الحوار المتمدن - موبايل
الموقع الرئيسي


إذا كنت لا تدري فتلك مصيبة..وان كنت

محمد علي محيي الدين
كاتب وباحث

2010 / 12 / 19
كتابات ساخرة


حكايات أبي زاهد

تناهى إلى سمعي أن سوادي الناطور،يشكو من وعكة صحية،فذهبت لزيارته ،والاطمئنان على صحته،ودخلت إلى درابين مدينة الثورة،فأزكم أنفي روائح المجاري العبقة بشذا الورد والريحان،وتعثرت قدماي بأكوام النفايات وبقايا الكرزات،وقشور المز الصومالي،وعلب الببسي والموطا الأجنبية المستوردة بالطائرات المبردة عبر القارات.
طرقت الباب فخرج لي أحد أحفاده،سألته عن جده،فقال أنه في غرفته، فطلبت منه أخباره بزيارتي،وبعد أن أذن لي بالدخول،دخلت إلى حيث يرقد "الناطور" وأنا أقول "سلامات ..سلامات أبو كريم أنشا لله ماكو شي..؟فقال لي:(بسيطة شوية برد، ويگول الطبيب هاي "قنزه ونزه"قويه سببها تغيير ألهوه)وقلت له مداعبا:"الحمد لله هاي بسيطة ،هم زين ما صارت بيك فلا ونزه الطيور" فقال:"بويه يافلونزه الطيور، يا بطيخ،أحنه واحدنه يمرض الفل ونزه مو هيه لتمرضه،وأبدانه تتحمل كلشي ،واليوم مرة كريم،سو تلي ورد لسان الثور،وصرت زين عليه والحمد لله).فقلت له ولماذا لم تستعمل الدواء الذي أعطاك إياه الطبيب؟ فقال(بويه أنته هذه تسميه دوه،هنه حبابي بيض ،لمن بلعتهن لا بيهن لا طعم ولا ريحه،حسبالك تباشير)فقلت له وما أدراك أنه غير جيد؟ كان عليك الانتظار حتى يأخذ الدواء مفعوله،فرد علي بعصبية ظاهرة)بويه يا مفعول ..يا منعول ،هذه الحب اللي يبيعونه بالسوگ،كله راس كوب، أكثره تعبات مريدي،والدوه الزين يبيعونه بالدولار،وأكو واحد جيرانه يشتغل بالمستوصف يگول كل الدوه الزين يروح للصيدليات، وينباع تجاري، والدوه الدوني ينطونه لسوادي وربعه،وصارت المستشفيات والعياذ بالله مثل "الودع البزون شحمه"وتعلمت الوادم عالتلفلف،والموظف يشوف الأكبر منه، ويصير مثله،ومثل ما يگول أبو المثل"إذا كنت تدري فتلك مصيبة..،وأن فحنطته تأكل شعيره"...يگولون ذيچ السنة،صار البوگ والفرهود لأخو موزه،وكثر البرطيل،أكو واحد راح السكلة السمچ،گام يشيل السمچه ويشمها من ذيلها،لمن شافه السماچ تعجب،گله بويه أنته شتسوي؟گله أريد أشوف السمچ خاف بيه ريحه، رد عليه أبو السمچ،بويه السمچ يجيف من راسه وأنته أتدور بالذيل....ما علينه...بس ألبيك ما يخليك... عاد ولا أحنه،ما شاء الله "أذن طين وأذن عجين"كلشي ما نسمع ولا يسمعون، ولا چنهم يدرون ،والمفتش العام البل وزارة مثل الأطرش بالزفة،لا يحيض ولا يبيض، وبها الوكت، "ألما يصير ذيب تآكله ألواويه"وهاي ألشغله ينراد لها ذيب أمعط ،وأخو خيته،لا يخاف ولا يستحي ولا يجامل، وهذه وين تلگاه...ما أدري.....!!!





التعليق والتصويت على الموضوع في الموقع الرئيسي


التعليقات

1 - نؤمن ايمانا عميقا بقدرة شعبنا العراقي
التيار اليساري الوطني العراقي ( 2010 / 12 / 19 - 22:35 )
نؤمن ايمانا عميقا بقدرة شعبنا العراقي على التغيير

اننا في التيار اليساري الوطني العراقي، نؤمن ايمانا عميقا بقدرة شعبنا العراقي على التغيير ، ولذلك دعونا الى الانتفاضة الشعبية للاطاحة بالنظام الصنيعة ، وراهنا دوما على ان صبر الشعب العراقي على الظلم ،ماهو الا عملية استجماع لقواه الثورية ومن ثم اطلاقها في الوقت المناسب
لقد توهم اذناب الاحتلال والقوى الطبقية الاقطاعية والرجعية التي يمثلوها ، من أن معاناة الشعب العراقي الرهيبة على يد النظام البعثي الفاشي المقبور، ستجعله يتقبل مرحلتهم اللصوصية ، .......
ان الشعب العراقي هو وحده القادر على افشال مخططات المحتل وحكوماته الصنيعة،عبرتصعيد كفاحه الاحتجاجي الدائر اليوم الى اعلى درجاته ، باعلان العصيان المدني والانتفاضة الشعبية، لقطع الطريق على تنفيذ المخطط الاستعماري، الهادف الى تقسيم العراق، ومن ثم قبره، وتشكيل الحكومة الوطنية الانتقالية القادرة على حل المشاكل الكبرى التي يعانيها الشعب ، و الوصول بالشعب والوطن الى برالآمان، عبر إقامة الدولة الوطنية الديمقراطية متمثلة بجمهورية العدالة الاجتماعية.

لجنة المتابعة
بغداد المحتلة

اخر الافلام

.. المغرب.. إصدارات باللغة الأمازيغية في معرض الكتاب الدولي بال

.. وفاة المنتج والمخرج العالمي روجر كورمان عن عمر 98 عاما




.. صوته قلب السوشيال ميديا .. عنده 20 حنجرة لفنانين الزمن الجم

.. كواليس العمل مع -يحيى الفخراني- لأول مرة.. الفنانة جمانة مرا



.. -لقطة من فيلمه-.. مهرجان كان السينمائي يكرم المخرج أكيرا كور