الحوار المتمدن - موبايل
الموقع الرئيسي


حكاية غربه وألم

جواد القابجي

2010 / 10 / 31
الادب والفن

ألَمْ ..
مرّات مايوجع ..
يونِّس..
او ألم بيه آه ..بي وَنْ
اوجرح يم الگلب .. يرفس
يجدح بالوجه
مايگدر ايغلِّس
والبطران ساء الظن
ميدري ابجرحك .. امّمحَّن
وعيون الغافيه
ايمر من حدرها الماي
مايروَن
اوترد لجروح من اسنين
مالِحْمَن
ولايوم الحذر خاواك
ونته العاشريت الهَم
صبر چنّك .. صبر تلهم
تمعّن .. هاي دنيا
اوبيها لا تإمَن ..
تره اسيوف العِلاها الصده
هم تطعن

طگ صدرك يگابي اوطير
كنوز ابداخل الصندوگ .. ميلِمعن
ولون تحبسهن الظلمه ..
مايضْوَن .. ولا يسوَن ..

إصحه اوصير حر بهواك ..
برياض الوفه
ابعالي السمه
يم احبابك .. اتلملم
حط يم واحة الاحباب
وبماي الحياة اغتسل من الهَم

قَصُر من غير حب وحباب ماينفع
طگ ظلع اليصدَّك حيل
كسِّر قيدك
او من داخلك .. إطلع
*********************
أبوذية
عيوني اعله الاحبها دوم +++ ينحاي
چن ميّت صرت معرفت +++ ينحاي
اذا كِسرَتْ اعدايه ظُلم +++ ينحاي
بعد چابيش اطير اشلون بيَّه
*********************
[email protected]
[email protected]

---

---

---

التعليق والتصويت على الموضوع في الموقع الرئيسي

---

.. فاق من الغيبوية.. تطورات الحالة الصحية للفنان جلال الزكي


.. شاهد: دار شوبارد تنظم حفل عشاء لنجوم مهرجان كان السينمائي




.. ربنا سترها.. إصابة المخرج ماندو العدل بـ-جلطة فى القلب-


.. فعاليات المهرجان الدولي للموسيقى السيمفونية في الجزاي?ر




.. سامر أبو طالب: خايف من تجربة الغناء حاليا.. ولحنت لعمرو دياب