الحوار المتمدن - موبايل
الموقع الرئيسي


مرج البحرين يلتطمان ياهو مالتك يابرلمان

سرمد علي الجراح

2011 / 3 / 18
كتابات ساخرة


شلون برلمان وبرلمانيين يحسدنه العالم كله عليهم. همزين اليابانيين مشغولين بالتسونامي والزلازل, كان طلعوا مضاهرات للمطالبه بشراء اعضاء البرلمان العراقي –مثل لواعيب الطوبه- لقيادة اليابان للخمسين سنه القادمه!!
شنو هل شرف وهل غيره وهل انسانيه؟؟ وين كانت مضمومه هل الاخلاق العاليه؟؟ تريدون الصدك, دمعت عيوني من شفت حماسكم وانتوا تحتجون وزعلانين على شيعة البحرين المساكين
ماتدرون شلون العبره خنكتني على هالمساكين المحرومين من المحاصصه الطائفيه. خصوصا اكو كم مناضل بحريني عايشين بقم وطهران, يجون على الحاضر وجاهزين لأستلام الجمل بما حمل
ليش هيج بس عشر أيام احتجاج. لو اني منكم اعزل البرلمان, الى ان يتنازل ابن خليفه عن الحكم ويجي احمدي نجاد بداله!!
بس ادري وراكم اشغال هوايه والعراقيين ناس مشاغبين وما يكعدون راحه وشكد ما توفرولهم خدمات مايغزر بعيونهم. خصوصا الشيعه العراقيين صايرين فركاس ماينكاس.
لو بس اعرف هاي المواقف النضاليه ليش مابينت وظهرت تضامنا مع الشعب الايراني بأحتجاجاتهم؟؟ لو هذوله شيعه مشاغبين ويستحقون الموت مثل القشامر اللي انتخبوكم بالعراق؟
عجبني اخونه الكاعد بقم رئيس تيار كلا كلا, كلشي وكلاشي, يأمر بمسيرات لمساندة المطالبين بحقوقهم في البحرين. زين وحقوق هذوله المكاريد العايشين بهل خرابه؟

تدرون ليش محد جاي يساند البحرينيين الشيعه رغم عدالة مطالبهم ؟
لأن انتوا جنيتوا عليهم!! بعد ما شاف العالم شلون صرتوا ذيل لولي الفقيه. وشلون فتحتوا البلد للمخابرات الايرانيه, فالناس اخذت عبره من خيانتكم وغدركم بالذي ساعدكم وخلصكم من الدكتاتور.
تره واحد شكد شايف بحياته ناس ما تخجل, يبقه يتعجب شلون ما تندى كصصكم من هيج تصرفات.
البلد ماكو بيه شئ يعمل بنسبة عشرين بالمائه. اللهم الا حبوب الفياكرا اللي تبلعوها, ورغم هذا تحتجون وتطلعون مسيرات وتضربون عن العمل, لنصرة علي خامنئي!!
بس هاي وكفة الزلم ماراح ينساها. واكيد راح يردها -النا مو الكم- الحرس الثوري مفخخات ومي بزل مالح بشط العرب.
اني متأكد هسه اكو اكثر من مليون شيعي عراقي يتوسلون لو يصير ويتبادلون بالجناسي ويه شيعة البحرين. بس حتى يخلصون من شكولكم, عدا قهر العيشه الزفره.
وعود خلي يجون البحرينيين يعيشون بمدن التنك هنا, ويتنعمون بحكومه من اغلبيه شيعيه حتى يشوفون الله شخالق من زباله.
لو اكو عداله بالعالم كان المفروض ان نرى قيام النواب البحرينيين الشيعه بأضراب لمساندة شيعة العراق في كفاحهم ضد برلماننا المصاب بالتهاب البواسير وشلل الاطفال.





التعليق والتصويت على الموضوع في الموقع الرئيسي


التعليقات

1 - الحظر الجوي
رعد الحافظ ( 2011 / 3 / 17 - 22:40 )
ثورات الإنترنت العربية , أظهرت الواقع المرير والنفاق الإجتماعي والسياسي والطائفية المقيتة المترسبة في النفوس عند الغالبية في مجتمعاتنا البائسة
وعلى رأي المثل
سقط القناع عن الوجوه الغادرة .. وحقيقة الطائفية بانت سافرة
لاحظ عزيزي سرمد الجرّاح مايلي
الخليجيين الوهابيين في غالبيتهم ايدوا ولو إعلامياً الشعب الليبي وصمتوا صمت الحملان مع مطالب الشعب البحريني لأنّ غالبيتهِ من الشيعة
بينما النواب والساسة العراقيين الطائفين أمثال الجعفري ومقتدى إنتفخوا حنقاً على مظلومية الشعب البحريني وتقريباً تشفّوا بمذابح الشعب الليبي , ورغم أنّ الجعفري حاول عكس الصورة في خطابه اليوم لكنّه كان مفضوح كفاية ليفهم حتى الطفل مقاصدهِ الطائفية
***
علينا لو شئنا الواقعية الإعتراف بما يلي
الطائفية مغروسة في غالبيتنا منذ 14 قرن
لا أفهم لماذا إعترض المؤدلجين على الفوضى الخلاقة ؟
ربّما فهموها بشكل مخالف للحقيقة ؟
غالباً هم قصدوا فلتتوفر الحرية للجميع لنرى خبايا النفوس والفوضى والنفاق الناتج , وبالتأكيد سيطول الزمن قبل الإستقرار
بالمناسبة / هذه اللحظة أقرّ مجلس الأمن الحظر الجوي على نظام المجنون الليبي, مبروك

2 - قرقوزات
حمورابي سعيد ( 2011 / 3 / 18 - 08:13 )
اخي سرمد...لا تتعجب من تصرفات الكثبر من من يسمون نواب ,فامورهم ليست بيدهم ,فهم كالقرقوزات تحركهم ايادي من الخارج .تحياتي

3 - ردود الاحبه
سرمد الجراح ( 2011 / 3 / 18 - 09:19 )
اخي الحبيب رعد الحافظ, بيش تريد احلفلك لا طائفيه ولا هم يحزنون. هؤلاء مجموعه من الانهازيين ليس لديهم ولاء لأي شئ عدا انفسهم. هل شاهدت في حياتك قمله طائفيه تمص دم السني وتترك الشيعي؟؟
تحياتي
اخي الكريم حمورابي, مرات اسأل نفسي ليش واحد وصل لحكم بلد مثل العراق يقبل على نفسه يصير ذيل؟ هل العبوديه والتذلل تنطبع في النفس حتى تصبح طبعا؟
تحياتي وشكرا لمروركم

4 - حقيقة ايران
علي بابا ( 2011 / 3 / 18 - 11:25 )
ان ايران يجب ان تكون العدو الاول لاي عربي يحب وطنه يحب شقبه وان لايكون انتمائه لغيرهما ان ايران المستفاد الوحيد من سقوط الدم العربي وهذا ثارهم من القادسية الاولى وهذا مايعيشون من اجله متمثلا بالنفاق الفكري تاره وبالواقع العملي السياسي والعسكري تارتا ؤخره مثال ان ايران عقيدين تشتم وتلعن رموز اهل الايلام اي السنه وهذا ماتدين له حماس اذا ماعلاقة دعم ايلران لحماس الا الاستفاده والتلذذ بالدم العرابي على العرب ان يعوا مايحاك لهم من قبل الذين الشيعي السياسي
شكرا لمن قرء مشاركتي




5 - حقيقة ايران
علي البصري ( 2011 / 3 / 18 - 11:28 )
ان ايران يجب ان تكون العدو الاول لاي عربي يحب وطنه يحب شقبه وان لايكون انتمائه لغيرهما ان ايران المستفاد الوحيد من سقوط الدم العربي وهذا ثارهم من القادسية الاولى وهذا مايعيشون من اجله متمثلا بالنفاق الفكري تاره وبالواقع العملي السياسي والعسكري تارتا ؤخره مثال ان ايران عقيدين تشتم وتلعن رموز اهل الايلام اي السنه وهذا ماتدين له حماس اذا ماعلاقة دعم ايلران لحماس الا الاستفاده والتلذذ بالدم العرابي على العرب ان يعوا مايحاك لهم من قبل الذين الشيعي السياسي
شكرا لمن قرء مشاركتي




6 - رائع يا سرمد
يونس حنون ( 2011 / 3 / 18 - 12:47 )
ماذا عن كبيرهم الذي علمهم السحر
الحكومة الايرانية تحذر الحكومة البحرينية من ايذاء الشعب البحريني
لماذا لم تحذروا القذافي من ايذاء شعبه
لانكم منافقوووووووووووووووون

7 - تحيه طيبه
سرمد الجراح ( 2011 / 3 / 18 - 13:53 )
الاخ علي البصري شكرا لمرورك وتعليقك, عزيزي المسأله بعيده كل البعد عن الطائفيه والثارات. انها اطماع سياسيه بحته لدكتاتوريات لاتعرف دين او مذهب
تحياتي
اخي وصديقي دكتور يونس, تتصور هذوله اللي بايران خايفين على الشيعه, تدري لو يسكتون احسن لكن من يصرحون ويهددون, يكولون بلكي الحكومه البحرينيه تضربهم وتقتلهم اكثر, حتى نبين نفسنا حامين حمى الشيعه. اذا اكو مؤامره دمرت الاسلام كدين له احترامه بالعالم فهي قاعدة أبن لادن وولاية الفقيه الايرانيه
مع خالص ودي

8 - سـؤال لـلأخ حمـورابـي سـعـيد 2# عـن الـقراقـو
شـكـوكـو العـراقـي ( 2011 / 3 / 20 - 20:38 )
إلـي يحـرك الـقـرقـوز إيـدَخِـل إيـدَه مـن تـحتهـا ويحـركـهـا ! بـس لـو الـقـرقـوز مـن بنـي آدم٠٠٠٠ سـؤالي (الي يـحـركـهـا مـن -ويـن - ايدخـل ايــدَه ؟؟؟؟؟؟؟؟؟؟؟!!!!!!!!

اخر الافلام

.. كلمة أخيرة - ياسمين علي بتغني من سن 8 سنين.. وباباها كان بيس

.. كلمة أخيرة - المهرجانات مش غناء وكده بنشتم الغناء.. رأي صاد



.. كلمة أخيرة - -على باب الله-.. ياسمين علي ترد بشكل كوميدي عل

.. كلمة أخيرة - شركة معروفة طلبت مني ماتجوزش.. ياسمين علي تكشف



.. كلمة أخيرة - صدقي صخر بدأ بالغناء قبل التمثيل.. يا ترى بيحب