الحوار المتمدن - موبايل
الموقع الرئيسي


(( مجرَّد .. حُلم ))

جواد القابجي

2011 / 1 / 29
الادب والفن


شفت بالطيف ..
الوطن تابوت .. مرفوع اعله راس أهل الزعامه ..
وشفت بعض الناس ..
تقره الفاتحه .. او تقره الدعاء ..
************* اتصيح يا ربّي السلامه .
.
وشفت واحد .. شَهَگ لله ..
ايصيح من غير الوطن ..
ماكو كرامـــــــــــــــــــــــــــــــــــه
***************
شفت واحد .. ماد إيده ابجيب أخوه ..
او ماشفت نگطة عرگ منَّه .. اونـــــــــدامه ..
*****************
شفت واحد .. گال أبويه راح .. ما حقق أحلامه ..
****************
شفت واحد فرش بالشارع إهمومه ..
او چان .. ميفرزن كلامــــــــــــــــــــــــــــــــه ..
**************
اوشفت ناس ابلايه رحمه ..
تاكل ابروس اليتامــــــــــــــــــــــــــــــه ..
او من على المنبر .. تنادي : ..
( العلمُ كُفرٌ ) .. والجهل هوَّه استقامـــــه ..
(( ايصيح شوفوا .. الليل أسود ..!!
بس على خدَّه .. الگمر صايرله شـــــــــامه .. ))
********************
شفت شاعر چان يغلي ..
وماگدر يكمل كلامــــــــــــــــــــــــــــــه ..
****************
شفت روس اكبار .. تاكل بالزغار ..
اصگور .. وتوَلَّتْ حمامـه ..
عافت الله .. اوعابده كرسي الزعامـــــــــــــــه ..
******************
( وشفت ظهرت غيمه .. من بين المآسي ..
چَنْ حجر سجِّيل تِحْمِل ..
************** حيل طاحت .. بالكراسي .. )
**************************
[email protected]





التعليق والتصويت على الموضوع في الموقع الرئيسي


التعليقات

1 - ذوله
محمد علي محيي الدين ( 2011 / 1 / 29 - 14:26 )
وهم شفت كلي بطريقك
بيهم الحلو الجهامة
وهم شفت منهم عراقي الشايل البيرغ عمامه
وهم شفت بيهم أصيل اللي يناضل للكرامه
لو حراميه بجمعهم وكلمن يدور مرامه
ذوله اهل لملوم مو ولد الوطن ابدن فلا بيهم علامه

2 - جواب على تعليق الأخ محمدعلي محي الدين
جواد القابجي ( 2011 / 1 / 30 - 01:41 )
شفت يمحمد علي كلشي بطريقي
بس خِفت أحجي .. لأن بَرض الوطن .. ماعندي إقامه
شفت واحد نازع الزيتوني
او عمل منَّه حزام سيّد
والبقه .. سوّاه اعمامه
وشفت چم واحد بچوْا ..وسألتهم ليش ..؟ء
گالوا خويَ راحت .. بعد شيرجع الكرامه
والحراميه مثل ماگلت .. شفت اهواي منهم .. وكلمن إبگصته علامه
اومنها فزِّيت او صحت
عاب هالچهره .. اوخفت هاي الجهامه
بالمناسبة ان الأخ عماد بله أبا أنهار إرتاح كثيراً حين قرأ قصيدتك الأخيرة .. فإنه يعتز بالتأريخ والجغرافية
شكراً أخي على التعليق والتواصل
أخيك جواد

اخر الافلام

.. فاق من الغيبوية.. تطورات الحالة الصحية للفنان جلال الزكي


.. شاهد: دار شوبارد تنظم حفل عشاء لنجوم مهرجان كان السينمائي




.. ربنا سترها.. إصابة المخرج ماندو العدل بـ-جلطة فى القلب-


.. فعاليات المهرجان الدولي للموسيقى السيمفونية في الجزاي?ر




.. سامر أبو طالب: خايف من تجربة الغناء حاليا.. ولحنت لعمرو دياب