الحوار المتمدن - موبايل


بغداد مبنيه بتمر

سعيد حسين عليوي

2010 / 12 / 25
الادب والفن


بغداد مبنيه بتمر

بغداد مبنيه بتمر -- فلش واكل خستاوي
وليحسب حساب النوى -- يفك حله من علاوي
عاف السفينه والربع -- والگلبه هم سكتاوي
بغداد مبنيه بتمر
***
بغداد اخبرچ بالجره -- حزنان مو متغاوي
وزعوا علينه المكرمه -- بالفيت الكل متساوي
موت وخراب ومفسده -- والوطن هذا الداوي
بغداد مبنيه بتمر
***
نسمع سوالفهم نگول -- شگد حلو وشگد راوي
لاچن حرام بلا صدگ -- والزين بيهم عاوي
لا تلگه ذره من الوطن -- لا شعب عدهم حاوي
بغداد مبنيه بتمر
***
جوي على غفلة وكت -- واحنه بجرحنه نداوي
ركبوا قطار المرحله -- وبالطائفيه كلاوي
ذوله عدل للمزبله -- حسبتهم او يلواوي
بغداد مبنيه بتمر
***
احنه اهل هذا البلد -- منحب شخص متغاوي
انحب اليجيبلنه الفرح -- طيب اساسه راوي
يبني ويعيد الهلبلد -- عافيته للكل حاوي
بغداد مبنيه بتمر
***
اليوم الفقير ابحيرته – تعبان جسمه خاوي
ما عنده شغل ومشغله – امگضيه صفنه گهاوي
شنهي قصته – ما جاله واحد ناوي هلوطن
بغداد مبنيه بتمر
لا عامل الحاله فرح – والفلاح عمره ملاوي
لا الزرع خضر وانتعش – والارض مامش ماوي
ماتت مزارعنه انتهت – تاليه نعمه نخاوي
بغداد مبنيه بتمر

ماوي –السقي السيحي
نخاوي –لهجه مصري تعني مخبل





التعليق والتصويت على الموضوع في الموقع الرئيسي


التعليقات

1 - بغداد مبنيه بقهر
رشاد حميد ( 2010 / 12 / 25 - 17:54 )

الى صديقي العزيز المبدع سعيد


احسنت كثير في مقاربتك في هذه القصيده انها تعبر عن احساس كل الناس عدا المتمتعين
بقطع الكيكه العراقيه وذوي السلطه والنفوذوالكتل السياسيه والفاسدين الذين يفرهدون المال العام اتمنى ان تستمر على هذا الخط وتتحفنابابداعات جديده كل يوم

2 - تصحيح
سعيد حسين عليوي ( 2010 / 12 / 25 - 20:55 )
عذرا حصل خطأ والصحيح هو هلوطن شنهي قصته ما جاله واحد راوي

اخر الافلام

.. ا?سباب وقف التعامل مع المخرج محمد سامي من قبل شركة المتحدة


.. مسرحية جورج خباز: غزل بالهوا الطلق مع حراسة مشددة ????????


.. المتحدة للخدمات الإعلامية توقف التعامل مع المخرج محمد سامي




.. صالات السينما في البحرين تعود للعمل بعد إغلاق دام أكثر من عا

.. بتوقيت مصر | اغنية انسي انسي | Rai-نا