الحوار المتمدن - موبايل
الموقع الرئيسي


(ما أريده)

محمد علي محيي الدين
كاتب وباحث

2010 / 12 / 14
الادب والفن



مــــــــــا أگــــــلك شنهـــــو عـــنوان القصـيده
ولا أريد تگول هالشاعر شنو فكره
وشنو شيحمل عقيده
آنه أحب كل العراق..بعربه وبأكراده
وشلمت حدوده
آنه من شعب العراق...
الما يطخ الراس لو گطعوا وريده
آنه من أهل الصرايف..
چذب لا جدي حمورابي ولا جدي رشيده
وأبد لا القعقاع مني ولا آنه منه...
وسچتي عنه بعيده
آنه يكفيني من أگول آنه العراقي..
وأحزن الحزنه وأعيد لو يهل أهلال عيده
***
وما أريده....
كلشـــــي بيه ريحة أبو عداي روحي ما تريده
واليذكرني بعهد صدام.. ما اقبل أبد واحد يعيده
ما أريده
ولا أريدن شوفته..ولا أذكر أيامه..
وأبي الدنيه الجديده
وخل يولــــي الماضي خله
ولا تذكــــروني بقهرهم ...
وشكثر راوونه ذله
وچذب ما واحد عشگ حجاجهم لا حب يزيده
وأرد أذكركم وأذكر.... والحچي العندي أعيده
وأصرخ بكل صوتي وانده وأرد أظمن هالقصيده
(لا يغرنك ما ترى من وجوه
أن تحت الضلوع داء دويا
فدع السوط وأرفع السيف حتى
لا نرى فوق ظهرها بعثيا)
وأصرخ وأصرخ وأگلكم لا أحبـــه ولا أريده
لا فكرهم لا هدفهم حتى بيرغهم صفه خرگه زهيده
لنه راية حرمله اللي ذبحوا الألأف
وترفرف فرح فوگ الحديده
ما أريده....شيلوا حتى النجمه....
حتى.....أستغفر الله...
لن أبو الشبلين خط الحرف بيده
وهذي عدكم شيلة أمي...الفرعت بآذار...
وتهوس بهوستنه الجديده
لو علم أبيض يرفرف...
بيه حمامات السلام مطرزه وتنشد نشيده
وخل يـــولي الحلـــــــــم خله
آنه شايل من علمنه هوايه ذله
وخوفي يزعـــل لـــــو أگلـــه
من أشوفك أذكر جروحي شكثر لچموها
وأدري بسمك هالمباديء بالهرج خلوها
والشعارات الأصيله بالچــذب غطوها
يمتـــه أشـــوف بمــــوطني بيرغ جديد
ويمته أغنيله بمحبه وأنشد بأسمه النشيد
وأصرخ بصوتي وأغني ..
وأصرخ وأصرخ وأعيد
عش هكذا في علو أيها العلم
فأننا بك بعد الله نعتصم
رمز العراق ورمزالشعب أجمعه
عرب وكرد وترك فيك تلتحم

2-2-2004





التعليق والتصويت على الموضوع في الموقع الرئيسي


التعليقات

1 - فضيق الحبل واشدد من خناقهم
باسم محمد ( 2010 / 12 / 14 - 18:42 )
صدق سديف وصدق الجواهري وصدقت يااستاذنا ابو زاهد).
. قصيدة رائعة ودرة اخرى كانت مخفية
استاذنا المبدع تقبل مودتي واحترامي

اخر الافلام

.. صوته قلب السوشيال ميديا .. عنده 20 حنجرة لفنانين الزمن الجم

.. كواليس العمل مع -يحيى الفخراني- لأول مرة.. الفنانة جمانة مرا



.. -لقطة من فيلمه-.. مهرجان كان السينمائي يكرم المخرج أكيرا كور

.. كواليس عملها مع يحيى الفخراني.. -صباح العربية- يلتقي بالفنان



.. -بين المسرح والسياسة- عنوان الحلقة الجديدة من #عشرين_30... ل