الحوار المتمدن - موبايل
الموقع الرئيسي


يلماتگدر

سعيد حسين عليوي

2010 / 12 / 12
الادب والفن

يلماتگدر تخدم شعبك
لم چوالاتك خليني
واگلب من ديرتنه اتهوه
دخانك بس العاميني
مو كافي اترست العلاگه
ما همك فگري وناسيني
شقبضنه بجالك ياغادر
غير الموت وهم لافيني
ملينه من القال وقلنه
نريد الناس الي ادليني
كل الدنية تعيش براحه
بس آنه الطام مخاويني
ذيچ الدول تعيش بعزه
وآنه بذله مگضي سنيني
يوميه بلون وطنگاره
بعثيه وقوميه وديني
ليش الحاله يا هل العالم
يگلون النفط السابيني
اخذوو من نريده وخلونه
نزرع رشاد وبربيني
نرجع علموگد محلاها
منريد سخام سترليني
نصرح بالهشوش احسن النه
نخبز بالجله ادفيني
شنسوي بسياره ودمنه
مهدوروخايف تلگيني
احنه تعلمنه وميهمنه
من كل دجال اليعنيني
ادبّغنه نعيش شما صارت
عرفنه البعره والبعريني
ومنگللكم غيرانتوا تحضروا
للملصه وعوفوني بديني
عدنه التيار اليتلاوه
يحط چفه بحلگي ويسگيني
*********************************

---

---

---

التعليق والتصويت على الموضوع في الموقع الرئيسي

---

.. أقرب أصدقاء صلاح السعدني.. شجرة خوخ تطرح على قبر الفنان أبو


.. حورية فرغلي: اخترت تقديم -رابونزل بالمصري- عشان ما تعملتش قب




.. بل: برامج تعليم اللغة الإنكليزية موجودة بدول شمال أفريقيا


.. أغنية خاصة من ثلاثي البهجة الفنانة فاطمة محمد علي وبناتها لـ




.. اللعبة قلبت بسلطنة بين الأم وبناتها.. شوية طَرَب???? مع ثلاث