الحوار المتمدن - موبايل
الموقع الرئيسي


من القصائد الغير منشورة للشاعر مظفر النواب

سامي عبد المنعم

2011 / 4 / 24
الادب والفن


من القصائد الغير منشورةللشاعر مظفر النواب

سامي عبد المنعم
العب
ابچي من زودة حلاتك
وابچي من واهس الساني
بطاري ذچرك
موبديه ...
ماذكرتك الا من كل ضيجة
من ضيجات خلگي ...
وزينه من زينات ذاتك
ليش گلي استعجلت ؟
والروح مرهونه كلبدون ابعباتك
انه بيه امنل دعه ...
لطولك الف ورگة عنب
وارجه گربك بالتهجي
وروحي تباعة ذهب
بالحلم ختيله تلعب
بالحلم وياي چنك
وانته بحساب الورد ...
لنك ورد من لزمه تتعب
يلي نايم على طولك
تشتعل مثل الگلاده
خرزه ليلو او خرزه كهرب
او خرزه ماتنحچي اوتلعب
گدرت طولي اعله طولك...
وانته كلما اتساهلت وياي تصعب
يلي حسنك فوگ حسن الناس
كل الناس ...
شمرة عصى اوبيك اشويه ملعب
العب العب ...
بويه العب
يا بعد خالي ...
عليك الحمزه ابو احزامين تلعب
انه تندگ روحي هلهولة اببسامير
امنشوفك ويه كل الناس تلعب
وانته گلبك ينكسر مسقوله واطيب
نشدوا الوادم عن اوصافك
گلت احسن وصف يفلان تلعب





التعليق والتصويت على الموضوع في الموقع الرئيسي


التعليقات

1 - غير المنشورة
حيدر الحيدر ( 2012 / 4 / 29 - 19:14 )
يا بعد خالي ...
عليك الحمزه ابو احزامين تلعب
انه تندگ روحي هلهولة اببسامير
امنشوفك ويه كل الناس تلعب
وانته گلبك ينكسر مسقوله واطيب
ــــــــــــــــــــــ
قصيدة نوابية رائعة
شكراً للعزيز سامي عبد المنعم

اخر الافلام

.. نابر سعودية وخليجية وعربية كرمت الأمير الشاعر بدر بن عبد الم

.. الكويت.. فيلم -شهر زي العسل- يتسبب بجدل واسع • فرانس 24




.. رحيل الممثل البريطاني برنارد هيل عن عمر 79 عاماً


.. فيلم السرب يتخطى 8 ملايين جنيه في شباك التذاكر خلال 4 أيام ع



.. الفنان محمد عبده يكشف عبر برنامج -تفاعلكم- أنه يتلقى الكيماو