الحوار المتمدن - موبايل
الموقع الرئيسي


ولاد الكلب

سليمان الزهيري

2010 / 12 / 28
الادب والفن


ولاد الكلب
ولاد الكلب مش حيسيبوا للعشاق ولا غنوة
وحيخلوكي ساعة الطلق لما تغرقي ف دمك
وحيلموا الورود م الشوك
وحيزوفوا النسيم مسافات .....
عشان يخدوكي بالقوة
ولاد الكلب خلونا ف وش السيل
ضهور المخلصين مننا تناها الشيل
لحد ما قصة الصابرين على جار السواد باخت
وطاطينا لحد رقابنا ما إتكسرت من النوه
وكل سفاين الأحلام ماتاهت فى العرى وداخت
****
بكا صامت
ومشهد حزن بفتكره فى فيلم قديم
إيشارب الدنيا فوق راسك بلون إسود
وريحة دمع متغمس على خدودك بمية نار
ومين ما لهمشي شيء فيكي
خلاص باعوا الوطن والدار
وحجروا على اللي جناحاتهم
بتكبر من أنين جرحك
وع اللي الجلد ف ضهورهم بيخلق منهم ثوار
*****
ولاد الكلب م السعره
ترابنا إستسهلوا بيعه
وصفونا قصاد منهم
شجر ولابد تقليعه
وطن بقى حرفة البهوات....
وتجار الحديد والزيت
ومين م الموت بيسترزق
سوى اللي بيكسبوا م الموت
غيلان على قد ما بتكبر
بيكتر زحفها ع القوت
*****
ولاد الكلب خلونا
نعيش وكإننا ف غابة
وخلونا ولا نسوى
وخلوا أحلامنا متصابة
ومش ناويين يليموها ولا حتى يجيبوها البر
ولو كل الوطن بيموت
ولو كل اللي فيه ينضر
ولو شمس اللي عاشقينك
تجرجرها حروف الجر
****
ولاد الكلب فاكرينك
حتتنازلي وحتبيعي
وحتلمي جناحينك
وحتخافي وحتضيعي
وهتسيبي الضلام يحبي على صفح التاريخ كله
و ناسيين إن يشبههم كتير والآخر إتذلوا
لا عرفوا يخرسوا صوتك
ولا هم خربشوا ضله
ولاد الكلب
ولاد الكلب
ولاد الكلب





التعليق والتصويت على الموضوع في الموقع الرئيسي


التعليقات

1 - كَمْ جَميلةٌ هِيَ قَصيدتُك العَفويه،
عدنان زيدان/ فلسطين ( 2010 / 12 / 30 - 21:26 )
كَمْ جَميلةٌ هِيَ قَصيدتُك العَفويه، عِطرُها البَىلديُّ الأصيل يأخُذُني عُنوةً إلى أيام الكرامةِ البائِده وأصواتِ أحمد فؤاد نجم والشيخ إمام العظيم، وشكرا.
عدنان زيدان/ فلسطين

اخر الافلام

.. الشباب الإيراني يطالب بمعالجة القضايا الاقتصادية والثقافية و

.. كاظم الساهر يفتتح حفله الغنائي بالقاهرة الجديدة بأغنية عيد ا



.. حفل خطوبة هايا كتكت بنت الفنانة أمل رزق علي أدم العربي في ف

.. فرحة الفنانة أمل رزق بخطوبة ابنتها هايا كتكت وأدم العربي داخ



.. أون سيت - الأسطى حسن .. نقطة التحول في حياة الفنان فريد شوقي