الحوار المتمدن - موبايل
الموقع الرئيسي


( سطوح أهلنه ) / مهداة للشاعرة المثابرة الأخت وفاء عبد الرزاق

حامد كعيد الجبوري

2010 / 11 / 27
الادب والفن




زغار
نصعد أنرش السطح
إسطوح فقره
أترابه بيه ريحة أهلنه
أمن العصر أفرش سريري
بين أمي وبين أبوي
وينزل أبحضني الكمر
يسمع أسواليف أمي
سهر مره ...
يريد يتعلل ويانه
يستمع مُر السوالف ...
نام بفراشي وبجه
ومن دمعته
بللت ثوبي العتيك
تجوي دمعات الونين
بللت كل السواجي
وفاضت الدنيه حزن
وأمي ...
أمي تحفظها النواعي
أزغيره من غابت أخيتي ...
إسنين مرت
ودمع أمي ما خلص
أبجي وياهه البجيها
إزغار ما نعرف الموت
نحسب الدنيه هلاهل
ونرسم الباجر شمس
خذت من أمي طبعها
وبالفرح أشبع بجي
يمه كالتلي وليدي ...
الدمع بعيونك حرام
والبجي ...
أيعذب الميت ...
ويحرم أعيوني المنام
وهاي بنوات المحله ...
يا وليدي
كلهن أبشرع الله ... خواتك
ومن هذاك اليوم لسه
كل بنات الطرف خياتي ...
وأحبهن
أمي كالتلي أبكلشي
وأبد ما فد يوم كالت
تالي عمرك يا وليدي
أتصير إلك خيّه حنينه
من إسمها ...
ينترس عمرك وفاء
وتسكن أبديرة غُرب
وأكرهت من الزغر ...
جلمة غريب
.....................

26 ت2 / 2010 م





التعليق والتصويت على الموضوع في الموقع الرئيسي


التعليقات

1 - يا وفاء
حامد كعيد الجبوري ( 2010 / 11 / 27 - 20:16 )
لك يا اخيتي كل هذا الوفاء لأنك تستحقي الأخوة والتواصل

اخر الافلام

.. بايدن عن أدائه في المناظرة: كدت أغفو على المسرح بسبب السفر


.. فيلم ولاد رزق 3 يحقق أعلى إيرادات في تاريخ السينما المصرية




.. مصدر مطلع لإكسترا نيوز: محمد جبران وزيرا للعمل وأحمد هنو وزي

.. حمزة نمرة: أعشق الموسيقى الأمازيغية ومتشوق للمشاركة بمهرجان




.. بعد حفل راغب علامة، الرئيس التونسي ينتقد مستوى المهرجانات ال