الحوار المتمدن - موبايل
الموقع الرئيسي


غنوة الى مناضلي ساحة التحرير تضامنا مع مطاليب الشعب العراقي

انتصار الميالي

2011 / 3 / 22
الادب والفن


افتح اذنك واسمع زين
جيناك انطالب بالدين
صارنة اسنين نطلب
صارنة اسنين نطلب
وانتة علينة بس اتجذب
وانتة علينة بس اتجذب
*****
يوم اتكول ويوم اتغلس
ويوم اتكول البنك امفلس
وبس بالوجبة علينة اتعلس
وتوكلنة خبز وطين
وتوكلنة خبز وطين
*****
افتح اذنك واسمع زين
جيناك انطالب بالدين
*****
لاتكول احنة الارهاب
وتتحجج وتسد الباب
وتكول ماعدنة حساب
احنة انطلبك من اسنين
احنة انطلبك من اسنين
*****
افتح اذنك واسمع زين
جيناك انطالب بالدين
*****
ضحينة للوطن بكلشي
وياك مايرهم اي شي
وانت مكظيهة بس تحشي
جيوبك ومفلس بنكين
جيوبك ومفلس بنكين
*****
افتح اذنك واسمع زين
جيناك انطالب بالدين
*****
جيناك انحاسب عالباطل
ولاتراوغ واتظل اتماطل
واجبنة وعالحق نقاتل
وتعرف شعبك كلش زين
وتعرف شعبك كلش زين
*****
افتح اذنك واسمع زين
جيناك انطالب بالدين
*****
اليوم انذكرك بالماضي
وشعب الغاضب هو القاضي
ومانرجع من عندك فاضي
مطلوب ترجعنة الدين
مطلوب ترجعنة الدين
*****
افتح اذنك واسمع زين
جيناك انطالب بالدين
*****
وماباقي من العدة هواي
نريد ضوة وخبز وماي
وشغل وسكن وحرية راي
احنة نذكرك ما ناسين
*****
افتح اذنك واسمع زين
جيناك انطالب بالدين





التعليق والتصويت على الموضوع في الموقع الرئيسي


التعليقات

1 - اللـــــــــــــــــه يا وطن عندك محبين
نشوان جان بارو ( 2011 / 3 / 22 - 17:34 )
سلمت الايادي يا من كتب هذا الكلام يا ليت كلمات هذه الغنوة تصبح رأس المطرقة و تضرب رؤوس الباطل علها تؤثر في ضمائرهم و تزعزع ولو قليلا من قساوة قلوبهم و تلين أمخختهم ليفهمو من هم العراقييون و كم هم مثقفون و واعون ,, شكرا لكِ آنسة انتصار على هذا الكلام الاكثر من رائع
تقبلي مروري المتواضع

2 - غنوة رائعة
ارام محمد ( 2011 / 3 / 22 - 18:38 )
عاشت ايدج انتصار وياريت تتلحن الغنوة وتصير اغنية ساحة التحرير طيلة ايام (العدة) للحكومة لان عدة حكومتنا الموقرة ثلاثة قروء وعشرة ايام . هههههههههههه

3 - نشوان-العراق له محبين انت منهم
انتصار الميالي ( 2011 / 3 / 23 - 09:32 )
ولدنا ونموت من اجل الوطن والشعب..هكذا تعلمنا من المبادئ السامية
وهكذا ارادنا الاحرار.واعلم اننا لن نتنازل عن حقوقنا المشروعة ولن نسكت على الباطل مهما كلفنا الامر..شكرا لمرورك وكلماتك الطيبة

4 - غنوة معبرة
Ali Al Dujaily ( 2011 / 3 / 23 - 10:50 )
وطني يسعد صباحك....لم الشمل ....لملم جراحك....ودي اشوفك يوم تضحك.....يمتى الحزن يطلق سراحك

5 - ما أحلى الكلام المقرون بالفعل
حسين محيي الدين ( 2011 / 3 / 23 - 20:00 )
لو لم أكن أعرفك عن قرب وأعرف كم أنت عاشقة لهذا البلد ومضحية من أجله لقلت هذا كلام شعراء لكنك وانت المناضلة والمحبة فشعرك من القلب شكرا لك

6 - ارام محمد..تحية وطن
انتصار الميالي ( 2011 / 3 / 23 - 20:28 )
منذ طفولتنا ونحن نسمع اغاني ثوراتنا على الباطل وعلى الظلم وعلى حكومات الاستبداد ولن انسى اغنية راجعين لفيروز لنغنيها راجعين ياساحة التحرير ببسالة حملة الفكر والوجدان..واني مثلك اتمنى تكون غنوة تتلحن وتغنى في ساحة الابطال وللابطال لتسمع المسؤولين..شكرا لمرورك ارام

7 - ali al dujaily- يسعد ايامك
انتصار الميالي ( 2011 / 3 / 23 - 20:37 )
يارب يلتم الشمل..وبأيدنة نصنع امل..ونمضي الى الغد حيث الثورة على كل انتهاك ونكول للطاغي كافي ..بعد مااشيلك على اجتافي..ونبني وطن من جديد بيه شعب حر وسعيد..شكرا علي

8 - د.حسين محي الدين
انتصار الميالي ( 2011 / 3 / 23 - 20:42 )
شكرا لمرورك ولكلامك الطيب...ليس هناك اجمل من ان نعشق اوطاننا ونضحي لها..اننا نحيا ونموت لمرة واحدة فلنعشها بشرف ولنموت ونحن احرار

اخر الافلام

.. أحمد فهمي يروج لفيلم -عصـ ابة المكس- بفيديو كوميدي مع أوس أو

.. كل يوم - حوار خاص مع الفنانة -دينا فؤاد- مع خالد أبو بكر بعد



.. بسبب طوله اترفض?? موقف كوميدي من أحمد عبد الوهاب????


.. كل يوم - الفنانة دينا فؤاد لخالد أبو بكر: كان نفسي أقدم دور




.. كل يوم - الفنانة دينا فؤاد لخالد أبو بكر: -الحشاشين- من أعظم