من سوده بوجه العدوان
هي مصخمه وصارت بعد اصخم
كل شده وتزول بيوم لو يومين
واحنه بشده ياربي
عبرنه الحد ولا من امل نترجاه
ادري الذنب من عدنا
وادري الصوچ صوچ الناس
بس ياربي يامعبود
واللهِ تعب من عدنا حتى الاه
نسوان وزلم واطفال
وايتام وارامل كلها متحيره
وتتنطر مطر خيرك
بلكي اينزلْ الرحمة
وكل ذاك الالم تنساه
بلكي الامل من يشرق
تعود البسمه لعيوني
ويرد حلمي اللي جنت اتناه
تعود البسمه لعيوني
ويرد حلمي اللي جنت ارجاه
|
|
التعليق والتصويت على الموضوع في الموقع الرئيسي
التعليقات
1 - ماذا تقصد؟
ايار العراقي
(
2010 / 10 / 21 - 00:40
)
استاذ حليم شكرا لهذه القصيدة او الشكوى الى الخالق ان صح التعبير ولكن لم افهم قصدك حين تقول(ادريالذنب من عدنه وادري الصوج صوج الناس)بربك هل هو ذنبنا فعلا ؟
اذا كانت الامور تقاس على اساس الذنب والخطيئة فلماذا لايعذب الله شعوب تجاهر وتفتخر بلمعاصي مثلا
كل هذه الزيارات المليونية والحشود الزاحفة لم تغسل هذا الصوج ليبقى من عدنه الى ابد الابدين؟
لااتفق معك في هذه النقطة عزيزي الشاعر الجميل
سلمت
.. -بيروت اند بيوند- : مشروع تجاوز حدود لبنان في دعم الموسيقى ا
.. صباح العربية | الفنان السعودي سعود أحمد يكشف سر حبه للراحل ط
.. فيلم تسجيلي عن مجمع هاير مصر للصناعات الإلكترونية
.. جبهة الخلاص الوطني تصف الانتخابات الرئاسية بالمسرحية في تونس
.. عام على رحيل مصطفى درويش.. آخر ما قاله الفنان الراحل
