الحوار المتمدن - موبايل
الموقع الرئيسي


مدام تِوسو في النجف وإحذروا التجميل

سرمد علي الجراح

2011 / 4 / 4
كتابات ساخرة


مدام تِوسو في النجف
مدام تِوسو –Madame Tussauds- وتنطق بعدم لفظ الدي والأس على النطق الفرنسي. هو الاسم المعروف لأشهر متاحف الشمع حول العالم. وقد قررت محافظة النجف انشاء متحف شمع لأشهر الشخصيات الثقافيه الاسلاميه.
شخصيا صرت شكوكي وأعتقد ماكو شغله يسووها أهل العمايم لوجه الله. لذلك من سمعت بهاي الشغله, الفار لعب بعبّي. شنو القصد وليش يصرفون على تماثيل شمع. شنو احنه ناقصين عمايم؟؟
هسه اشرحلكم شنو الفلم
وين المشكله؟
أولا هاي التماثيل حرام لو حلال؟ ليش قسم النحت بالفنون الجميله حرام ويسوون اصنام, وهاي التماثيل مو اصنام؟ افتونا مأجورين.
أريد اصير اليوم آية الله جراحستاني, واصدر فتوى اكول بيها, هاي اللي بالنجف نعم اصنام وهذيج لا, شلون؟
خلي تجي زايره من طهران وتشوف تمثال الخميني وشوفوا شراح تسوّي, إذا ماطاحت على مداسه تبوسه اني مو سرمد.
يابه اني كلشي ما أريد, بس خلي ينطوني تمثال سيد مقتدى, إذا ما لمّيت مليون دولار من النذوره بشهر كلشي ما افتهم.
والخمس مالكم ادفعه مقدما على اي بنك سويسري اسلامي. وإذا تريدوه فِيَش روليت بكازينو مونت كارلو, هم ماكو مانع.
خو اذا انطوني المتحف كله, يمكن أطلع كلدارية حضرة أمير المؤمنين كسر.
وأخلي الكوّام والكلداريه يجدّون بباب المتحف. ومو بعيد أخلي التماثيل تصدر فتاوي وأعزل الحوزه.
وحتى يمكن اسويهم حزب وادخل بيهم انتخابات برلمانيه واكيد راح يفوزون
على الاقل راح يكعدون بالبرلمان ومايغيبون, وكل فرق ماكو بينهم وبين النواب الحاليين. بالعكس يفيدون الشعب اكثر, لأن يجيبون وارد وما ياخذون رواتب, وما يحتاجون حمايه ولا سيارات مصفحه.
ونفس الشئ عود من يأمرهم رئيس الكتله صوتوا نعم, يصوتون نعم. أكثر من هاي ماكو.
فهمتوا الفلم اخوان, بير نفط جديد!!

عملية تجميل شرعيه
هذه قصه حقيقيه ليست من بنات الخيال وهناك شهود عليها, ولو ان زمن العجائب ولى, واصبح كل شئ ممكن حدوثه من طيران الفيله إلى الجاموس الناطق, عدا حصول العراقيين على حكومه نظيفه, هاي المعجزه ماراح تصير.
بطلة هذه القصه زوجة احد اعضاء امانة بغداد من محدثي النعمه, ومن تيار يمه نتلني الاوتي.
ذهبت هذه السيده الى لبنان, شايله علاكه دولارات - مو شقه أخوان, شايله خمسين الف دولار بعلاكه نايلون!!-, لأجراء عملية تجميل, لتزيل ما افسده الدهر, والاضرار الجانبيه لأكل القيمه والتمن.
وبسبب مطالبة ابو الفريخات* تحسين الخدمات !!وإزالة الحواجز الشحميه, لتسهيل الوصول الى المنطقه الخضراء!!
فوصفوا لها جراحا - لاتتهموني اني معليه- ذو شهرة وصيت.
فلما دخلت الخيمه, يبووووو. قصدي العياده واراد ان يفحصها,
قالت له بلسان فصيح, اوكف ولك جا هيه فالتون*, جا هيه كلمن إله. مَيّل غاد* ,لا أطِكك طراك أطيح ضروسك.
فذعر الطبيب وقال, شو مدام, شو صار؟ بدنا نعمل تست من شان الاوباراسيو -العمليه- .
فأجابت, ولك يلثول مايصير انكشف على غريب ولو ماعندي رييل –رجيجيل*- ماهدّيتك وانته احمراني تكول طماطايه.
الدكتور, وشو الحل مدام هيك مافيني اعمل شي.
المدام, تملج على بنتي متعه!!! -بنتها شابه عمرها عشرين سنه- !!!
الدكتور, شو يعني تملش ؟.
المدام, يعني تتزوجها متعه يلثول حتى تصير محرم علَيْ.
وهنا كاد الدكتور ان يفقد الوعي, فقال مش ممكن مدام انا مسيحي ومتجوز!!
فقالت مسيحي, مو مشكله, المهم مو سني!! تتجوزها وغصبا عليك واحنا ندفعلك مهر!!
فأجريت العمليه واصبحت بجمال ورشاقة وغنج سلحفاة حوله.
ومبروك للعروسين, وهنياله اللي صار دكتور.
شلون ما اشوف هذا راح يوكعلنه دك….. عمليات تجميل!!

*الفريخات تعني الاطفال بلهجة اهل الجنوب
*رجيجيل, مصغر رجل اي زوج
* فالتون تعني بدون حواجز او عوائق
*مَيّل غاد: ابتعد عني





التعليق والتصويت على الموضوع في الموقع الرئيسي


التعليقات

1 - إنتاج سينمائي
رعد الحافظ ( 2011 / 4 / 4 - 10:15 )
هههههههههههههههههه
عزيزي سرمد , مادمتَ تؤكد على حقيقة هذهِ القصة , وأنتَ موثوق عندنا ,فأنتَ أمامك باب ثاني سوى الباب الذي فكرّت بالتربح منه من تماثيل آيات الشمع الإسلامية
ذلك هو إنجاز نص كامل لسيناريو فلم ( كوميدي إسلامي ) , يذكر مثل تلك القصص ويعالجها خصوصاً ونحن في زمن الثورات والحريات
وأنا أضمن لكَ دخل محترم حيث سيتسابق لشراء نصّك هذا / الوهابيون
على إعتبار هم أعداء الشيعة وآل البيت .. الأوائل
وبالمقابل سيكون بإستطاعتنا نحنُ ( الخصوم ) بإنتاج أفلام ترّد عليك ويشتريها منتج شيعي
نفضح فيها الوهابية وبعض أعمالهم من قبيل مفاخذة الرضّع وشرب بول الإبل والحمير
****
فكّر يا سرمد فالمكسب يستحق , تحياتي لكَ دوماً

2 - وصوصة
حمورابي سعيد ( 2011 / 4 / 4 - 10:55 )
خوية سرمد...ما خبرتنا هل التماثيل توصوص لو ساكتة .لان لو توصوص جان على الاقل نسمع وصوصة مقتدى اللي مطلعها..كبر لي العمامة وسويلي حجامة.اما زوجة حديث النعمة ..هل منطقتها الخظراء لا زالت خظراء ام تيبست .تحياتي

3 - ردود الاصدقاء
سرمد الجراح ( 2011 / 4 / 4 - 11:15 )
عزيزي رعد
سأبدء بإعداد وكتابة السيناريو وسأجعلكم مدير اعمالنا والوارد بالنص. بس تره العمايم متحدين بشغلات النسوان شيعه وسنه ووهابيه. فالخميني اجاز تفخيذ الرضيعه في كتابه تحرير الوسيله. والبخاري ذكر ان النبي فاخذ عائشه وعمرها ست سنوات قبل ان يدخل بها. وسن الزواج متفق عليه تسع سنوات عند كل المذاهب. لو تجي للحقيقه العمايم واحد انكس من الثاني وكلهم نفس الطينه, وإسائتهم لكرامة الانسان تتعدى حدود العقل. ولكنهم يعلمون ان اتباعهم بهائم, وإلا كيف نفسر امرأه تستر نفسها بإبتذال ادمية بنتها. او شخص يقبل ان يكون ربه سفاحا ويقبل منه قتل الابرياء ليجازيه بعواهر الجنه.
تحياتي
الاخ حمورابي
انته بس انطيني التمثال واني يوميه ابيع هدومه, وصل وعلك حتى الاندر وير!!
تحياتي

4 - من هالمال حمل اجمال
روعة سويدن ( 2011 / 4 / 4 - 12:28 )
عزيزي سرمد بس ردت اعرف زين ورى هاي العملية التجولح مالتها اختفى لو لا مدام نعيم عبعوب وانيالها لامانة بغداد على هالشكول وبسم الدين والشرع يخوضون بهالتجاوزات الاخلاقية بس تعرف سرمد اكو بيها خطا صار من هالطبيب المسيحي المكرود حقه التهى بالوف الدولارات بس نسى يعدل الميزانية والبلنص لان اشو بعدها تمشي صفح.. تحياتي

5 - فلوس البلوعة
احسان الياسري ( 2011 / 4 / 4 - 12:59 )
يابة اني اقول فلوس البلوعة مال باب الشرجي وين صارت .. اثاري صلحو بيها بلوعة ثانية

6 - فلوس البلوعة
احسان الياسري ( 2011 / 4 / 4 - 13:05 )
واني محتار واعيد بالحساب واقول فلوس البلوعة مال باب الشرجي وين راحت .... اثاري صلحو بيها بلوعة ثانية

7 - مستحيل
همسه الخياط ( 2011 / 4 / 4 - 14:00 )
مستحيل هالمقال خاصة (واصبحت بجمال ورشاقة وغنج سلحفاةحوله
(

الله يديم الحلال هسه اكيد الخالة رح يكائفها الله ويجيب
لزوجها بس 17 حورية مكان 72 مادري75
و انت رائع كالعادة

8 - ردود الاصدقاء2
سرمد الجراح ( 2011 / 4 / 4 - 15:29 )
العزيزه روعه, الميزانيه والبلنص راح يعدلوها بكسره وعطش بالحي الصناعي, بس كانوا ينتظرون يخف وزنها لأن ما جان عدهم جك يشيلها
تحياتي
الاخ الكريم احسان, هاي بس فلوس البلوعه وفلوس الطسات والتبليط وين محد يدري.
تحياتي
العزيزه همسه, شكرا لمرورك, الضاهر اذا بقت الحاله هيج راح تزوج كل بناتها وبنات خواتها واخوتها لكل فيترجية وتنكجية لبنان حتى يعدلون الشاصي والمحرك
تحياتي

9 - مقال طائفي مع الاسف
اسعد عزيز ( 2011 / 11 / 23 - 13:30 )
تحية لك استاذ سرمد
مع كل الاحترام ولانك فتحت باب التعليق على موضوعك
اود ان اذكر ان الروحية الطائفية تهيمن بقوة على مقالك الذي يفترض ان يكون بمنطق علماني
وهذه مشكلة اخرى فالكثير من الكتاب في هذا الموقع العلماني هم علمانيون سنة وعلمانيون شيعة او ربما شيعيون شيعة وشيعيون سنة وماشابه
لا اعرف ماهو المضحك في لهجة اهل الجنوب ومالذي يدعو للسخريه في لهجة تختلف عن لهجة اهلنا في بغداد او المنطقة الغربية واي لهجة هي لهجة محدثي النعمة وايها لهجة من هم احق بدوام النعمة حسب توزيعك للاستحقاقات .اظن ان قدرتك اللغوية فيها ابداع وتجديد
واقترح عليك ان تتعمق في رؤيتك وتبتعد عن الحس الطائفي الذي امسى مكررا جدا وبذلك تصل الى شريحة اكبر وتساهم في اثرائنا ولك كل الود


اخر الافلام

.. نابر سعودية وخليجية وعربية كرمت الأمير الشاعر بدر بن عبد الم

.. الكويت.. فيلم -شهر زي العسل- يتسبب بجدل واسع • فرانس 24




.. رحيل الممثل البريطاني برنارد هيل عن عمر 79 عاماً


.. فيلم السرب يتخطى 8 ملايين جنيه في شباك التذاكر خلال 4 أيام ع



.. الفنان محمد عبده يكشف عبر برنامج -تفاعلكم- أنه يتلقى الكيماو