الحوار المتمدن - موبايل
الموقع الرئيسي


( أبوذيات وزهيري )

جواد القابجي

2011 / 1 / 19
الادب والفن


عيوني اعله الأحبها دوم ++ ينحاي
چن ميّت صرت مَعرفت ++ ينحاي
اذا كِسرت اعدايَ ظُلم + + ينحاي
بعد چا بيش اطير اشلون بيَّ
*****************
تعال افتح اگليبي وشوف ++ وشراك
كلهه من سبب بلواك ++ وشراك
زرعت ابدربك احله اورود ++ وشراك
تذبلي اوناوي بس شر او أذيّه
*******************
احباب اوعن دربكم أبد ++ مامل
ولا عن المحبّه يوم + + مامل
الگلب للملگه والأشواق ++ مامل
گلب الگلب يتلاگن سويّه
********************
اليحب ماعاف ظل وياك ++ جاراك
صد اشما يجي امن الدهر ++ جاراك
اخوك اوإبن عمَّك ثمَّ ++ جاراك
اشو كلهم صفوا عدوان إليَّ
********************
بچيت ابدم على احبابي ++ منعداي
چنت مخلص وفي إلهم ++ منعداي
بعدهم صرت ما أعرف ++ منعداي
اشو أگرب الناس اوطعن بيَّه
*******************
(( زهيري ))

إيمان عالي اوشهامه احفظ اعراقي ++ او سره
وللظيم كافي بعد للشعب فرح + + او سره
ذوله احنه ماضي وتواريخ وشجاعه ++ اوسره
ولهل النفوس الكريمه اضمن علاقه ++ وزر
لا تامن امن الدهر وجتنب عن كل ++ وزر
وبعد خيالك لون رايد رئاسه او ++ وزر
وذكر جهنَّم تره هم يوم تلزم ســــــــــــــره
************************





التعليق والتصويت على الموضوع في الموقع الرئيسي


التعليقات

1 - ابوذية
حمزة نديم ( 2012 / 7 / 24 - 09:35 )
تعال انظر وشوف جم جرح بية
موبس الكلب مجروح حتى الروح مملية
ياس خضر ما بجاك من تسمع اغانية
تدري من يكول اعزاز نار وتشتعل بية

اخر الافلام

.. فاق من الغيبوية.. تطورات الحالة الصحية للفنان جلال الزكي


.. شاهد: دار شوبارد تنظم حفل عشاء لنجوم مهرجان كان السينمائي




.. ربنا سترها.. إصابة المخرج ماندو العدل بـ-جلطة فى القلب-


.. فعاليات المهرجان الدولي للموسيقى السيمفونية في الجزاي?ر




.. سامر أبو طالب: خايف من تجربة الغناء حاليا.. ولحنت لعمرو دياب