الحوار المتمدن - موبايل
الموقع الرئيسي


كل الحب لآذار المحبّة

جواد القابجي

2011 / 3 / 25
الادب والفن


دارمي
******
آذار گمره اوشمس ++ ورياضنه الخضره
إطلالة اجمل شهر ++ وعياد بي كِثره
************
عيد امّي بي والاخت ++ والناس مبتشره
وغنّينه للي نحب ++ وسـواعد السمره
************
أبوذيات
******
امنلگه الولف ما اشبع ++ معاني
يدري افراگه لي متعب ++ معاني
اودَّه دايـــــــم ابگربي ++ معاني
أحسَّه بگلبي بس مبعد عليَّه
*****************
يكفي إتألِّم ابگلبي ++ ولعباس
مع كل هاي أنه مِبسم ++ ولعباس
بس مرّات من اتشب ++ ولعباس
الفوگ او جوَّه اطبگهن سويَّه
***************
اليعزنه امنلعيون احنه ++ نراويه
او للي يلعب ابذيله ++ نراويه
حرامي اليوم بس باچر++ نراويه
غضب شعب العراق اعله الرديّه
****************
گضوها امحاصص امعاصص ++ ملاعين
اوصاروا للشعب كلهم ++ ملاعين
شياطين او رِبَه انواقص ++ ملاعين
او دَمْ الشعب عدهم صار ميَّه
***************
فكر الخير بي طيبه ++ وشعبي
مثل النور عالعالم ++ وشعبي
انتخبناه عضو بالمجلس++ وشعبي
طلع اكبر حرامي ايبوگ بيَّه
**************
مرّت سنه ابلا امن او ++ وزاره
ولا من يعترف جرمه او + وزاره
اريد امشي الگبر قاسم ++ وزاره
وسولف عالچلاب اوعضها بيَّه
*************
نار اوجاغهم گالوا ++ مسيره
وصارسنين ماشفنه ++ مسيره
تظاهر ماكو لا تطلع ++ مسيره
النتيجه اثنينهن احنه الضحيَّه
**************
موّال زهيري
**********
بمراض صار الزمن يقذف علينه او ++ دره
وكل شيء ماكو صفت لاشاف لا من ++ دره
او لوما بعض ناس بحليب التودها ++ دره
جا گلنه راحت علينه ونتهى كل ++ وصل
والما يحب جَمعنه يِرجه گَطِعْنَه ++ وصل
مثل اللي أمَّنتهم طلعولي حيَّه ++ وصل
يو مثل من گال أنا تالي طلع قن ++ دره
************************
[email protected]





التعليق والتصويت على الموضوع في الموقع الرئيسي


اخر الافلام

.. فايز الدويري: فيديو الأسير يثبت زيف الرواية الإسرائيلية


.. أحمد حلمى من مهرجان روتردام للفيلم العربي: سعيد جدا بتكريمي




.. مقابلة فنية | الممثل والمخرج عصام بوخالد: غزة ستقلب العالم |

.. احمد حلمي على العجلة في شوارع روتردام بهولندا قبل تكريمه بمه



.. مراسل الجزيرة هاني الشاعر يرصد التطورات الميدانية في قطاع غز