الحوار المتمدن - موبايل
الموقع الرئيسي


باقي من الزمن تسعين يوما

سرمد علي الجراح

2011 / 3 / 7
كتابات ساخرة


بعد مضاهرات يوم الخامس والعشرين من شباط, خرج (ضخامة) رئيس الوزراء ليقول ان الحكومه الحاليه يجب ان تعطى فرصه لكي تنفذ برنامجها. (اذا اكو واحد يعرف هذا البرنامج شنو وبأي قناة ينذاع يقولنه وله الاجر والثواب)
سيادة نوري باشا المالكي, نحن هنا في حالة ترقب وانتظار ومشاعرنا تترنح بين الامل واليأس وبين التفائل والتشائم
ولأننا تعلمنا خلال السبع العجاف التي مضت, بأننا لانصدق الاقوال الى ان نراها مقرونة بالافعال. اقول لكم ومن باب الامانه, ان وعدكم هذا لايحمل أي مصداقيه في عيون الشعب.
لكن وبما أننا شعب طيب كما وصفتنا!! وتعني كما يفهمها العراقيون اننا (زواج وقشامر) فأننا سننتظر هذه المائة يوم التي حددتها بنفسك. وقد مضى عشرة ايام من المائه.
وحقيقة نحن تعجبنا جدا في هذه العشر الاوائل, من الانجازات السريعه لحكومتكم الموقره ولبرلمان ام الطنافس*, الذي واصل العمل نهارا في تأييد مطالب الشعب دون الحضور للأجتماعات البرلمانيه, وليلا في ملاهي الشام ممثلين عن كتلة ياذيب ليش تعوي. حيث كان الغياب مميزا كالعاده في ظل ديمقراطيتنا البلهاء.
اهم ماتحقق ويعد انتصارا مبينا لسيادتكم على اهم وكر للمتآمرين! وكعبة للأرهاب! ومقرا للفساد والمفسدين!!, بعد اجتماع ضباط الاركان وتظافر الجهد الاستخباري مع رصد تحركاتهم عبر أقمار التجسس. فكانت صولتكم الجديده ضد مقرات الحزب الشيوعي, نقله نوعيه بحق, في رقعة الشطرنج اللي على وجه حكومة المخامطه الطائفيه.
عندي سؤال واحد بهل خصوص هو, جنابكم خبصتنه وأقمت الدنيا ولم تقعدها بأن المضاهرات يقوم بها ويستغلها البعث الصدامي!! وتالي حضرتك تهاجم مقرات الحزب الشيوعي!!
بلكي تقلّه, للناطق والنجم الطارق علي الدباغ يفهمنه شلون انقلب البعثي وصار شيوعي؟؟ لو يمكن نسأل الاستاذ عادل عبد المهدي المنتظر, بصفته كان شيوعيا ثم انقلب الى بعثي ومن ثم مجلس اعلى وبعدها سيختتم مسيرته السياسيه المرموقه في حزب توده او في حزب المافيا الايطاليه لخبرته في التعاملات البنكيه.
والله ياناس بالعالم كله هيج سياسيين ماكو, ياهو التلزمه بيه كل عِبَر رب العالمين
يعني يا باشا كنت تقشمرنه من تكول حزب البعث؟ لو استخباراتك قشمرتك واجيت تفيط براسنه؟
من تخطب فهمنه شجاي تحجي فدوه راحتلك كان واخواتها, اخر خطاب كنت تقول مسموح ومكفول دستوريا التضاهر لكن مانقبل نرجع للمربع صفر!! واكو ناس تريد ترجعنه للمربع صفر!!
ليش احنه هسه وين بيا مربع؟ شنو مربع صفر ومربع ذو القعده!! تريد تقول اليطلعون مضاهرات خونه؟ والله شبعنا من هل تهم. شو واحدكم بره السلطه ديمقراطي اكثر من ملك السويد ومن يصير بالسلطه ينقلب بقدرة قادر تيمورلنك, متفهمونه انتو من يا مله لخاطر ربكم.
المهم هذه عشرة مرت وباقي لكم تسعون مثلها, ولو انا من المتشائمين اللذين يقولون لو تسعمائه مو تسعين هم ما راح تسوون شئ لأن العله ليست في شخص, وانما في النظام القائم.
وان غدا لناظره قريب

*أم الطنافس هي القريه التي تدور فيها احداث المسلسل الكوميدي السوري ضيعه ضايعه





التعليق والتصويت على الموضوع في الموقع الرئيسي


التعليقات

1 - أكو غلط بالحساب
علي الشمري ( 2011 / 3 / 7 - 19:34 )
الاخ الفاضل سرمد الحراح المحترم
لو تعيد الحساب افضل ,صحيح الرجل قال 100 يوم لكن ما قال من أين تبدأ ,أكوا حكومه ناقصه تكدر تضع خطه للنهوض بالبلد وهو شايل على أجتافه سبع مناصب ,متكلي شلون يكدر يمشي,خلي هو الرجال ما قصر بهذه الايام التي مضت ,وضع الاساس ووصل للبتلو وما بقى شئ ,بس الجدران والسقف واللبخ والبياض والسطوح والكاشي والماء والكهرباء والجام ويسلمكم المفتاح جاهز؟بس أهو هم خايف من المقاول خاف ينكت بيه ,على ساعه ويشمع الخيط ولنه طالب لجوء وياه الفلوس ,بهجي حاله كون تعذروه وتبدون تحسبون من الصفر,
تقبل تحياتي

2 - احزاب غير قانونيــــــة
كنعـــان شماس ( 2011 / 3 / 7 - 20:54 )
تحية للاستاذ الجراح . الشائع ان جميع الاحزاب في العراق غير قانونية لايوجد قانون للاحزاب واكثر الاحزاب تاخذ فلوس من دول اجنبية ( خيانة ) واول لقمة حرام بلعتها هذه الاحزاب هو سيطرتها على عقارات تعود للدولة العراقية بقوة ميليشاتها المسلحة وبالطبع استفراد انقى حزبين اقصد الشيوعي والامة العراقية هو عمل لااخلاقي ونفاق يستنكره حتى الشيطان . لو استطاع المالكي والبرلمان اقرار قانون للاحزاب في التسعين الباقية سيذكرهم العراقيين بالخير . بالمناسبة قبل ايام نسب الى رئيس هيئة النزاهة ان احد الاحزاب العراقية يملك سبعة مليات دولار فكيف يرجى للعراق استقرارا تحية محبة

3 - فلتنه شركه سي
عباس فاضل ( 2011 / 3 / 7 - 21:50 )
اخ سرمد , باخر ايام العصمللي واللي جان ارحم مليون مرة من هالعهد الاكشر , اكو ثنين مفلسين سووا شركة سمووهه فلتنه شركه سي وكامو ياخذون ضريبة من كل واحد يدفن ميت لان الحكومة جانت فالته ! يعني هسه يا طويرجاوي متكلي هو كلشي بالبلد صار زين ومبقه غير مقر الحزب الشيوعي اللي واكف بوجه العملية السياسية ؟ هم مو مشكله رجعلنه فليساتنه واغلق على كيفك

4 - ماذا بعد التسعين ؟
يونس حنون ( 2011 / 3 / 8 - 13:36 )
يللة اللي صبرنا 43 سنة يصبرنا هالتسعين يوم الكشرة
المشكلة ان شماعة البعثية جاهزة لتعليق النذالات والفشل واللصوصية وعدم انجاز اي شيء
وتبقى المسالة مناطة بالعراقيين الشرفاء ان يحاسبوهم حسابا عسيرا هذه المرة

5 - ردود الاصدقاء الاعزاء
سرمد الجراح ( 2011 / 3 / 8 - 18:48 )
الاخ الكريم علي الشمري, هيه مبينه لا تسعين تفيد ولا تسعتالاف. يدعون لجنة النظر بطلبات الشعب بالبرلمان للاجتماع, يغيب من الخمسه وستين, سته وثلاثين نائب!! قابل هيه كيميه حتى نفتهم هذوله مو خرج مسؤوليه
تحياتي
الاخ العزيز كنعان شماس, رحمه على والديك يا احزاب, شو همه جوكة حراميه وملتمين على صيده. ليهسه ماشفت حزب لا سابقا ولا لاحقا بيه فد خبير اقتصادي يتحدث عن رؤيه اقتصاديه لو خبير ادارة اعمال. يا ابن عمي كلهم سياسيين مقاهي وبارات
شكرا على مرورك الكريم
الاخ عباس فاضل المحترم, مو زين ما طلع حزب المؤتمر الهندي هو السبب في ازمة البهارات في البطاقه التموينيه
شكرا لك
العزيز الدكتور يونس, واحنه شبيدنه غير الانتظار, بس هسه رجع صاحبك من ايران وراح يحلها, جاي الاخ متوازي مناك يريد يسوي استفتاء!! يوميه استفتاء, بس مو صوجه, صوج الهوش اللي تركض وراه
تقبل سلامي وتحياتي

اخر الافلام

.. عوام في بحر الكلام-الشاعر جمال بخيت يحكي موقف للملك فاروق مع

.. عوام في بحر الكلام - د. أحمد رامي حفيد الشاعر أحمد راي يتحدث



.. عوام في بحر الكلام - الشاعر جمال بخيت يوضح محطة أم كلثوم وأح

.. عوام في بحر الكلام - إلهام أحمد رامي: أم كلثوم غنت في فرح با



.. عوام في بحر الكلام | الشاعر جمال بخيت - الإثنين 6 مايو 2024