الحوار المتمدن - موبايل
الموقع الرئيسي


على حس الطبل

سعيد حسين عليوي

2010 / 11 / 19
الادب والفن


ركضنه ويه الطبل
والركضه وجعانه
لا شفنه الفرح
لا انطونه عنوانه
او ركضتنه صفت
هم شغله تعبانه
ملينه الركض
ما اعرفنه تاليه
على حس الطبل خفن يرجليه
چم مره او نرد
نزلگ بهيچ غيوم
نترجه المطر
والفرح يمنه يدوم
يوميه بدرب
وتشابكت الهموم
تاليه صفت
بيد الحراميه
على حس الطبل خفن يرجليه
حسبوها صحيح
او ترسوْ الجيوب
خبرتهم قديمه
تعلموا الدروب
من قال وبلى
بيهم طبع چلوب
وحسبتنه سواد
مخربطه النيه
على حس الطبل خفن يرجليه
يرجليه شجاچ
اليوم متركدين
دشوفيهم عمايم
لاچن مچطلين
شويه من النفط
شويه من المخمسين
وعلايجنه فگر
ما عدنه عيديه
على حس الطبل خفن يرجليه
شنسوي بعد
نركض ويامن عاد
انطوهه صبر
وافتهموا يا اولاد
تره كلهم دغش
ساس الچذب واوغاد
خلونه نبيع
الدين والدنيه
على حس الطبل خفن يرجليه
والله العن ابو
الجابنه هل البستات
شيعه وسنه
وسوالف هل المسلگات
مو چنه مثل دهن
ودبس بالفات
شجانه وصرنه
مثل البطنج وحيه
على حس الطبل خفن يرجليه
اويلي يا وطن
شحچي بعد وياك
والله مستحي
فشلونه هل الاشواك
ما عدنه ذنب
هو ذنب نهواك
وهاي الخصله
مزروعه وعراقيه
على حس الطبل خفن يرجليه
**********************************





التعليق والتصويت على الموضوع في الموقع الرئيسي


التعليقات

1 - روعه
عبد العظيم صادق جعفر ( 2010 / 11 / 19 - 21:37 )
أشعر أنك هنا في هذا الجنس الأدبي الشعبي أكثر روعة وأكثر أقتدار كما أنك أكثر أبداعا فلماذا لاتكثر منه وهو أكثر تعبير عن الأزمه وأقرب لبسطاء الناس لو تسنى لك أشاعته بين الناس من خلال النشر في الصحف الشعبيه والقراءه أمام الناس مرة أخرى سلمت يداك

2 - وهو كذلك
سعيد حسين عليوي ( 2010 / 11 / 20 - 06:07 )
اهلا بك اخي في هذا المرور اللطيف .كلامك صحيح ولكن الاكثار منه يعطي مردود عكسي . يا ابا شيلان اني مشتاق جدا وتحياتي للجميع سعيد الشفتاوي

اخر الافلام

.. شكل امتحانات القدرات في كليات التربية الفنية .. اعرف التفاص

.. القسام تعرض مشاهد تعارض الرواية الإسرائيلية وخطط تهجير تحت م



.. مواقف غير متوقعة في مسرح الحجرة مع أبطال العرض المسرحي -يمين

.. -الأنا العليا- تمنع عودة العلاقة بين ترمب وإيلون ماسك... وكا



.. إزاي أبطال العرض المسرحي -يمين في أول شمال- بيقدروا يمثلوا ف