الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
كلها منك
محمد علي محيي الدين
كاتب وباحث
2010 / 11 / 24
الادب والفن
من دفتر الأيام
كلها منك...
يلعفتني بلا وجاد وكتلي عاين زين دربك
كلها منك...
يلعفتني بنص حماد وكتلي حير ودبر أمرك
كلها منك...
لنك أنته النور لعيوني ويطيب بشفتي طعمك
يا طعم جنه التبرزل
جنه شمام المقندل
أنته جوري بوسط مشتل
أنته مدلول وتدلل
ليشت نذل..
ليش تمشي بها الطريق وتالي تالي تكول مندل
ليش تنكر كل صديق وتبقه يوم الضيج أعزل
ليش تطردلك رفيق وتظل بالغربة أتوسل
ليش تنذل...
مانه أدريبك صكر لو غاب جاب الصيد منذل
مانه حسبتك شهم ما جفنه رف من خوف لو ذل
مانه حبيتك نجر ما يوم عاف الدرب لو زل
ليشت تنذل...
وأنته فانوس الدروب الجان مشعل
عار تنسل...
عار تقبل..
باليريده الغير وأنته الجنت الأول
@@@
غول وبلا شوف جاب النه البلاء
هستريكا وبيها هد كل البناء
كول ....لو ضربة جزاء
ما درينه
صافره بيها بداية شوط لو هاي أنتهاء
ما درينه
لعبة صارت..
لا هدف ..لا صافرة حكام
والطوبه تنجم بالسماء
وما درينه
بس أشارات الخطوط تكول
فاول صار...
وآنه أحسبها صارت كول وتسجل علينه
29-12-1989
|
|
التعليق والتصويت على الموضوع في الموقع الرئيسي
التعليقات
1 - يزي عاد يا جروح الكلب يزي عاد.. انسى المضى
سمير فاضل
(
2010 / 11 / 24 - 09:17
)
والله كانك في قلبي اخ محمد ،، انه ابداع ما بعده ابداع وتعبير يثير جروح وشجون
ما تكولي تاليه وياك تريد تموتنه
يزي عاد يا جروح الكلب يزي عاد.. انسى المضى
تحياتي واحترامي
2 - رد
محمد علي محيي الدين
(
2010 / 11 / 24 - 13:53
)
الأخ سمير فاضل
أشلون أنساك وأنته وسط دلالي
يلعابيتني ويالعذبت حالي
وهل يمكن أن ننسى جروح لا زالت تنز قيحا لا تندمل رغم مرور الأيام
3 - هكذا علمونا
باسم محمد
(
2010 / 11 / 24 - 21:23
)
الحب... الامل.. الاحساس المرهف... من غيرها لاتزهر القوافي، ولاتلون لوحة، ولاتصدح اغنية.
رائعة بعد اخرى (انا طماع) هل من مزيد؟
تحياتي القلبية ودمتم للادب الملتزم..
4 - المزيد قادم
محمد علي محيي الدين
(
2010 / 11 / 25 - 04:53
)
الأخ العزيز باسم محمد
تحياتي وشكري لمرورك واعجابك ولا زلنا نعيش على الأمل المقرون بالعمل
.. احتجاجات في جامعة ديوك الأميركية ضد الممثل الكوميدي جيري ساي
.. المغرب.. إصدارات باللغة الأمازيغية في معرض الكتاب الدولي بال
.. وفاة المنتج والمخرج العالمي روجر كورمان عن عمر 98 عاما
.. صوته قلب السوشيال ميديا .. عنده 20 حنجرة لفنانين الزمن الجم
.. كواليس العمل مع -يحيى الفخراني- لأول مرة.. الفنانة جمانة مرا
